وەزیری‌ پەروەردەی حكومەتی هەرێمی كوردستان ڕایدەگەیەنێت: پێداچونەوە بە میلاكی سەرجەم فەرمانگەكان دەكرێت و میكانیزمێكی تایبەتیش دادەنرێت بۆ خوێندكارانی ئەو خوێندنگە ئینگلیزیانەی كە هەڵدەوەشێنەوە.


ئالان حەمەسەعید وەزیری پەروەردەی حكومەتی هەرێم لە كۆنفرانسێكی ڕۆژنامەوانیدا ڕایگەیاند: ئەنجومەنی وەزیران لیژنەیەكی پێكهێناوە بۆ دروستكردنی ئەنجومەنی ڕاژە بەمەبەستی پێداچونەوە بە میلاكی سەرجەم فەرمانگەكان و لەو چوارچێوەیەدا پێداچونەوە بە میلاكاتی مامۆستایان دەكەین.


لەسەر بڕیاری هەڵوەشاندنەوەی ئەو خوێندنگانەی كە لەساڵی (2015 ـ 2016) كراون بەئینگلیزی، ئەوەی خستەڕوو: نزیكەی 473 خوێندنگە لەهەرێمی كوردستان ئەو بڕیارەی وەزارەتی پەروەردە دەیانگرێتەوە كە ئینگلیزی‌ بون و هەڵدەوەشێنەوەو میكانزمی تایبەتمان دەبێت بۆ فێربونی زمانی ئینگلیزی بەشێوەیەكی باشترو میكانزمیشمان دەبێت بۆ ئەو خوێندكارانەو لەداهاتودا لەڕێگەی مامۆستایانی ئەو دوو وانەیەوە ڕادەگەیەنرێت.

 

بەڕێوەبەرایەتی‌ پاسپۆرتی‌ پارێزگای‌ سلێمانی‌ ڕایدەگەیەنێت: بۆ مامەڵەی پاسپۆرت پێویستە بەشیك لە هاوڵاتیان كارتی زانیارییەكانیان بگۆڕن بۆ ئەو نوسینگانەی بۆیان دیاری كراوە.

 

بەڕێوەبەرایتی‌ پاسپۆرتی‌ سلێمانی لەڕاگەیەندراێكدا كەوێنەیەكی دەست كوردیو كەوتوە، ڕایگەیاند: ئاگاداری ئەو هاوڵاتیانە دەكەین كە كارتی زانیارییەكانیان پێشتر لەم شوێنانەی خوارەوە دەرهێناوە وەك لە وێنەكەدا دیارە له ئێستا ئەو نوسینگانە هەڵوەشێندراوەتەوە، لە كاتی مامەڵەی دەرهینان و نوێكردنەوەی پاسپۆرت پێویستە بیگۆڕن بۆ ئەو نوسینگانەی كە ئاماژەی پێدراوە، بە پێچەوانەوە كاروبارەكانیان جێبەجێ ناكرێت.

 

ئەنجومەنی دادوەری، بەپشتبەستن بەبڕیارێكی سەرۆك وەزیرانی عێراق ژمارە 33 لەساڵی 2018 كە بۆ رێگریكردن لە گێچەڵپێكردنی سێكسی دژی ژنان لەنێو دامودەزگا حكومی و شوێنە گشتیەكان و بەسزا گەیاندنی گێچەڵكاران دەریكردووە، چەند بڕیار و ڕێنماییەكی نوێیدەركرد.

بەپێی نوسراوێك كە وێنەیەكی دەست كوردیو كەوتوە: ئەنجومەنی دادوەری عێراق، لەبەرواری 21-8-2019 دەریكردوەو ئیمزای سەرۆكی ئەنجومەنەكەی لەسەرە، چەند بڕیارەكی تێدایە بەناونیشانی چارەسەركردنی دیاردەی گێچەڵپێكردنی سێكسی دژ ژنان و ئاڕاستەی سەرۆكایەتیەكانی دادگای تەمیزو دەستەی سەرپەر‌شتیاری دادوەری و دادوەری گشتی كراوە، تیایدا هاتوە "هێزەكانی پۆلیس لەشوێنە گشتیەكاندا بوونیان هەیە بۆ چاودێریكردنی ڕوداوەكانی گچێەڵپێكردن و دەستگیركردنی ئەوانەی گێچەڵ بە ژنان دەكەن بۆ ئەوەی لێكۆڵینەوەی یاسایی لەگەڵ گچێەڵكاردا بكرێت و تیمەكانی پۆلیسیش دەتوانن لەدادگا ببنە شایەت بەسەر ئەو گێچەڵكارەی كە دەستگیری دەكەن".

