لەنەخۆشخانەی رزگاری شاری هەولێر نەشتەرگەرییەكی دەگمەن بۆ نەخۆشێك ئەنجامدراو سەركەوتوو بوو.

نەخۆشخانەی ڕزگاری هەولێر ڕایدەگەێنێت، نەشتەرگەریەكی دەگمەن لەبەشی ڕوو و شەویلاك ئەنجامدراوە، نەشتەرگەرییەكە لەبەشی شكانی ئێسكی ڕوومەت بووە، بۆ نەخۆشێكی تەمەن 26 ساڵ .

لە راگەێنراوەكەدا ئاماژە بەوەش دەكەن ئەم جۆرە نەشتەرگەرییە لە سەر ئاستی عێراق دەگمەنە و نەشتەرگەریەكە سەركەوتووانە ئەنجامدراوە و باری تەندروستی نەخۆشەكە جێگیرە.

كوردیو - كەركوك
ئەندامی ئەنجومەنی پارێزگای كەركووك ڕایدەگەیەنێت: ڕێكنەكەوتنی یەكێتی و پارتی بارودۆخی كەركوكی زیاتر ئاڵۆزكردوەو بەو هۆیەوە پرۆسەی بەعەرەبكردنی كەركووك بەردەوامە

.
جوان حەسەن، ئەندامی ئەنجومەنی پارێزگای كەركووك لەسەر پشكی یەكگرتووی ئیسلامی كوردستان تایبەت بە كوردیوی ڕاگەیاند: ڕێكنەكەوتنی پارتی و یەكێتی لەسەر پرسی كەركوك بارودۆخی شارەكەی ئاڵۆزتركردوە، ئەگەر ئەو دوو حزبە ڕێك بكەون و پارێزگارێكی نوێ بۆ شارەكە دیاری بكەن ئەو كات ئەنجومەنی پارێزگاكەش دەستبەكار دەبێت و كێشەكانی كورد لە پارێزگاكە چارەسەر دەكرێت.


هەروەها ووتیشی: لەئێستادا تادێت پڕۆسەی بەعەرەبكردنی كەركووك و ناوچە كوردستانییەكانی دەرەوەی ئیدارەی حكومەتی ھەرێم بەردەوامە و بەهەمان شێوە پێشێلكارییەكان بەردەوامن.


ئاماژەی بەوەشكرد: دواپیلانی پارێزگاری كەركووك ئەوەیە كە ژمارەیەكی بەرچاو عەرەبی شۆڤێنیی سەردەمی بەعسی لە قەزای داقووق جێگیر كردوون و دەیانەوێ زەویی كورد داگیر بكەن، چونكە ئێستا كورد لەوێ دەسەڵاتی نییە.


ئەو ئەندامەی ئەنجومەنی پارێزگای كەركوك ووتیشی: ئاساییكردنەوەی ڕەوشی كەركووك پێویستی بە ڕێككەوتنی نێوان یەكێتی و پارتی و دواتر پێویستی بە ڕێكەوتنی حكومەتی هەرێم هەیە لەگەڵ حكومەتی بەغدا.

 

 

 

س ب


ئەمڕۆ دووشەممە بە تۆمەتی ئەندام بوون و هاوكاریكردنی چەكدارانی ڕێكخراوی تیرۆرستی داعش، عێراق سزایی لەسێدارەدانی بەسەر هاوڵاتییەكی بەلجیكیدا سەپاند.


بە گوێرەی هەواڵێكی ئاژانسی ڕۆیتەر، ئەمڕۆ دووشەممە دادگایەكی عێراق بەتۆمەتی ئەندامێتی لەناو هێزەكانی داعش و هاوكاریكردنیان سزای لەسێدارەدانی بەسەر بیلال مەرچوهیە تەمەن 23 ساڵ كە هاوڵاتییەكی بەلجیكیە، سەپاند.


بە گوێرەی زانیارییەكان كە ئەو ئاژانسە ئاماژەی بۆدەكات دادگا چەند وێنەیەكی ناو موبایلە تایبەتەكەی ئەو تۆمەتبارەی كردۆتە بەڵگەی بونی پەیوەندی ئەو لەگەڵ هێزەكانی داعش كە تێیدا بەدەستێكی چەك هەڵدەگرێت و بەدەستێكیشی ئاماژەی گروپە ئیسلامییەكان دوبارە دەكاتەوە.

 

 

س ب

 


پـۆلیسی شاری ئوتریخت لە هۆڵەندا ڕایدەگەیەنێت: كەسێك كە بەڕەگەز توركە گومانلێكراوی هێرشەكەی ئەمڕۆی سەر شەمەندەرەكەیە كە تیایدا 12 كەس بونەقوربانی.

