هێزەكانی سوریای دیموكرات سەركەوتنیان بەسەر داعش ڕاگەیاندو دەڵێن لە تەواوی خاكەكەی، ئەوەی ناوی لێ نابوو خەلافەت لەناوبراوە.

لە پاش نزیكەی 5 ساڵ لە ڕاگەیاندنی داعش وەك خەلافەتێك لەسەر بەشێكی گەورەی خاكی عێراق و سوریا، ئەمڕۆ شەممە سەركەوتنەكە ڕاگەیەندرا لەلایەن (موستەفا بالی) بەرپـرسی ڕاگەیاندنی گشتی هێزەكانی سوریای دیموكراتەوە.

بالی لە ڕێگەی تویتەرەكەیەوە سەركەوتنەكەی ڕاگەیاندو نووسیویەتی، باغۆز ڕزگاركراو سەركەوتن بەسەر داعش هاتە دی، ئەم سەركەوتنە پـێشكەش بە بنەماڵەی شەهیدان و بریندارەكانمان دەكەین، ئەو قارەمانانەی ئەگەر ئەو قوربانیانەیان نەدایە ئەم سەركەوتنە نەدەهاتە دی، لە پاش ساڵانێك لە قوربانی گەورە مژدەی نەمانی خەلافەتەكەی داعش بە جیهان دەدەین، بەڵێن دەدەینەوە بەردەوام دەبین لە شەڕو ڕاوەدوونانی پاشماوەكانیان هەتا بە تەواوی لەناویان‌دەبەین.

داعش پاش ئەوەی خاكێكی گەورەی لە عێراق سوریا داگیركرد، لەوانە پارێزگای موسڵی عێراق و پارێزگای ڕەققەی سوریا، لە (29) مانگی شەشی ساڵی (2014) دەوڵەتی خەلافەتی خۆی ڕاگەیاند بە ڕێبەرایەتی (ئەبوبەكری بەغدادی)، لە ماوەی حوكمڕانیـیەكەیاندا تاوانی زۆریان كرد.

 

 

لەشاری سلێمانی ژنێك بە چەقۆ كوژراو لەسەر ڕووداوەكە هاوسەرەكەیی و دراوسێیەكیان دەستگیركران.

بەگوێرەی لێدوانێكی( سەركەوت ئەحمەد) بەڕێوبەری ڕاگەیاندنی پۆلیسی سلێمانی، دوێنێ لە گەڕەكی مامەیارەی شاری سلێمانی ژنێكی تەمەن (28) ساڵەی بە رەگەز عەرەب لە ماڵەكەی خۆیدا بە چەقۆ كوژراوە.

ئاماژەی بۆ ئەوەش كرد، دوای گەیشتنی هێزەكانی پۆلیس و تیمەكانی بەشی پۆلیسی بەڵگەی تاوان كەشف و هێڵكاریی شوێنی ڕووداوەكە كراو تەرمی كوژراوەكە بۆ پزیشكی دادوەری لەشاری سلێمانی گواستراوەتەوە.

(سەركەوت ئەحمەد) وردەكاری لەسەر ڕووداوەكە ئاشكرا نەكردو بۆ رۆژنیوز، ڕایگەیاند: هێزەكانی بنكەی پۆلیسی سەیوان لێكۆڵینەوەیان لە ڕووداوەكە كردووەو دوو كەس دەستگیركراون، كە یەكێكیان هاوسەرەكەیەتی و ئەوی دیكەشیان دراوسێیانە.

 

 

كەشناسی هەرێم بڵاویكردۆتەوە، سبەینێ‌ شەپۆڵێكی باران بارین ناوچەكانی هەرێمی كوردستان دەگرێتەوە.

كەشناسی پێشبینی كردووە، شەپۆڵەكەی باران بارین لەشەودا زیاتر دەبێت و تاكو كۆتایی هەفتەش بەردەوام دەبێت.

 

 

ربما تحتوي الصورة على: ‏‏نص‏‏

 

 

خشتەیەكی‌ نوێی‌ مووچە بۆ مانگی‌ یەكی‌ ئەمساڵ بڵاوكراوەتەوە، بەگوێرەی‌ خشتەكەش لەڕۆژی‌ (1/4) ەوە دەست بەدابەشكردنی‌ مووچە دەكرێت، وەزارەتی‌ داراییش لەسەر ئەو خشتەیە ڕوونكردنەوە دەدات و جەختیش دەكاتەوە، تائێستا هیچ خشتیەكیان ڕانەگەیاندووە.

بەگوێرەی‌ خشتەیەكی‌ مووچە كە لەتۆڕە كۆمەڵایەتیەكان ئاماژەی‌ پێكراوە، ڕۆژی‌ (1/4/2019) دابەشكردنی‌ مووچە بەوەزارەتەكانی‌ (پەروەردە، تەندروستی) دەستپێدەكات، بەڵام لەماوەی‌ (15) ڕۆژدا مووچەی‌ تەواوی‌ وەزارەت و دەستەكان دابەش دەكرێت.

سەرچاوەیەكیش لەوەزارەتی‌ دارایی هەرێمەوە تەواوی‌ ئەو زانیاریانەی‌ ڕەتكردەوەو ئاماژەی‌ بەوەدا، هیچ خشتەیەكی‌ مووچە لەوەزارەتی‌ داراییەوە ڕانەگەیەنراوەو ئەو خشتەیەش پەیوەندی‌ بەئێمەوە نییە.