ئاماژه‌ی به‌وه‌ش كردوه‌  "لەكاتی گچێەڵكردنی سێكسی بە ژنانی فەرمانبەر دەبێت ئەندامێكی مێینە ئەندامی ئەو لیژنەیە بێت كە بۆ لێكۆڵینەوە لەگێچەڵپێكردنی فەرمانبەرەكە دادەمەزرێت ئەوەش بەپێی مادەی 10 لەیاسای رێكاری كاروبارەكانی فەرمانبەرانی دەوڵەت و كەرتی گشتی ساڵی 1991".

هه‌روه‌ها داواشیكردوه‌:" چەند یاسایەكی تر لەوانە یاسای كاری ساڵی 2015 كە تیایدا ڕێگری لە رودانی گێچەڵكردن بەو كەسانە دەكات بەدوای كار دەگەڕێن یاخود فەرمانبەرن، كارا بكرێنەوە".

دیاردەی گێچەڵپێكردنی سێكسی دژ بە ئافره‌تان جیهانییەو لەزۆرێك له‌ وڵاتاندا بەڕێژەی جیاجیا بوونی هەیە، بەڵام وڵاتانی پێشكەوتوو توندترین سزایان بۆ كەسی تۆمەتبار داناوەو بەسەریشیاندا جێبەجێدەكرێت.

 

 

خامێس رۆدریگێزی كۆڵۆمبی و ئەستێرەی یانەی ریال مەدرید دڵخۆشی خۆی بە گەرانەوەی بۆ یاریگای بێرنابیۆ راگەیاند ، پەیامێكیشی ئاراستەی هاندەرانی تیپەكەی كرد".

خامێس لە ئەژماری خۆی لە تۆڕی كۆمەڵایەتی ئینستاگرام رایگەیاند : " دوای ماوەیەكی زۆر ، لەكۆتاییدا گەرامەوە بێرنابیۆ".

وتیشی : " لەراستیدا هەستێكی زۆر خۆش بوو ، سوپاس بۆ ئێوە بۆ ئەو خۆشەویستییە ، بەیەكەوە بەردەوام دەبین و باشتر دەردەكەوین".

 

رۆژنامەیەكی فەرەنسی بڵاوی كردەوە ، یانەی بەرشلۆنە دواین بۆندی ئاراستەی یانەی پاریس سان جێرمان كردووە بۆ ئەوەی نیمار بگوازێتەوە ریزەكانی".

رۆژنامەی لو پاریسیانی فەرەنسی رایگەیاند : " یانەی بەرشلۆنە دەیەوێت دواین بۆند پێشكەشی پاریس سان جێرمان بكات ، ناوەرۆكەكەیشی بریتییە لە دوو بری پارە و عوسمان دیمبلی بەدیاری".

سەرچاوەكە لەبارەی بۆندەكە دەڵێت : " بەرشلۆنە ئامادەیە ئەمساڵ (40) ملیۆن یۆرۆ بداتە پاریس سان جێرمان ، 170 ملیۆن یۆرۆش بەشێوەی قیست ، لەگەڵ پێدانی عوسمان دیمبلی بەشێوەی دیاری بۆ تیپەكە".

 

كوردیو - دەربەندیخان


بەرێوبەری پۆلیسی هاتوچۆی دەربەندیخان ڕایدەگەیەنێت: سەرەتای هەفتەی داهاتوو تونێلی دەربەندیخان بە ڕووی هاتوچۆی شۆفێراندا دەكرێتەوەو لەشاخی بەرانارانیش لە چوار ڕۆژدا 400 ئۆتۆمبێل پەكیان كەوتووە.


ڕێژەن بورهان بەرێوبەری پۆلیسی هاتوچۆی دەربەندیخان بە كوردیوی ڕاگەیاند: لەئێستادا كاركردن لە تونێلی دەربەندیخان بەردەوامە و تاوەكو كۆتای ئەم هەفتە قیرتاوكردنی ڕێگاكە تەواو دەبێت و لەسەرەتای هەفتەی تونێلەكە بە ڕووی هاتوچۆی شۆفێراندا دەكرێتەوە.


