بەرە بەیانی ئەمڕۆ دوو شەممە هێزە حوسیەكانی یەمەن دوو موشەكی بالیستیان ئاراستەی وڵاتی سعودیە و بەرەو هەردوو شاری شاری مەككەی پیرۆز و جەدە كرد یەكێكیان لەشاری تایف تەقیندرایەوەو ئەوی ترین لەشاری جەدە تەقێندرایەوە

وەزارەتی بەرگری سعودیە ئاشكرای كردوە، هێزە دژە ئاسمانییەكانی عەرەبستانی سعودیە لە شاری تائیف بەرەوڕووی مووشەكی بالیستیكی حوسییەكانی یەمەن بوونەوە كە بەرەو شارەكانی مەككەی پیرۆز و جەدە ئاڕاستەكرابوون و هەردوو مووشەكەكە تێكشكێندراون .

ئەمەیەكەم جار نیە حوسیەكان موشەك ئاراستەی شاری مەككەی پیرۆز دەكەن ، بەڵكو لە تەموزی ساڵی (2017) چەند موشەكێكیان ئاراستەی شاری مەككە كرد و هەوڵیاندا وەرزی حەج هەڵوەشێنەوە .

 قەدەغەكردنی هاوردەی مریشك لەلایەن عیراقەوە جێبەجێكرا و داوا لە هەرێمی كوردستانیش دەكرێت پابەندی یاساكە بێت و هاوردەی مریشك رابگرێت.


سەرۆكی ژووری بازرگانی و پیشەسازی سلێمانی  لە كۆنكره‌یكی رۆژنامه‌وانیدا رایگەیاند "عیراق لە 18ی ئەم مانگەدا بڕیاریدا بە قەدەغەكردنی هێنانی مریشك و هێلكەو ماسی بەستوو، ئەو بڕیارەش خەونی چەند ساڵەی ژووری بازرگانی بوە، كە چەندینجار داوایانكردوە، داواش لە حكومەتی هەرێم دەكەین پابەندی ئەو بڕیارەی حكومەتی عیراق بێت."


سیروان محەمەد سەرۆكی ژووری بازرگانی و پیشەسازی سلێمانی وتیشی"نزیكەی 800 پڕۆژەی كێڵگەی پەلەوەری هەیە لە سلێمانیدا، كە خۆی دەبینێتەوە لە هەزار و 250 هۆڵی بەخێوكردنی مریشك و جوچك، كۆمەڵێك پڕۆژەی تریش بەڕێوەن، بۆیە داواكارین ئەو بڕیارەی عیراق بخرێتە بواری جێبەجێكردنەوە و ئەوكاتیش هەلیكار بۆ دەیان هەزار كەس دەڕەخسێنرێت".


لایخۆیەوە نازم عەبدوڵا وتەبێژی‌ كۆمەڵەی كێڵگە پەلەوەرییەكانی سلێمانی وتی"دەتوانین پێداویستی ناوخۆ پڕبكەینەوە و لەئێستادا بەرهەمهێنانی مریشك لەپێداویستی ناوخۆ زیاترە، ساڵانە بە هەڵەبجە و گەرمیانەوە 67 هەزار تۆن مریشكمان پێویستە، لەكاتێكدا 167 هەزار تۆن مریشكیش بەرهەمدەهێنرێت".

 زیاتر لە 300 ئامێردا کە بۆ گزیکردن لە تاقیکردنەوەکانی پۆلی 12ی ئامادەیی بەنیازبوون بەکاری بهێنن، له‌لایه‌ن پۆلیسه‌وه‌ ده‌ستیان به‌سه‌ردادگیردرێت.

لە کۆنگرەیەکی رۆژنامەوانیدا سەرکەوت ئەحمەد، وتەبێژی پۆلیسی سلێمانی رایگەیاند: "هێزەکانمان توانیویانە دوو تۆمەتبار دەستگیر بکەن کە زیاتر لە 300 پارچە ئامێریان پێ بووە، کە ئامێری (وۆکی تۆکی)ـن بە ئامێری پچڕانی شەبەکەش تۆڕەکانیان ناپچڕێت، دیارە ویستوویانە بۆ تاقیکردنەوەکانی پۆلی 12ی ئامادەیی بەکاری بهێنن و لە رێگەیەوە غەشی پێ ئەنجام بدەن، ئامێرەکانیش لە کراسەکان دووراون، ژمارەیەک ئامێریشیان بە 200 بۆ 250 دۆلار فرۆشتووە".