 

پـۆلیسی شاری ئوتریخت لە تویتێكدا لە لاپەڕەی خۆی لەتۆڕی كۆمەڵایەتی تویتەر: وێنەیەكی گومانبارەكەی هێرشەكەی ئەمڕۆی بڵاوكردووەتەوە و دەڵێت ناوی (گۆكمان تانیش)ەو تەمەنی 37 ساڵە و بە ڕەچەڵەك توركە.


پۆلیسی ئەو شارە داواشی لە هاوڵاتیان كردووە لەكاتی بینینی ئەو تۆمەتبارە لێی نزیك نەكەونەوە بەڵكو دەستبەجێ پەیوەندی بە پۆلیسەوە بكەن.



لەسەر هەمان ڕوداو، یان ڤان زانێن سەرۆكی شارەوانی ئوتریخت لەسەر تویتەری شارەوانی ڕایگەیاند: لە هێرشەكەی ئەمڕۆدا سێ كەس كوژراون و نۆ كەسی دیكە بریندارن كە سێیانیان برینەكانیان قورسە.

 

 

س ب


سەركۆماری ئێران ڕایدەگەیەنێت: ئامانجی ئەمریكا گەڕانەوەیە بۆ ئێران و دەیەوێت سەرلەنوێ حوكمی گەلەكەمان بكات.

 

حەسەن ڕۆحانی سەركۆماری ئێران لە میانی پێشكەشكردنی وتارێكدا لە دوایین كۆبوونەوەی ئەنجوومەنی وەزیرانی وڵاتەكەی، ڕایگەیاند: ئەمریكا تەنها ئامانجێكی هەیە، ئەویش گەڕانەوەیە بۆ تاران و ئەمریكا دەیەوێت بگەڕێتەوە بۆ تاران و سەرلەنوێ حوكمی گەلەكەمان بكات.


هەروەها ووتیشی: ئەمریكا ئامانجی ئەوەیە بە زیادكردنی فشارەكانی بۆ سەر ئێران، بگەڕێتەوە بۆ تاران. بەڵام گەیشتنی بەم ئامانجە مەحاڵە.

 

 

س ب

گەنجێك لە نێو بازاڕی ناحیەی كەورگۆسكی سەر بە شاری هەولێر، لەلایەن کۆنەدراوسێیەكییەوە دەستڕێژی گولەی لێكرا و كوژرا. كوشتنی گەنجەكە بەهۆی دروستكردنی تاسەیەك بووە لە بەردەم ماڵی بكوژەكەدا.

رووداوەکە رۆژی 11/3/2019 لە نێو بازاڕی ناحیەی كەورگۆسك روویدا، کە تێیدا سەمیری تەمەن 34 ساڵ و خاوەنی پێنج منداڵ کوژرا.

موئمین عەبدوڵڵا، كە برای سەمیرە، رایگەیاندوە :"ئەو رۆژە براكەم چووبوو یارمەتی براكەی بدات، كە خەریكی كێڵانی زەوی بوو، ئێوارە كە گەڕابووەوە، لەلایەن كۆنە دراوسێیەكیان لەنێو بازاڕی كەورگۆسك تەقەی لێكرا".

موئمین باسی كێشەی نێوان براكەی و کۆنەدراوسێی براكەی كرد و گوتی: "ئەو كێشەیە بۆ ساڵێك لەمەوبەر دەگەڕێتەوە، سەمیر تاسەیەكی لە بەردەم ماڵەكەی دروستكردبوو، بۆ ئەوەی بۆڕیی ئاوەرۆكەیان نەشكێ‌. دراوسێكەشیان داوای لابردنی تاسەكەی كردبوو، چونكە جێگەی وەستاندنی ئۆتۆمبێلی لێ تێكداوە، بەڵام سەمیر پێیدەڵێ هیچ كێشەی بۆ تۆ دروست نەكردووە، بۆیە لای نادەم، ئیدی دەمەقاڵی لە نێوانیان دروستبووە، پاشان لە یەكدیان داوە".

(ئە.ن) تەمەن 41 ساڵ، باوكی چوار منداڵە، دانی بە كوشتنی سەمیر داناوە، لە دانپێدانانی پۆلیسدا دەڵێت "سەمیر ساڵێك لەمەوبەر لێی دام، زەبرێك بەر كەللەسەرم كەوت، بۆ چارەسەر چووم بۆ ئێران، ماوەی ساڵێك چارەسەرم وەرگرت، بەڵام ئەوان سەردانیان نەكردم و داوای لێبوردنیشیان نەكرد، بۆیە رقم بەرامبەری هەڵگرت، تا ئەو رۆژە لە بازاڕ بینیم. من تاكسیم پێبوو، سەمیر بە تراكتۆر شكاندییەوە سەرم، منیش لێی دابەزیم و سێ‌ فیشەكم پێوەنا و كوشتم، دواتریش هەڵاتم".

