كورديو-دهوك

ھەژمارەکا پەرلەمانتارێن کوردستانێ د بەیانامەیەکێ دا داخوازا ئازادکرنا ماموستا بەدەل بەروارێ دکەن.

دەقێ بەیانامێ:

پێدڤییە بەدەل بەرواری ب زویترین دەم بهێتە ئازادکرن ..

12ڕۆژ دەرباز دبن ب سەر دەستەسەرکرنا ب نەحەق و هێلانا ماموستا بەدەل بەرواری د زیندانێدا کو تومەتا دەستەسەرکرنا وی و هێلانا وید زیندانێدا بتنێ ئەوە بەڕەڤانی ژ مافێ خۆ کرییە و نەڕازیبوون بەرامبەر پاشکەفتنا مووچەیێ خۆ دەربڕییە.

ئەم وەکو پەرلەمانتارێن کو ناڤێ مە ل خوارێیە مە ئیمزاکرییە داخازێ دکەین کو پێدڤییە وەزیرێ ناڤخۆیێ حکومەتا هەرێمێ ڤی ماموستایئازادبکەن و ئێدی ب تومەتا نەڕازیبوون دەربڕین و رێپیڤانێن ئارام ماموستایان و چاڵاکڤانان دەستەسەر نەکەن و تومەتێن بێ بنەما روو بروو نەکەن.

هەروەسا داخازێ ژ لژنەیێن مافێ مرۆڤی ناڤخۆ و پەروەردەیێ ل پەرلەمانێ کوردستانێ و وەزارەتا پەروەردەیا حکومەتا هەرێما کوردستانێدکەین ، د خەما پاراستنا گیانێ ماموستا بەدەل بەرواریدا بن و ئێدی بێدەنگ نەبن بەرامبەر هێلانا ناڤهاتی د زیندانێدا..

ئیمزایا پەرلەمانتاران:-

سیپان ئامێدی

سۆران عومەر

دیاری ئەنوەر

ئەبوبەكر هەڵەدنی

گۆران عمر علی

د. شێركۆ جەدەت

هەڵز ئەحمەد

مژدە محمود

جلال محمد

ڕووپاك ئەحمەد

دابان محمد

 

بەرپرسانی تەندروستی ئەمریکا ڕایانگەیاند حاڵەتەکانی مردن بە کۆرۆنا لە سەرانسەری ئەمریکا ڕوو لە زیادبوونە و تا ئێستا 100 هەزار و ٣٠ کەس بە ڤایرۆسەکە گیانیان لەدەستداوە.

 

 هەروەها تا ئێستا ملیۆنێک و 713 هەزار کەس لە ئەمریکا توشووی ڤایرۆسەکە بوون ،کە ئەوەش زۆرترین ژمارەیە.

 

کۆی گشتی توشبوانی جیهان لە ئێستادا 5 ملیۆن و 637 هەزار و 544 کەسە،لە دوای ئەمریکاش بەڕازیل و ڕوسیا بە پلەی دووەم و سێهەم دێن.

 

هاوکات ژمارەی گیان لە دەستدان بە ڤایرۆسەکە لە جیهاندا گەیشتۆتە 350 هەزار و لە دوای ئەمریکا بەریتانیا و پاشان ئیتاڵیا زۆرترین گیان لەدەستدانیان تۆمارکردوە.

 

ئەوە لەکاتێکدایە لەبەشێکی وڵاتان رێکارەکانی کەرەنتینە و قەدەغەی هاتوچۆ ئاسایی کراوەتەوە،بەڵام تۆمارکردنی حاڵەتەکانی کۆرۆنا بەردەوامە لە زیادبوون.

 
ژمارەی تووشبووانی کۆرۆنا لە عێراق لە هەڵکشانە، وەزارەتی تەندروستی تووشبوونی 216 کەس و گیانلەدەستدانی شەش کەسی دیکەی بە ڤایرۆسەکە راگەیاند.
 

وەزارەتی تەندروستی و ژینگەی عێراق لە راگەیێندراوی تایبەتی خۆی لەبارەی تووشبووان و گیانلەدەستدان بە کۆرۆنا رایگەیاند، چوار هەزار و 920 پشکنینی کۆرۆنا ئەنجامدراون و کۆی گشتیی پشکنینەکانیش گەیشتووەتە 199 هەزار و 367 پشكنین. 

 

لەو 216 کەسەی کە تووشبوون، بە گوتەی تەندروستیی عێراق 79 کەسیان نیشانەکانی ڤایرۆسەکەیان پێوە دیار نییە. 

