توێژینەوەیەكی خۆراكی نوێ دەریخستووە، خواردنی ژەمێكی سوك لەبادەم قەرەبووی ئەو كەسانە دەكاتەوە كەفریای نانی بەیانی نەكەوتوون و رانەهاتوون لەسەر خواردنی ئەم ژەمە بەڕێك و پێكی.

(رۆدی ئۆرتیز) ئەكادیمی بەریتانی لەزانكۆی كالیفۆرنیای ئەمریكا رایگەیاندووە، بادەم جێگرەوەیەكی باشە بۆ ئەوانەی نانی بەیانی ناخۆن، بەو پێیەی فشاری بەرزی خوێن و كۆلیسترۆڵ دادەبەزێنێت و رۆڵی گرنگی هەیە لەدابەزاندنی كێش و كەمكردنەوەی هەستی برسێتیدا.

بەپێی توێژینەوەكە خوێندكاران دەتوانن لەجیاتی نانی بەیانی بادەم بخۆن ئەمەش رێژەی شەكر لەخوێنیان دادەبەزێنێت.

 

 

 

بەپێی هەواڵێكی رۆژنامەیەكی دیاری عێراقی، بڕیارە بەم نزیكانە (بەشار ئەسەد) سەرۆكی سوریا سەردانی بەغدا بكات، بۆ ئەم مەبەستەش (فالح فەیاز) راوێژكاری ئاسایشی نیشتمانی عێراق، كار بۆ رێكخستنی سەردانەكە دەكات، بەڵام رۆژی سەردانەكە دیاری نەكراوە.

ئەمەش دوای سەردانەكەی چەند رۆژی رابردووی (حەسەن رۆحانی) سەرۆكی ئێران بۆ عێراق دێت.

(بەشار ئەسەد) دوو هەفتە لەمەوبەر سەردانی ئێرانی كردو لەگەڵ (عەلی خامنێئی) رێبەری باڵای ئێران و سەرۆك‌ كۆماری ئەم وڵاتە كەوت.

 

 

گروپە چەكدارەكانی داعش بڵاویان كردۆتەوە، كە ئەوان تۆڵەی كوشتارەكانی نێو دوو مزگەوتەكەی نیوزلەندا دەكەنەوە.

دۆیچەفیلەی ئەڵمانی بڵاویكردۆتەوە، گروپە چەكدارەكانی داعش گرتەیەكی ڤیدیۆییان بڵاوكردۆتەوەو تێیدا هەڕەشەی تۆڵە سەندنەوەی ڕووداوی كوشتارەكانی نێو مزگەوتەكانی نیوزلەندا دەكەنەوە.

ئەگەرچی تاكو ئێستا پشتڕاستی ئەوە نەكراوەنەوە، كە بڵاوبوونەوەی گرتەیەكی (40) خولەكی ئیشی داعش بووە، یان نا، بەڵام هەر لەو كەناڵ و ماڵپەڕانەدا بڵاوبۆتەوە كە بەردەوام داعش سوودی لێ وەردەگرێت.

"وتەبێژی داعش لەو گرتەدا هەڕەشەی لە ئەمریكاو هاوپەیمانانی كردووەو بەڵێنی بە لایەنگرانی ئەو گروپە داوە دوا رۆژێكی ترسێنەر چاوەڕوانی كافرانی سوریایە".

 

 

 

ئێوارەی دوێنێ‌ لەلایەن كەسانی نەناسراو گەنجێكی كورد دەكوژرێت بەناوی (هێژوان رەفعەت عەلی) لەدایك بووی (1988) تەرمكەی لەسەر شەقامێك فڕێدراوە.

بەپێی زانیارییەكانی رۆژنامەنووس (موحەمەد فایەق) ئێوارەی دوێنێ‌ تەرمی ئەو هاوڵاتییە لەشەقامی شۆراو بەرامبەر گوندی گورگەچاڵ فرێدرا بوو پاش گەیشتنی پۆلیسی بنكەی رەحیم ئاوا تەرمەكەی گوازرایەوە نەخۆشخانەی ئازادی بۆ بەشی پزیشكی دادوەری .