وتیشی: "وتە لەو دوو تۆمەتبارە وەردەگیرێت، ئەو ئامێرەیان بە چەند کەس فرۆشتووە دەبێت ناوەکانیان ئاشکرا بکەن، کێش لە پشت هێنانی ئەو ئامێرانە بووە و کێ پاڵپشتی کردوون بۆ ئەوەی ئەم هەموو ئامێرەیان دەستکەوێت، رەنگە فەرمانی ده‌ستگیركردن بۆ خەڵکی دیکەش دەربچێت، ئێمەش دەستگیریان دەکەین".

وتەبێژی پۆلیسی سلێمانی، هەر لە کۆنگرە رۆژنامەوانیەکەدا دەستگیرکردنی نزیکەی 60 تۆمەتباری دیکەی لەسەر چەندین تاوانی جیا جیا وەکو ساختەکردنی ساڵیانە و تابلۆی ئۆتۆمبێل و کڕین و فرۆشتن بە ئۆتۆمبێلی دزی کە لە خوارووی عێراقەوە هێنراونەتە سلێمانی، دەستگیرکردنی چەند تۆمەتبارێک لەسەر ماددەی هۆشبەر و، داخستنی دوو گازینۆ کە لە مانگی رەمەزان قوماریان تێدا کراوە، راگەیاند.

سەرکەوت ئەحمەد، راشیگه‌یاند: "48 تۆمەتباریان دەستگیرکردون کە زێدەڕۆییان کردووەتە سەر موڵکی گشتی، لە گەڕەکی راپەڕین و لە سنووری باخەکانی راپەڕین، خانوویان لەسەر موڵکی گشتی و شارەوانی دروستکردووە".

بەرێوبەری راگەیاندن لە پۆلیسی سلێمانی دەستگیركردنی ژمارەیەك تۆمەتبار ئاشكرا دەكات، كە هەندێكیان بەتۆمەتی دزی و ساختەكردنی ساڵانەی ئۆتۆمبێل و فرۆشتنی شۆستە و شەقام دەستگیركراون.

لە كۆنگرەیەكی رۆژنامەوانیدا نەقیب سەركەوت ئەحمەد، بەڕێوەبەری راگەیاندن و پەیوەندییەكانی پۆلیسی سلێمانی راگەیاند رایگەیاند: چەند تۆمەتبارێك دەستگیر كراوە یەكێك لەوانە ساڵانە و تابلۆی ئۆتۆمبێلی ساختەكردووە، وە چوار تۆمەتباری تر دەستگیركراون كە كڕین و فرۆشتنیان بە ئۆتۆمبێلی دزییەوە ئەنجامداوەو لەناوەڕاست و باشووری عێراقەوە ئەو ئۆتۆمبێلانەیان هێناوەتە هەرێمی كوردستان و فرۆشتوویانەتەوە .

بەڕپرسەكەی پۆلیسی سلێمانی ئەوەشی راگەیاند: تۆمەتبارێك هەستاوە بە فرۆشتنی شۆستە و شەقامی ناوبازاڕ كە بەموڵكی خۆی زانیوە و زیادەڕۆییەكانی فرۆشتووەتەوە و ئێستا بەندكراوەو ، وە (48) تۆمەتباری دیكەش دەستگیركراون كە تەجاوزیان كردووەتە سەر موڵكی گشتی لەگەڕەكی راپەڕین و لەسەر موڵكی گشتی خانوویان دروستكردووە.

 سەبارەت بە گۆرانکاری لە پلەکانی گەرمی و ھاتنی شەپۆلێکی دیکەی باران بارین ده‌زگای کەشناسی کوردستان پێشبینی كه‌ش و هه‌وای پێشبینی راگه‌یاند.