بەڵام موئمین عەبدوڵڵا رەتیكردەوە رووداوەكە بەو شێوەیە بێ،‌ كە بكوژ بۆ پۆلیسی گێڕاوەتەوە و پێیوایە كوشتنی براكەی بە "پلان" بووە. موئمین وتی "كوشتنی براكەم پەیوەندی بە دروستكردنی ئەو تاسەیە هەبوو، كە سەمیر دروستی كردبوو. ئەو چەند جارێك شەڕی بە براكەم فرۆشت. ویستمان سكاڵای لەسەر تۆمار بكەین، بەڵام ریشسپی كەوتنە نێوانمان، بۆیە سكاڵامان تۆمار نەكرد، پاشان ئەو كەسە ماڵی لە گەڕەكەكە گواستەوە".

سەبارەت بەوەی كە (ئە) دەڵێت لەلایەن سەمیرەوە لێیدراوە و بەو هۆیەوە ئازار بە مێشكی گەیشتووە، موئمین دەڵێت :"ئەو قسەیە تەنیا بیانوویەك بووە، چونكە ئەوكاتە تەنیا سەری كەمێك ئەستوور ببوو، ئێمە دڵنیاین (ئە) بە تەنیا ئەو كارەی نەكردووە و كەسی دیكەشی لەگەڵ بووە، پلانیان بۆ كوشتنی براكەم داناوە، ئەوە راست نییە كە دەڵێت بەهۆی تووڕەبوون و هەڵچوونەوە براكەمی كوشتووە".

سەبارەت بە هەڵوێستی بنەماڵەكەشیان، موئمین عەبدوڵلا دەڵێ: "براكەم لەدوای خۆی پێنج منداڵی بەجێهێشتووە, ئێستاش هیچ بڕیارێكمان نەداوە و هیچ كاردانەوەیەكمان نابێت، چاوەڕێی بڕیاری دادگا و یاساین، تاوەكو دۆسیەكەی یەكلایی نەبێتەوە، پرسە بۆ براكەم دانانێین".

سەرچاوەیەك كە ئاگاداری رووداوەكەیە دەڵێت: "بێجگە لە كێشەی ئەو تاسەیە، كێشەی دیكەش لە نێوانیاندا هەبووە، پێشتریش چەند جارێك لە بنكەی پۆلیس بەڵێننامەیان پێ‌ پڕكراوەتەوە. كێشەكەشیان لەسەر ژنخوازییە. خوشكی كوژراو پێشتر دراوە بە برای بكوژ، ئەم خوشكەی نەخۆش بووە و چەند جارێك بووراوەتەوە، ماڵی بكوژیش بەماڵی كوژراویان گوتووە بۆ پێشتر پێتاننەگوتووین نەخۆشە، ئەمە سەرەتای سەرهەڵدانی كێشەكەیان بووە و چەند جارێك بەشەڕ هاتوون".

رائید هۆگر عەزیز، گوتەبێژی پۆلیسی هەولێر بە (رووداو)ی وتوە: "رۆژی 11/3/2019 پیاوێك بەناوی سەمیر عەبدوڵڵا بەدەستی دراوسێیەكی خۆی كوژرا، هۆكاری كوشتنەكەش ناكۆكییەكی پێشووتری نێوانیان بووە لەسەر كێشەیەكی كۆمەڵایەتی، هەروەها لەسەر دروستكردنی تاسەیەك، پۆلسی دوای رووداوەكە توانی دەست بەسەر ئۆتۆمبێلی بكوژەكەدا بگرێ،‌ كە دەمانچەیەك و كڵاشینكۆفێكی بێمۆڵەتی تێدابوو، پاشان تۆمەتبارەكە خۆی رادەستی پۆلیس كرد". وتەبێژی پۆلیسی هەولێر وتیشی: "تۆمەتبارەكە دانی بە تاوانەكەیدا ناوە، بەپێی مادە 406 لە یاسای سزادانی عێراقی دۆسیەی بۆ كراوەتەوە".


بەرپرسی ئاژانسی پاراستن و زانیاری ڕایدەگەیەنێت: بەدواداچون و گەڕانمان بۆ ئەو پێشمەرگانە كردووە كە لەشەڕی داعشدا بێسەروشوێن بوون و سەرەداومان دەستكەوتوە.

 

لاهور شێخ جەنگی بەرپرسی ئاژانسی پاراستن و زانیاری بە ڕۆژنامەنوسانی ڕاگەیاند: لەم ماوەیەی دوایدا بۆ ئەو پێشمەرگە دیلانەی بێسەروشوێنن بەدواداچون و گەڕانمان كردوە.

