سەرۆك وەزیرانی عێراق ڕایدەگەیەنێت، چاوەڕوان بووین پۆلیسی ئینتەرپوڵ‌ لەسەر ئەو دۆسیەیەی لەسەریەتی (نەجمەدین كەریم) پارێزگاری پێشووی كەركوكمان ڕادەست بكات، دەشڵێت: (نەجمەددین كەریم) لەلایەن دادگاوە داواكراوەو ڕێوشوێنی یاسایی پێویستی بەرامبەر دەگرینەبەر.

(عادل عەبدولـمەهدی) سەرۆك وەزیرانی عێراق لەمیانەی كۆنگرەی رۆژنامەنووسی هەفتانەی خۆیدا ڕایگەیاند: لە (21/5) دەستگیركردنی (نەجمەددین كەریم) پارێزگاری پێشووی كەركوك لە فڕۆكەخانەی بەیروت لە لوبنان ڕاگەیەنرا، لەكاتێكدا چاوەڕوان دەكرا لەلایەن پۆلیسی ئینتەرپوڵەوە لەسەر ئەو دۆسیەیەی لەسەریەتی ڕادەستی بەغدا بكرێت، بەڵام سەرەتای ئەم هەفتەیە گەڕایەوە هەولێر.

وتیشی: ڕێوشوێنی یاسایی بەرامبەر پارێزگاری پێشووی كەركوك كە لەلایەن دادگاوە داواكراوە جێبەجێدەكەین، ئاماژەی بۆ ئەوەشكرد كە ئامادەن بۆ ڕادەستكردنی هەر كەسێك بە دادگا بە مەرجی بوونی بەڵگە كە ئاماژەبێت بۆ بوونی گەندەڵی، وتیشی: هەموو ئەوەی دەربارەی گەندەڵی دەوروژێندرێت بەبێ بەڵگە سوودی نییە.

سەرۆك وەزیرانی عێراق ڕاشیگەیاند، كە ڕیشەكێشكردنی گەندەڵی هیچی كەمتر نییە لە ڕیشەكێشكردنی تیرۆرو بۆ سەلـماندنی هەر گومانێك لە گەندەڵیش بەڵگەی پێویستە.‌

لەدوای ڕووداوەكانی (16/10/2017) و هێرشی سوپای عێراق بۆ سەر كەركوك (نەجمەددین كەریم) شارەكەی جێهێشت و لە هەولێر نیشتەجێبوو، دواتریش دادگای عێراق بڕیاری دەستگیركردنی بۆ (نەجمەددین كەریم) دەكرد بەهۆی تۆمەتباركردنی لە چەند دۆسیەیەكی گەندەڵیدا.

سەرلەبەیانی ئەمڕۆ چوار شەممە بە مووشەكێك لەجۆری كاتۆشا هێرشكرایەسەر كۆمپانیای ئێكسۆن مۆبیل لە بەسرەو چەند كەسێك برینداربوون.


بەگوێرەی هەواڵی بەشێك لەمیدیا عێراقیەكان، سەرلەبەیانی ئەمڕۆ چوار شەممە بە مووشەكێك لەجۆری كاتۆشا هێرشكرایە سەر كۆمپانیای نەوتی ئێكسۆن مۆبیل لە پارێزگای بەسرەی باشووری عێراق.


هەروەها ئەوەشیان خستەڕوو: جگە لەزیانی ماددی بەپێی زانیارییە سەرەتاییەكان دوو كرێكاری عێراقی برینداربوون.

 


سەرۆكوەزیرانی ئیسرائیلی ڕایدەگەیەنێت: ئیسرائیل پەیوەندییەكی باش و شاراوەی لەگەڵ زۆرێك لە سەركردەی وڵاتانی عەرەبی هەیە.


بنیامین ناتانیاهۆ سەرۆكوەزیرانی ئیسرائیلی لەلاپەڕەی خۆی لەتۆڕی كۆمەڵایەتی تویتەر نوسیویەتی: پەیوەندییەكی شاراوەو زۆر باشمان لەگەڵ بەشێكی زۆر لە سەركردەی وڵاتانی عەرەبی هەیە و پەیوەندییەكی فراوانیش لە نێوان ئیسرائیل و زۆربەی وڵاتانی عەرەبی هەیە .


ئاماژەی بەوەشكرد: لە ماوەیەكی زوودا كۆنگرەیەكی گرنگ لە وڵاتی بەحرێن سازدەدەین، خۆشحاڵیش دەبین بە سازدانی ئەم كۆنگرەیە كە ئەم كۆنگرەیە بریتییە لە هەوڵێكی ئەمریكا بۆ بەدیهاتنی داهاتووێكی باشتر و چارەسەركردنی كێشەكانی ناوچەكە.

 

 

 

 

1-دانانی نرخی زۆر بۆ كەسێتی خودی تاك .