پێشبینی:- سەرەتا له‌مڕۆوه‌ کەشی ھەرێمی کوردستان بەگشتی ئاسایی و سەقامگیر دەبێت وە پلەکانی گەرمی زیاتر روو لەنزمبوونەوە دەکات ئەم نزمبوونەوەیە لەپلەکانی گەرمی بۆ ئاستی ئاسایی ساڵانە تا ٢٤/٥/٢٠١٩ دەخایەنێت لە رێکەوتی ٢٥/٥/٢٠١٩ تا رێکەوتی ٢٩/٥/٢٠١٩ دووبارە پلەکانی گەرمی روو لەبەرزبوونەوەی زیاتر دەکات و کەشێکی ھاوینەیی گەرم لەناوچەکاندا دەستپێدەکات بۆ ماوەی چەند رۆژێک .

- لە کاتەکانی نیوەرۆ بۆ ئێوارەی رۆژی سێشەمە ٢١/٥/٢٠١٩ لەئەنجامی کاریگەری شەپۆلێکی باران بارین لە سەر ناوچەکانی سنوری باکور و رۆژھەڵاتی ئێران و لە ئەگەری ھاتنی بارستە ھەورەکان بەئاراستەی ناوچە شاخاویی و سنوریەکانی ھەرێمی کوردستانەوە دووبارە باران بارین و ھەورە تریشقە ناوچەشاخاوییەکانی رۆژھەڵاتی پارێزگای ھەولێر و سنوری ئیدارەی راپەرین و سنوری پارێزگای سلێمانی دەگرێتەوە تا کاتەکانی ئێوارەی ھەمان رۆژ بەبری جیاجیا و دیاری نەکراو ئەگەری باران بارین و ھەورەتریشقە ھەیە کاریگەری لەسەر ناوچەکانی دیکە بەگشتی لاواز دەبێت و کەش ئاسایی دەبێت .

دامه‌زراوه‌ی شا عه‌بدولعه‌زیز گرته‌ ڤیدیۆیه‌كی بانگدان له‌مزگه‌وتی حه‌رامی پیرۆزی بڵاو كردۆته‌وه‌ ده‌ریده‌خات مێژووه‌كه‌ی بۆ (138)ساڵ له‌مه‌وبه‌ر ده‌گرێته‌وه‌و له‌لایه‌ن رۆژ هه‌ڵات ناسێكی هۆڵه‌ندی تۆمار كراوه‌و له‌ساڵی (1885ز) .

 دامەزراوەی شا عەبدولعەزیز، له‌ هه‌ینی رابردوو  گرته‌یه‌كی  ڤیدیۆیی لە لاپه‌ره‌ی تایه‌بتی  خۆی لەسەر تۆڕی كۆمه‌ڵایه‌تی  (تویتەر) بڵاوكردەوە، بریتی بوو لە تۆمارێكی دەنگی كۆن كە بانگدانە لە مزگەوتی حەرامدا و مێژووەكەی بۆ زیاتر لە 138 لەمەوبەر دەگەڕێتەوە، ئەمەش بە گوتەی دامەزراوەكە.

ئه‌وه‌ش ئاشكرا كراوه‌، ئەمە دێرینترین بانگە لە مزگەوتی حه‌رام و یەكێكە لە دۆكۆمێنتە دەنگییە دەگمەنە پارێزراوەكان لە كتێبخانەی زانكۆی لایدن لە هۆڵەندا، كه‌ لەسەردەستی،كریستیان سنۆك هۆرخرۆنێ‌ لە ساڵی 1302ی كۆچی (1885ی زاینی) تۆماركراوە.

 

ئەندامێكی لیژنەی نەوت و گاز لە ئەنجوومەنی نوێنەرانی عێراق رایدەگەیەنێت كە لەگەڵ وەزارەتی نەوتی عێراق قسەیان كردووە بۆ ناردنی بەنزین بۆ هەرێمی كوردستان و بەغداش وەڵامی ئەرێنی داوەتەوە و شێوازی ناردنەكەی دیاری كردووە.

 غالب محەمەد ئەندامی لیژنەی نەوت و گاز لە ئه‌نجومه‌نی نوێنه‌رانی عێراق بە ماپه‌رێكی نزیك له‌پارتی ڕاگه‌یاند: راگەیاند, لەگەڵ وەزارەتی نەوتی عێراق گفتوگۆمان كردووە بۆ ئەوەی وەك پارێزگاكانی تری عێراق بەنزین بۆ هەرێمی كوردستان رەوانە بكات و بە هەرزان بدرێتە هاووڵاتی و شۆفێران.