 

168 کەس لەو تووشبووە نوێیانە لە بەغدان، لە نەجەف پێنج تووشبوو، لە بەسرە سێ تووشبوو، لە بابل هەشت تووشبوو، لە واست سێ تووشبوو، لە هەولێر هەشت تووشبوو (پێشتر راگەیێندرابوو)، لە کەربەلا شەش تووشبوو، لە دیالە دوو تووشبوو، لە دیوانیە و زیقار هەر یەکە یەک تووشبوو، لە نەینەوا نۆ تووشبوو و لە سەلاحەددینیش دوو تووشبوو تۆمارکراون. 

 

لە 24 کاژێری رابردوو 41 تووشبووی دیکە چارەسەرکراون و شەش کەس گیانیان لەدەستداوە کە پێنج کەسیان لە بەغدان و کەسێکیشیان لە دیالەیە. 

 
وەزیری خوێندنی باڵا و تووێژینەوەی زانستی وردەکاریی هەڵوەشاندنەوەی تاقیکردنەوەکانی کۆتایی ساڵی خوێندکارانی زانکۆ و پەیمانگەکان ئاشکرا دەکات و دەڵێت، بڕیارەکە زانكۆ و پەیمانگە تایبەتەكانیش دەگرێتەوە. 

 

لەبارەی سیستەمی ساڵانە و سیستەمی کۆرسات، د. ئارام محەممەد قادر دەڵێت، "ئەو خوێندكارانەی كە لە ئەنجامەكانی تێرمی یەكەم دەرنەچوون یاخود تاقیكردنەوەیان نەكردووە، ئەوا زانكۆكان لەڕێگەی راپۆرتی زانستی یاخود هەر میكانیزمێكی دیکەی گونجاو هەڵسەنگاندن ئەنجام دەدەن، بەبێ ئەوەی خوێندكاران بگەڕێنەوە نێو كامپەسی زانكۆكان".

 

وەزارەتی خوێندنی باڵا ئاماژەی بەوەشکردووە، هەموو بەشەكان (زانستییەكان و مرۆڤایەتییەكان) ئەنجامی تێرمی یەكەمیان بۆ هەژماردەكرێت بۆ مەبەستی دەرچوون یان دەرنەچوونی ساڵی خوێندنی 2019 بۆ 2020. 

 

سەبارەت بە توێژینەوەی دەرچوونی قۆناخە كۆتاییەكان، وەزارەتی خوێندنی باڵا دەڵێت، نمرەكان دابەشدەكرێت لەنێوان مامۆستای سەرپەرشتیار و یەك مامۆستای دیکەی هاوپسپۆڕ كە هەڵسەنگاندن بۆ تووێژینەوەكە ئەنجام دەدات.

 

 
 
وەزارەتی تەندروستیی هەرێمی کوردستان رایگەیاند، دوو تووشبووی دیکەی کۆرۆنایان لە پارێزگای هەولێر تۆمارکردووە کە دانیشتووی عەینکاوەن. 
 

بەپێی راگەیێندراوی وەزارەتی تەندروستی، ئەو دوو تووشبووە پیاوێکی تەمەن 50 ساڵ و کچێکی تەمەن 18 ساڵن و بەرکەوتنیان لەگەڵ تووشبووی دیکە هەبووە.

 

 

 

 
دەقی راگەیێندراوەکە: 
 
دەرەنجامی نوێ ...
 
لە بەردەوامی پشکنینەکان و گەڕان بەدوای گومانلێکراوان، دوو تووشبووی دیکەی ڤایرۆسی کۆڕۆنای نوێ COVID-19 لە پارێزگای ھەولێر دەستنیشانکران، پیاوێك تەمەن ٥٠ ساڵ و کچێکی گەنج تەمەن ١٨ ساڵ بەرکەوتووی تووشبووانی پێشوون، هەردوو تووشبوو دانیشتووی ناحیەی عەنکاوەن.
 
وەزارەتی تەندروستی
٢٦  ئایار ٢٠٢٠

 

دوابەدوای دەستنیشانکردنی تووشبووێكی دوێنێ بە نەخۆشی ڤایرۆسی کۆڕۆنای نوی COVID19 کە خەڵکی گوندی هۆستانە و دانیشتووی شاری هەولێرە، بەهۆی سەردانی ناوبراو بۆ گوندی ھۆستان سەر بە قەزای مێرگەسوور، لەپێناو سەلامەتی هاوڵاتیان و دۆزینەوەی بەرکەوتووان بڕیاردرا بە کەڕەنتین کردنی گوندی هۆستان بەمەبەستی وەرگرتنی ژمارەیەک نموونەی پشکنین و ڕێکارەکانی خۆپارێزی تەندروستی.

 

هیوادارین هاوڵاتیان پابەندی ڕێنماییەکانی تەندروستی و خۆپارێزی بن لەپێناو ڕێگەگرتن لە بڵاوبوونەوەی نەخۆشی ڤایرۆسی کۆڕۆنای نوێ COVID-19.