2-گاریگەری چۆنێتی مامەڵەی خێزان لەگەڵ منداڵدا لەتەمەنی منداڵیدا .

3-هەڕەشەكردن بەبەردەوامی لەمنداڵ لەلایەن باوكەوە، كاردانەوەی بەشێوەیەكی ترس‌و شەرم دەردەكەوێت، چ هەرشەشەكە جێبەجێبكات، یاخود نە.

4- هەستكردن بەنەبوونی ئاسایش‌و پاراستن .

5-پاراستنی زیاد لەپێویستی منداڵ لەلایەن خێزانەوە .

6-توندو تیژی، گاریگەری لەسەر برینداربوونی هەمیشەی منداڵ هەیە، وادەكات منداڵان لەبەردەم تێكەڵبونی كۆمەڵایەتیدا بگەرێنەوە دواوە.

7-گرنگی پێنەدانی منداڵ لەلایەن خێزانەوە، چونكە هەستدەكات كە بایەخی نییە لەماڵەوە .

8-ناساندنی منداڵەكە، بەوەی كە كەسێكی شەرمنە بەدەوروبەرەكەی، واتە پێوەلكانی نازناوی شەرمن بەكەسێتی منداڵەكەوە .

9- ڕەخنەگرتنی دایكان‌و باوكان لەمنداڵەكانیان، كەیارمەتیدەرە بۆ دروستبوونی ترس‌و شەرم‌و دڵەڕاوكێ‌ لەدەرونی منداڵەكەدا .

10-جیاوازی مامەڵەكردنی خێزان لەپەروەردەكردنی منداڵەكانیان.

11-گاڵتەپێكردن‌و برینداركردنی هەستی منداڵ.

12-شێوازی مامەڵەكردنی مامۆستا لەگەڵ قوتابیاندا، وەك ئەوەی مامۆستا بڵێت من قوتابی جوان‌و شەرمنم خۆشدەوێت، كە پاڵ بە قوتابیەكەوە دەنێت بۆ نواندنی سیفەتی شەرمنی لەكاتی هەڵسوكەوتكردنی لەگەڵ دەروبەریدا، جگەلەمەش بەردەوام دەبێت لەو هەڵسوكەوتە، تاكو گەورەبوونی منداڵەكە .

 

بەڕێوەبەری بەرگری شارستانی كۆیە ڕایدەگەیەنێت: لەڕوداوێكی هاتوچۆدا چەند ئۆتۆمبێلێك سوتان و زیانێكی مادی زۆریان بەركەوت.

 

گۆران ئەحمەد بەڕێوەبەری بەرگری شارستانی كۆیە لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: لەڕوداوێكی هاتوچۆدا چەند ئۆتۆمبێلێك سوتان ڕوداوەكە لەنێوان تەنكەرێكی سوتەمەنی و ئۆتۆمبێلێكی بارهەڵگربووە ، بارهەڵگرەكە چەند ئۆتۆمبێلێكی هەڵگرتبوو بەهۆیە سێ ئۆتۆمبێلی سەر بارهەڵگرەكەو تەنكەرەكە سوتان.

 

ئاماژەی بەوەش كرد: ڕوداوەكە تەنها زیانی مادی لێكەوتەوەو تیمەكانی ئاگركوژاندنەوە كۆنتڕۆڵی ئاگرەكەیان كردووە.

 

 


هـ س

 

 

ڕاگەیاندنی هێزەكانی پاراستنی گەل – هەپەگە لەبارەی هێرش و بۆردومانەكانی چەند ڕۆژی ڕابردووی سوپای توركیا، ڕاگەیەنراوێكی بڵاوكردەوەو ئاماژەی بەوەداوە، چوار گەریلا گیانیان لەدەستداوە.

ڕاگەیاندنی هێزەكانی پاراستنی گەل – هەپەگە دەربارەی هێرشەكانی سوپای توركیا ڕاگەیەنراوێكی بڵاوكردەوەو تێیدا ئاماژەی بەهێرش و بۆردومانەكانی چەند ڕۆژی ڕابردووی سوپای توركیا داوە، بەهۆی یەكێك لەهێرشەكانەوە چوار گەریلا گیانیان لەدەستداوە.

لە ڕاگەیەنراوەكەی هەپەگەدا هاتووە: سوپای توركیا بە فڕۆكەی جەنگی، تۆپی هاوەن و ئۆبوس ناوچەی كرێ سارخسووی سەر بە چیای تەندوورەكی نێوان ناوچەی ئەبەخی وان و ناوچەی بازیدی ئاگری بەچڕی بۆمباران كرد، لەم بۆردومانەدا چوار گەریلا گیانیان لەدەستداوە.