ناوبراو وتیشی: دوو پێشنیاز دراونەتە وەزارەتی نەوتی عێراق، یەكێك لەوانە وەك هەر پارێزگایەكی تر بەنزین بدرێتە هەرێمی كوردستان و نرخەكەی وەك پارێزگاكانی تری عێراق هەرزان بێت, پێشنیازەكەی تر ئەوەیە ئەگەر بەو شێوازە بەنزین نانێرن, بەنزین بنێردرێت بۆ بەنزینخانەی حكوومی و لەپاڵ بەنزینە بازرگانییەكە بەنزینی حكوومیش هەبێت.

ئاماژه‌ی به‌وه‌ش كردوه‌: بەڵێنی ناردنی بەنزینمان وەرگرتووە و لەو دوو شێوازە بەغدا بە یەكێكیان رازی دەبێت، بەڵام لە هەر حاڵەتێكدا بەغدا بەنزینی نارد چاودێرێك دەبێت تا بزانرێت چۆن ئەو بەنزینە دابەش دەكرێت, چونكە پێشتر بەغدا نەوتی ناردووە و هیچ چاودێرێك بۆ شێوازی دابەشكردنەكەی نەبووە. شایەنی باسە ئێستە یەك لیتر بەنزینی حكوومی لە عێراق بە ٤٥٠ دینارە و لە هەرێمی كوردستان بۆ لیترێك لە سەروو ٦٢٥ دینارەوەیە و پێشتریش ئەنجوومكەنی پارێزگای هەولێر لە نووسراوێك داوایان لە بەغدا كردبوو كە بەنزین بۆ پارێزگاكانی هەرێمیش دابین بكرێت.

سەبارەت بەنوێكردنەوەی گرێبەستی بەشێك لە فەرمانبەران وەزارەتی دارایی و ئابووری حكوومەتی هەرێمی كوردستان بڕیارێك دەدردەكات .

بەگوێرەی نوسراوێكی وەزارەتی دارایی ك واژووی رێباز حملان، وەزیری دارایی لەسەرە و بریار دراوە بە نوێكردنەوەی گرێبەستی (18) فەرمانبەرانی بەرێوەبەرایەتی تاقیگەی بیناسازی هەولێر لە وەزارەتی ئاوەدانكردنەوە.

وە بریار دراوە موچەی ئەم كارمەنداوە لەسەر رێژەی (35٪) ی داهاتی تاقیگەكە دەبێت ،وە مەرجی ئەوە دانراوە كە دەبێت ناوەكانی ساڵی ڕابردوو بێت و گۆڕانكاری تێدا نەكرابێت، بەخشتەیەكیش ژمارە و ناونیشانی فەرمانبەرەكان لەگەڵ بڕی مووچەكانیان دیاریكراو بێت .

 

 

 

لە زیندانێكی تاجیكستان ژمارەیەك زیندانی هەوڵی چونەدەرەوە لەزینداندا دەدەن و بەو هۆیەوە 29 كەسیان كوژران كە ئەندامی ڕێكخراوی تیرۆرستی داعش بون و سێ پۆلیسیش بریندارە.


بە گوێرەی هەواڵی بەشێك لە ئاژانسە جیهانیەكان، لە زیندانیەكی شاری دوشەنبێی پایتەختی تاجیكستاندا ژمارەیەك تۆمەتبار بە تۆمەتی ئەندامبونیان لە ڕێكخراوی تیرۆرستی داعش سزا دراون و دواتر لەناو زیندانیەكەدا چەقۆو كەرەستەی دیكەیان پێ بووە و سێ پۆلیسیان بەبارمتە گرتوە ڕایانگەیاندووە كە ئەگەر بێت و ئازاد نەكرێت ئەو سێ پۆلیسە دەكوژن.


وەزیری دادی تاجیكستان ئەوەی خستەڕوو: 29 كەس لەو زیندانیانە كوژراون كە هەشت كەسیان بە دەستی هاوڕێكانی خۆیان كوژراون و زیندانیەكەش هەزار و 500 زیندانی تیادا بووە.

 

 

 

س ب

 

پەڕەى 1 لەکۆى 5183 پەڕەدا