 

ئەوەشی خستەڕوو: ناردنی هێزەكەمان تەنها بۆ شەڕكردن نەبووە، بەڵكو هەندێك سەرەداومان دەستكەوتووە كە خەڵكانێك بەرپرس بوون لەوكارەو بەدوای ئەوەدا رۆیشتوین.

 

 

س ب


پەرلەمانتارێکی لیژنەی دارایی پەرلەمانی عێراق زانیاری لەبارەی ناردنی پارەی مووچەی فەرمانبەرانی هەرێمی کوردستان لەلایەن بەغداوە ئاشکرا دەکات و دڵنیاییش بە مووچەخۆران دەدات.

ئیخڵاس سەباح دلێمی، پەرلەمانتاری فراکسیۆنی پارتی دیموکراتی کوردستان و ئەندامی لیژنەی دارایی لە پەرلەمانی عێراق بە میدیای حزبەکەی ڕاگەیاندووە مووچەی هەرسێ مانگی ئەمساڵ خەرج دەكرێت كێشەی نییە، وتی "بەغدا مانگانە 522 ملیار دینار بۆ مووچە دەنێرێت، بۆیە مووچەی ئەو سێ مانگەی ئەم ساڵیش خەرج دەكرێـت و كێشەی نییە".

وتیشی "فەرمانبەرانی هەرێمی كوردستان مووچەی تەواوی خۆیان بێ پاشەكەوت وەردەگرن، فەرمانی خەرجكردنی پارەش لە وەزارەتی دارایی عێراق دەرچووە، مانگانە پارەكە دەنێردرێت و وەزارەتی دارایی هەرێمی كوردستانیش بەپێی بەرنامەی خۆی مووچەی فەرمانبەران دابەش دەكات".

جەختیشی كردەوە، بەهۆی دواكەوتنی جێبەجێكردنی بودجە ناردنی پارە دواكەوت، وتیشی "ئێستا مانگانە پارەكە بۆ هەرێمی كوردستان دەنێردرێت و هیچ كێشەیە لە ئارادانییە".

ئەوەش لەکاتێکداە دوێنێ سەرچاوەیەک لەوەزارەتی دارایی و ئابووری حکومەتی هەرێمی كوردستان ئەوەی ئاشکراکرد کە وەزارەتەکەیان ئامادەكاری دەكات بۆ ئەوەی لە سەرەتای مانگی چوار دەست بە دابەشكردنی مووچەی مانگی 1ی 2019 بكات.

 

كوردیو - سلێمانی


سەرۆكی فراكسیۆنی یەكگرتووی ئیسلامی كوردستان لەپەرلەمانی كوردستان ڕایدەگەیەنێت: لەگەڵ وەزیری دارایی و لایەنە پەیوەندیدارەكان لەسەر خەتین بۆ جێبەجێكردنی بڕیاری پێدانی دەرماڵەی قوتابیان.


د.شێركۆ جەودەت سەرۆكی فراكسیۆنی یەكگرتووی ئیسلامی كوردستان لەپەرلەمانی كوردستان تاتایبەت بە كوردیوی ڕاگەیاند: وەك فراكسیۆنی یەكگرتوو لەگەڵ وەزیری دارایی و لایەنە پەیوەندیدارەكان لەسەر خەتین بۆ ئەوەی هەوڵ بدرێت كێشەی قوتابیان چارەسەر بكرێت و دەست بە پێدانەوەی دەرماڵەكانیان بكرێت.


ووتیشی: بڕینی دەرماڵەی قوتابیان مافێكی زەوتكراوە كە لە قوتابیان كراوە، وە لەساڵی 2014 وە لە بودجەدا جێگیركراوە بەڵام بەداخەوە لەو لەو كاتەوە بودجەی حكومەت ڕەوانەی پەرلەمان نەكراوە.

 

 

 

س ب

 

ئێوارەی ئەمڕۆ 18ی 3ی 2019، لەكاتی داخستنی دەرگای بازاڕی ئاڵوگۆڕی دراو لەهەرێمی كوردستان، بەهای دۆلار بەرامبەر بەدیناری عیراقی بەرزبۆوە

 100دۆلاری ئەمریكی 120 هەزار 600 دینار.

100یۆرۆ 137 هەزار دینار.

100پاوەن 158 هەزار دینار.

100هەزار تمەنی ئێرانی 9 هەزارو 500 دینار.

100لیرەی توركی 22 هەزارو 500 دینار.

له‌كاتێكدا بەیانی ئەمڕۆ نرخی 100 دۆلاری ئەمریكی بەرامبەر بوو بە 120 هەزارو 400 دینار.

 

پەڕەى 1 لەکۆى 4945 پەڕەدا