 

 

 

 

ربما تحتوي الصورة على: ‏‏شخص واحد‏، و‏‏‏‏جلوس‏، و‏لحية‏‏ و‏منظر داخلي‏‏‏‏

 

 

 

جۆرێك لەكۆتر كە ناوی (ئارماندۆ) یە بەگرانبەهاترین گیانلەبەر ئەژمار دەكرێت، تەنانەت بەنرخێكی خەیاڵیش فرۆشراوە.

خانەی (بیبا) بۆ مەزادی ئاشكرا بڵاویكردۆتەوە، كۆتری (ئارماندۆ) كە بە باشترین جۆری كۆتر ئەژمار دەكرێت لەجیهان و تەنانەت كێبڕكێی بڕینی زۆرترین ماوە دەكات، بەگرانترین نرخ فرۆشراوە كە نرخێكی خەیاڵییە.

تەنانەت ئەو كۆترە نازناوی (لویس هاملتۆن) ی ئینگلیزی پێدراوە، كە پاڵەوانی یاری پێشبڕكێی ئۆتۆمبێل (فۆرمەلا وەن) بووە.

ئەو كۆترە تەمەنی پێنج ساڵەو بە بڕی (1.25) ملیۆن یۆڕۆ فرۆشراوە، ئەوەش وای كردووە ببێتە گرانترین جۆری باڵندەكانی جیهان.

 

 

 

دوای بڕیاری لایەنە كوردستانییەكان بە كردنەوەی ئاگری نەورۆزو یادی ڕاپەڕینی شاری كەركوك لەسەر قەڵای كەركوك لە پاش نیوەڕۆی ئەمڕۆ چوارشەممە.

لایەنە عەرەبی و توركمانییەكانی كەركووكیش نووسراوی فەرمیان ئاراستەی (راكان سەعید) پارێزگاری كەركوك بە وەكالەت كردووەو داوایان كردووە ئەوانیش ئەمڕۆ چوارشەممە لەسەر قەڵای كەركوك ئاهەنگ بگێڕن.

بەپێی زانیارییەكان هەر دوێنێ‌ پارێزگاری كەركوك داواكاری توركمان و عەرەبەكانی رەتكردۆتەوە كە ئەوانیش داوای ئاهەنگ گێڕانیان كردبوو. 

 

 

 

بەرپرسێكی باڵای ئەمریكا لە بواری سنووردانان بۆ خۆپڕچەككردن وتی: بەرنامە موشەكییەكەی ئێران سەقامگیری ڕۆژهەڵاتی ناوەڕاست تێكدەدات و كێبڕكێی خۆپڕچەككردن لە ناوچەكەدا زیاد دەكات لەڕێی پێدانی ئەم جۆرە چەكانە بە گروپە چەكدارەكانی ناو لوبنان و یەمەن.

(دۆناڵد ترامپ) سەرۆكی ئەمریكا كاتێك لە ڕێكەوتنە ناوەكییەكەی ئێران كشایەوە وتی : تاران نەیتوانیوە دەستبەرداری بەرنامە موشەكییەكەی بێت و سنوورێك دابنێت بۆ دەستوەردانەكانی لە ناوچەكەدا.

ئەمریكا ئێرانی تۆمەتبار كرد بە تۆمەتی پێشێلكردنی یاسای ئەنجوومەنی ئاسایشی نێودەوڵەتی سەر بە نەتەوە یەكگرتووەكان بەوەی كە موشەكی بالیستی تاقیكردۆتەوە و لە مانگی دوانزەوە تاكو ئێستا دوو مووشەكی هەڵداوە.

یاریدەدەری وەزیری دەرەوەی ئەمریكا بۆ سنووردانان بۆ خۆپڕچەككردن (یەلیم بۆلێت) لە كۆنگرەیەكی داماڵینی چەكدا بە سەرپەرشتی نەتەوە یەكگرتووەكان وتی: بەرنامە موشەكییەكەی ئێران هۆكارێكی سەرەكییە لە زیادبوونی گرژییەكان و تێكدانی سەقامگیری لە ناوچەكەدا، هەروەها كێبڕكێی خۆپڕچەككردن لە ناوچەكەدا زیاد دەكات.