 

وەزارەتی تەندروستی

٢٦ ئایار ٢٠٢٠

ئەندامێكی ئەنجوومەنی بەرژەوەندییەكانی یەكێتی ڕایدەگەیەنێت" هەوڵی باش هەیە دوای جەژن پارتی و یەكێتی كۆببنەوە".

 

مەلا بەختیار، ئەندامی ئەنجومەنی باڵای سیاسیی و بەرژەوەندیی یەکێتیی نیشتیمانیی کوردستان لەو چاوپێکەوتنێکیدا لەگەڵ شەفەق نیوز ئاماژەى بەوەکرد" هەوڵی باش لەلایەن یەکێتی و پارتى هەیە،بۆئەوەی لەدوای جەژن هەردوولا کۆببنەوە، بەمەبەستى چارەسەرەکردنی کێشەکان، ئەگەر پێویستیش بكات من ئامادەم دەستپێشخەر بم بۆ گەیشتن بە چارەسەری كێشەكان".

 

ئەو بەرپرسەی یەكێتی لەبارەی پرسی لامەرکەزی باسی لەوەکرد، لامەركەزی  بۆ پرسی دەسەڵاتی دارایی و ئیداری لەپێناو باشتر بەڕێوەبردنی كاروباری پارێزگاكان باشە، بەڵام پێویستە نەكرێتە هۆكارێك بۆ سەپاندنی دوو ئیدارەیی و چەند ئیدارەیی، چونكە ئەو كارە بكرێت گەورەترین هەڵەی ستراتیژییە.

وەزارەتی تەندروستی هەرێم تووشبوویەکی نوێی لە سلێمانی بە کۆرۆنا راگەیاند.

ئەمشەو ٢٦ی ئایار وەزارەتی تەندروستی رایگەیاند لە بەردەوامی پشکنینەکان و گەڕان بەدوای گومانلێکراوان، تووشبووێکی ڤایرۆسی کۆڕۆنای نوێ COVID-19 لە پارێزگای سلێمانی دەستنیشانکرا، پیاوێکی تەمەن ٣٤ ساڵ، دانیشتووی قەزای پێنجوینە و نیشانەی نەخۆشی ھەبووە پشکنینی تاقیگەی بۆ کراوە و پۆزەتیڤ دەرچووە.

 

 

لە هەرێمی کوردستان بەتایبەتی لە سلێمانی و هەولێر ژمارەی تووشبوان بەرەو هەڵکشان دەچێت.

وەزارەتی تەندروستی عیراق نوێترین ئاماری حاڵەتەکانی کۆرۆنای لەعیراق ئاشکراکردو رایده‌گه‌یه‌نێت لە ٢٤ کاتژمێری ڕابردوودا ٢١٦ تووشبووی نوێی کۆرۆنا تۆمارکران.

وەزارەتی تەندروستی عیراق بڵاویکردەوە، لە ٢٤ کاتژمێری ڕابردوودا ٢١٦ تووشبووی نوێی کۆرۆنا تۆمارکران و لەو ماوەیەدا شەش تووشبوو گیانیان لەدەستداوە و 41 تووشبووش چاکبوونەتەوە.

 

ئه‌مه‌ش له‌كاتێكدایه‌ لەماوەی بڵاوبوونەوەی ڤایرۆسی کۆرۆنا لەعیراق تاکو ئێستا زیاتر لە ٤٨ هەزار کەس تووشی کۆرۆنا بوون، کە زیاتر لە دوو هەزار و ٨٠٠ کەس چاکبوونەتەوە و ١٦٩ کەسیش گیانیان لەدەستداوە.

 

دەستەى گەشتوگوزاری هەرێم ڕادەگەیەنێت، ٢٧ی مانگ قەدەغەی هاتوچۆی ناوبەینی شارۆچکان نامێنێ و دۆخەکە وەک پێش جەژن ئاسایی دەبێتەوە و شوێنەکانی گەشتیاری بەڕووی هاوڵاتییان و گەشتیاران دەکرێنەوە.

 

له‌مباره‌یه‌وه‌ نادر روستی وتەبێژی دەستەى گەشتوگوزاری هەرێم ئاشكرای كردوه‌: ٢٧ی مانگ قەدەغەی هاتوچۆی ناوبەینی شارۆچکان نامێنێ و دۆخەکە وەک پێش جەژن ئاسایی دەبێتەوە و شوێنەکانی گەشتیاری بەڕووی هاوڵاتییان و گەشتیاران دەکرێنەوە.

 

ئاماژەى بەوه‌ش كردوه‌: هیوادارن سەرجەم شوێنەکان و هاوڵاتییان پابەندی ڕێنماییەکانی تەندروستی بن، چونکە مەترسی کۆرۆنا بەردەوامە.

پەڕەى 1 لەکۆى 6242 پەڕەدا

logo

Copyright © 2019 KURDIU. All Rights Reserved