 

 


ئەندامێكی جڤاتی گشتی بزوتنەوەی گۆڕان ڕایدەگەیەنێت: چەندین جار لەئاستی باڵا یەكێتی داوای كردووە سەردانی گۆڕان بكات و لەگەڵی كۆببێتەوە، بەڵام ئێمە ئامادەنین لەگەڵییان دابنیشین.


كوێستان محەمەد ئەندامی جڤاتی گشتی بزوتنەوەی گۆڕان ڕایگەیاند: تا ئەم ساتەی قسەی تێدا دەكەم چەندین جار لە ئاستی باڵا یەكێتی داوای كردووە سەردانی بزوتنەوەی گۆڕان بكات و لەگەڵی كۆببێتەوە بەڵام ئێمە "ڕەفزمان" كردوون و ئامادەنین لەگەڵییان دابنیشین، بۆ كۆبونەوە لەگەڵ یەكێتی چەند مەرجێكمان هەیە.


كوێستان محەمەد كە بە دەنگی ئەمریكای ڕاگەیاند، ووتیشی: بە"بۆچونی خۆم" دوای ڕوداوەكەی هەفتەی ڕابردوو كە "میلیشیاكانی" لایەنێك هێرشیان كردە سەر گردەكە و پاسەوانێكییان" شەهید" كرد گۆڕان مەرجی تری دەبێت ئەویش ڕادەستكردنی ئەو كەسانەی پاسەوانەكەیان "شەهید"كرد.

 

 

ئاوی زێیەكی شارۆچكەیەكی هەرێمی كوردستان بەشێوەیەكی چاوەڕوان نەكراو دادەبەزێت.

بەپێی بڵاوكردنەوەی چەند وێنەیەك بێت، ئاوی زێی شارۆچكەی تەق تەقی سەربە پارێزگای هەولێر بەشێوەیەكی بەرچاو ڕووی لەدابەزین كردووە، ئەوەش بەهۆی خنكانی دوو گەنج بووە لەنێو ئاوی دوكان، ئەوەش بۆتە مایەی گرتنەوەی زێیەكەو دابەزینی ئاستی ئاوەكەی.

ئەمەو لە وەرزی زستانی ئەمساڵ ئاوی ئەم ڕووبارە بەشێوەیەكی بەرچاو ڕووی لەبەرز بوونەوە كردبوو، تەنانەت پرۆژەكانی نزیكی خۆی ژێرئاو خستبوو، بەڵام ئێستا دەتواندرێت بە پیادە بەناویدا بپەڕیتەوە.

 

 

درەنگانێكی شەوی رابردوو لەنێو شاری موسڵ هێرش كرایە سەر بارەگای ئۆپەراسیۆنەكانی نەینەوا.

وێڕای ئەوەی زانیاری سەرەتایی لەبەر دەست نییە، بەڵام ئەو بارەگایەی هێرشی كراوەتە سەر ژمارەیەكی زۆر لەسەربازانی سوپای ئەمریكای تێدایە.

زانیارییەكان باس لەوەدەكەن كە هێرشەكە درەنگانێكی شەو بەكاتیۆشا ئەنجامدراوە، بەڵام زانیاری لەسەر زیانەكانی ئاشكرا نەكراوە.

 

 

سەرۆكی توركیا رایگەیاند، بەمزووانە وڵاتەكەی سیستەمی بەرگری مووشەكی ڕووسی ئێس 400 ی بەدەست دەگات، ئەوەش دوای ئەوەی بە سەرۆكی ڕووسیا ڕاگەیاند، پاشگەز نابێتەوە لەو گرێبەستەی كە زیانی گەیاند بە پەیوەندییەكانی نێوان ئەنقەرە و واشنتۆن.

جێگەی ئاماژەیە پەیوەندییەكانی نێوان ئەمریكاو توركیا گرژیان تێكەوت دوای ئەوەی توركیا بڕیاریدا سیستەمی بەرگری موشەكی ڕووسی ئێس 400 لە ڕووسیا بكڕێت، واشنتۆنیش دەڵێت، ئەو سیستەمە لەگەڵ سیستەمە بەرگرییە موشەكییەكانی هاوپەیمانێتی ناتۆدا یەكناگرێتەوەو هەڕەشەیە بۆ سەر فڕۆكە جەنگیە ئێف 35 ەكانی ئەمریكا.

هەروەها بەرپرسانی ئەمریكا هۆشیاریاندایە توركیا سەبارەت بە كڕینی سیستەمەكەو وتیان، ئەگەر هاتوو توركیا بەردەوام بێت لەو گرێبەستە ئەوا ئەمریكا، توركیا لە بەرنامەی فڕۆكەی جەنگی ئێف 35 دەردەكات و سزا دەسەپێنێت بەسەر ئەو وڵاتەدا.

پەڕەى 1 لەکۆى 5282 پەڕەدا