وتیشی : ئێران دەبێت بەزووترین كات دەستبەرداری ئەو چاڵاكییە موشەكییە بالیستیكییانە ببێت كە لەتوانایاندا هەیە چەكی ناوەكی هەڵبگرن، هەروەها چیتر موشەك و تەكنەلۆجیای موشەك نەدات بە گروپە تیرۆریستییەكان و لایەنەكانی دیكە.

وتیشی : ئێران موشەكی بالیستیكی داوە بە حوسییەكانی یەمەن و ئەوانیش بە ئاڕاستەی سعودییە هاویشتوویانە.

وتیشی : واشنتۆن بەتوندی بەرپەرچی ئێران دەداتەوە لە بڵاوكردنەوەی موشەكی بالیستیكی لە ناوچەكەداو گواستنەوەی ئەو چەكانە بەشێوەیەكی نایاسایی.

هەروەها داواشی لە هەموو وڵاتان كرد یاساكانی ئەنجوومەنی ئاسایشی نێودەوڵەتی جێبەجێ بكەن كە كۆتوبەند دەخەنە سەر گواستنەوەی تەكنەلۆجیای موشەكی ئێرانی.

 

 

ئەمینداری گشتی یەكگرتووی ئیسلامی كوردستان بەیاوەری (م. فەرهاد مەلا ساڵح) كارگێری ئەنجوومەنی جێبەجێكردن و (د. موسەننا ئەمین) ئەندامی سەركردایەتی سەردانی نا‌حیەی دێگەڵەو تەق تەقیان كرد لەلایەن (كاوە مەمەند) بەرپرس و ئەندامانی یەكەی رێكخستنی كۆیەوە بەگەرمی پێشوازیان لێكرا. 

سەرەتا (م. سەڵاحەددین) ئەمینداری گشتی یەكگرتوو سەردانی نا‌حیەی دێگەڵەی كردو لە نزیكەوە سەردانی ژمارەیەك لە مامۆستاو زانایانی ئایینی و كەسایەتی پیاو ماقوڵانی ناوچەكەو ئەندامانی ماندوونەناس و دێرینی یەكگرتووی ئیسلامی كوردستانی كردو لەنزیكەوە رێزو سوپاس و دەستخۆشی لێكردن كە بۆماوەی چارەگە سەدەیەك لەخزمەتی كاروانی پڕ شكۆی یەكگرتووی ئیسلامی كوردستان بەپەروەردەكردنێكی بیری میانرەوی ئیسڵاحی كە لەماوەی ڕابردوو ئێستاشدا بەردەوامن لە خزمەتی بێباوكان و هەژاران و بێنەوایاندا.

لەدرێژەی سەردانەكەیدا مامۆستا سەڵاحەددین ئەمینداری گشتی یەكگرتوو سەردانی ناحیەی تەقتەقی كردوو ڕایگەیاند: كۆمەڵگەی كوردی پێویستی بەو پەروەردەو نەهجە‌ی یەكگرتووە كە جێی شانازین و ڕۆڵی بەرچاویان بینیوە بەڕەوشت و ئەخلاقی بەرزیانەوە ناسراون و بەكەسانی پەروەردەكراو هێمن و لەسەرخۆ وەبەردەوامن لەسەر رێبازی قورئان و سوننەت خزمەت بەئایین و نیشتمان دەكات.

ئەمینداری گشتی یەكگرتوو رایگەیاند: یەكگرتوو هێزێكی كۆمەڵایەتی ئەخلاقی و پەروەردەیی گەورەیە لەم كۆمەڵگەیەدا وە هێزێكی ئیسڵاحییە كە لە هەموو بوارەكاندا كاریگەری هەیە شانازی بەكەسانی وەك ئێوەی دڵسۆزو خەمخۆر دەكات‌ كە هەوێنی پێكەوە ژیانن ڕۆڵی بەرچاوتان بینیوە لە هەموو خۆشی و نەهامەتیەكان.

 

 

حەشدی شەعبی لە سنوری‌ سەرگەڕان لە باكووری‌ رۆژئاوای‌ پارێزگای كەركوك كەوتنە بۆسەی چەكدارانی‌ داعشەوەو سێ چەكداری‌ هێزەكە لەو هێرشەدا كوژران.

لە گوندی حەلوات سەر بە شارۆچكەی سەرگەڕان لە باكوری رۆژئاوای‌ پارێزگای كەركوك لە بۆسەیەكی چەكدارانی داعش بۆ سەر هێزێكی حەشدی شەعبی بە ناوی هێزی ئەبو ئەستبراق سێ چەكداری حەشد كوژران.