سەبارەت بە هاتوچۆكردن لەسەر شاخی بەرنان لە ماوەی چوار ڕۆژی ڕابردوودا، ئاماژەی بەوەكرد: تەنها لە ماوەی ئەو چوار ڕۆژەدا چوار ڕوداوی هاتوچۆ لەسەر شاخی بەرانان ڕویداوەو نزیكەی 400 ئۆتۆمبێلیش پەكیان كەوتووە.

 
جێگەی ئاماژەبۆكردنە ماوەی چوار ڕۆژە كاركردن لە تونێلی دەربەندیخان دەستی پێكردوەو بەو هۆیەشەوە هاتوچۆ لەسەر شاخی بەرانان دەكرێت و ڕۆژانە ئاستەنگ بۆ شۆفێران دروست دەبێت.

 



بەڕێوەبەرایەتی پۆلیسی دارستان و ژینگەی پارێزگای سلێمانی ڕایدەگەیەنێت: لە سنوری ناحیەی بەرزنجە 600 دۆنم و لە سنوری مێرگەپان شەش دۆنم و لە سنوری تەكیە ١٥ دۆنم لە پوش و پاوان و دارستانی سروشتی سووتان.



بەڕێوەبەرایەتی پۆلیسی دارستان و ژینگەی پارێزگای سلێمانی لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند: لەئێستادا لە زۆربەی سنورەكان ڕووداوی ئاگركەوتنەوە دوبارە دەبێتەوە، بۆزیاتر تەشەنە نەكردنی ئاگرەكان و پاراستنی سروشتی كوردستان مەفرەزەكانی پۆلیسی دارستان بەردەوامن لە كوژاندنەوەی ئاگرەكان لەسنورەكانیان.


ئەوەشی خستەڕوو: لە سنوری مێرگەپان ی سەر بە ناحیەی سورداش بە هۆكارێكی نادیار ئاگرێك كەوتەوە و پاش گەیشتنی مەفرەزەیەكی بنكەی پۆلیسی دارستانی مێرگەپان بۆ شوێنی ڕوداوەكە، توانیان لەماوەیەكی كەمدا ئاگرەكە كونتررۆڵ بكرێت .


هەروەها بەڕێوەبەرایەتی پۆلیسی دارستان و ژینگەی پارێزگای سلێمانی ئەوەشی خستەڕوو: زیانی ئاگرەكە نزیكەی شەش دۆنم لە پوش و پاوان و داری سرووشتی سووتا وهۆكاری ئاگرەكە نادیارە و لێكۆڵینەوەو بەدواداچون بەردەوامە.


هەروەها بەڕێوبەرایەتیەكە ئەوەشی خستەڕوو: لە سنوری ناحیەی بەرزنجە لە ئەنجامی كەوتنەوەی ئاگرێكی بەهێز نزیكەی ٥٠٠ دۆنم لە پوش و پاوان و زیاتر لە ١٠٠ داری سروشتی سنورەكە سووتا و لە سنوری تەكیەش ١٥ دۆنم لە پوش و پاوان سووتا.

 

 

 

داڤید لویزی بەرازیلی و ئەستێرەی نوێی یانەی ئەرسناڵ ، دوای دۆراندنی تیپەكەی بەرامبەر لیڤەرپوول نهێنی قسەكانی خۆی ئاشكراكرد كە لەگەڵ محمد سەڵاح لەسەر یاریگای ئەنفیڵد ئەنجامیدا".

لویز لە لێدوانێكیدا وتی : " من قسەم لەگەڵ محمد سەڵاح كرد لەبارەی لێدانە سزاكە ، پێی وتم ئەو هەستی بەوە نەكردووە كە من درێسەكەی ئەوم راكێشابێت".

لەیارییەكەی دوێنێ بەهۆی راكێشانی درێسی سەڵاح لەناوچەی هێڵی سزا ، ناوبژیوان لێدانی سزای بۆ رێدز هەژماركرد ، لەیارییەكەش بەئەنجامی (3 – 1) سەركەوتنیان تۆماركرد".

پەڕەى 1 لەکۆى 5181 پەڕەدا