هەر لەو هێرشەدا، چەكدارانی داعش دەستیان بەسەر بەسەر ئۆتۆمبێلێكدا لە جۆری پیكابدا گرتووەو دواتر بەرەو شوێنێكی نادیار رایانكردووە.

شانه‌ی راگه‌یاندنی ئه‌منیی عێراق له‌باره‌ی شه‌ڕو پێكدادانه‌كه‌ی سنوری ناحیه‌ی سنونێی سه‌ر به‌ قه‌زای شه‌نگال له‌نێوان سوپای عێراق و یه‌كینه‌كانی به‌رخۆدانی شه‌نگال(یه‌به‌شه)‌ رایگه‌یاند دو سه‌ربازیان كوژراون. ئه‌وه‌ش له‌كاتێكدایه‌ تا ئێستا یه‌به‌شه‌ به‌ڕه‌سمی هیچ له‌وباره‌یه‌وه‌ رانه‌گه‌یاندوه‌.

شانه‌ی راگه‌یاندنی ئه‌منی عێراق له‌به‌یاننامه‌یه‌كدا هێزه‌كه‌ی یه‌كینه‌كانی به‌رخۆدانی شه‌نگالی به‌ په‌كه‌كه‌ ناوبردو رایگه‌یاند"هێزێكی په‌كه‌كه‌ ده‌ستدرێژی كردۆته‌ سه‌ر بازگه‌یه‌كی ئه‌منی سه‌ر به‌ فه‌وجی یه‌كی لیوای 72 سه‌ر به‌ فه‌رمانده‌یی ئۆپه‌راسیۆنه‌كانی نه‌ینه‌وا، دوای ئه‌وه‌ی یه‌كێك له‌ سه‌ربازه‌كان داوای له‌ هێزه‌كه‌ی په‌كه‌كه‌ كردوه‌ كه‌ پێویسته‌ ره‌زامه‌ندی ئه‌منی وه‌ربگرن بۆئه‌وه‌ی رێگه‌یان بدرێت ده‌ربازی بازگه‌كه‌ ببن."

به‌پێی به‌یاننامه‌كه‌ی شانه‌ی راگه‌یاندنی ئه‌منی "ئه‌و هێزه‌ سه‌ربازه‌كه‌یان شێلاوه‌و ده‌ستدرێژیان كردۆته‌ سه‌ر بازگه‌كه‌."

وتوشیه‌تی"ئه‌وه‌ش بۆته‌ هۆی دروستبونی شه‌ڕوپێكدادان له‌نێوان هه‌ردولا و له‌ئه‌نجامدا دو سه‌ربازی هێزه‌كانی فه‌وجی یه‌ك كوژراون و پێنج كه‌سیش له‌ هێزه‌كه‌ی په‌كه‌كه‌ برینداربون."

ئه‌وه‌ش له‌كاتێكدایه‌ كه‌ تا ئێستا یه‌كینه‌كانی به‌رخۆدانی شه‌نگال هیچ لێدوانێكی ره‌سمیان له‌وباره‌یه‌وه‌ نه‌داوه‌ به‌ڵام پێشتر میدیاكانی نزیك له‌په‌كه‌كه‌ له‌وباره‌یه‌وه‌ بڵاویان كرده‌وه‌ كه‌ دره‌نگانی ئێواره‌ی ئه‌مڕۆ لەکاتی تێپەڕبونی ئۆتۆمبێلێکی یەکینەکانی بەرخۆدانی شەنگال-یەبەشە بە بازگەیەکی سوپای عێراقدا لە ناوچەی "تربەکا"ی سەر بە ناحیه‌ی سنونێ لە شەنگال، لەلایەن هێزەکانی عێراقەوە دەستڕێژی گوللـەی لێکراوە.

هێماشیان بۆ ئه‌وه‌ كردوه‌ كه‌ چاوەڕوان دەکرێت فەرماندەیی یەبەشە لەوبارەیەوە ڕاگەیەندراوێک بۆ ڕای گشتیی بڵاوبکاتەوە.

پەڕەى 1 لەکۆى 4951 پەڕەدا