 

 

پێشبینی كراوە سبەینێ‌ گۆڕانكاری بەسەر كەشوهەودا بێت و كەشێكی باران بارین بەڕێوەیە.

كەشناسی هەرێم پێشبینی دەكات، سبەینێ‌ یەكشەممە كەشێكی باران بارین بەڕێوەیەو لەكاتی شەویشدا باران بارین زیاد دەكات.

 

 

 

 

لا يتوفر وصف للصورة.

 

 

خواردنی بڕی پێویست لە میوە بەتایبەت جۆرە باشەكانی ڕۆڵێكی سەرەكی هەیە لە گەشەكردنی منداڵ و بەهێزكردنی بەرگری و پاراستنی لە نەخۆشی.

كام جۆری میوە بدرێت بە منداڵ و چۆن بەكاربهێنرێت ؟؟ لەمبارەیەوە (د. كامەران ڕەسوڵ ژاژڵەیی) پسپۆڕی زانستی خۆراك و نەشتەرگەری گشتی بۆ خاك وتی:

1. میوەی هەمەجۆرو ڕەنگ جیاواز پێویستە بدرێت بە منداڵ نەوەك یەك یان دوو جۆر میوەی بدرێتێ و ئەوانی تر پشتگوێ بخرێت.

2. میوەی خۆماڵی لەڕووی تەندروستییەوە باشترەو بەها خۆراكییەكانی زیاترەو تامی خۆشترە.

3. پێدانی میوە‌ بە ساغی یان لەتكراوی یان بدرێت لە ڕندە سوودی گەلێك زۆرترە لەوەی بە شێوەی شەربەتی فرێش بدرێت بە منداڵ.

4. ڕۆژانە سێ جار لەنێوان ژەمەكان، یەك بۆ دوو سەعات پێش یان دوای ژەمەكان.

5. ڕاستەوخۆ دوای ژەمە سەرەكییەكان یان كەمێك پێش ژەمەكان میوە مەدە بە منداڵ.

6. هیچ مقەوی و مەڵتی ڤیتامینێك یان تەواوكەری خۆراكی نابێتە بەدیلی میوەكان و نابێت لەبری میوە بدرێت بە منداڵ بە بەردەوامی.

7. دووركەوتنەوە لە عینادی كردن لەگەڵ منداڵ تا بەزۆر خواردن و میوە بخوات.

8. پێویستە دایك و باوك خۆیان میوە بخۆن لەگەڵ منداڵ یان لە بەرچاوی نەوەك خۆیان نەیخۆن و بە منداڵەكە بڵێن بیخۆ.

9. بە منداڵەكەت بڵێ ئەم میوەیە دەخۆیت یان ئەو جۆرەی تر نەوەك لێی بپرسرێت میوە دەخۆیت یان نا.

10. پێشكەشكردنی میوە بە شێوازی سەرنج ڕاكێش و ڕازاندنەوەی.

11. منداڵ پێویستە لەكاتی ساوایی و پێش ئەوەی بگاتە یەك ساڵ فێری میوە خواردن بكرێت.

 

 

كەشناسی هەرێم پێشبینی كردووە، ئەمڕۆ كەش و هەوا گۆڕانكاری بەسەردادێت و ئاسمان بۆ هەور دەگۆڕێت.

 

 

 

لا يتوفر وصف للصورة.

 

 

 

 

 

نرخی نەوت بەردەوامە لەدابەزین، بەشێوەیەك ئەمساڵ گەیشتۆتە نزمەترین نرخی، ئەوەش بەچەند هۆكارێكەوە بووە.

وەستانی گفتوگۆكانی نێوان چین و ئەمریكا لەسەر ئاڵوگۆڕی بازرگانی نێوانیان و بەیاننامەی نێوان ئەڵمانیا و ئەمریكا لەسەرێكی تر لەبارەی پیشەسازی نێوانیان و دابەزینی خواست لەسەر نەوت لەبازارەكانی جیهان، بۆتە مایەی دابەزینی نرخی نەوت.

بەپێی زانیارییەكان، ئەمڕۆ نرخی بەرمیلێك نەوتی برێنت بە (67.03) دۆلارو نرخی بەرمیلێك نەوتی خاویش بە (59.04) دۆلار مامەڵەی پێوەكراوە.

 

 

 

لێكۆڵینەوەیەكی زانستی كە ماوەیەكی زۆری خایاندووە، دەریخستووە، كە مرۆڤ پێداویستی رۆژانەی بۆ كۆلیسترۆڵ بە دوو هێلكە تەواو دەبێت.

گۆڤاری (جاما) ی تایبەت بە زانستە پزیشییەكان بڵاویكردۆتەوە، هەر كەسێك رۆژانە دوو هێلكە بخوات بەشێوەیەكی بەردەوام، ئەوا كاریگەری لەسەر دڵ و سوڕی خوێن و تەنانەت مردنی كتوپڕیشی لێدەكەوێتەوە.

بەپێی لێكۆڵینەوەكە، هەر هێلكەیەك پێداویستی (185) ملیگرام لە كۆلیسترۆڵی تێدایە، ئەوەش نیوەی پێداویستی لەشە بۆ كۆلیسترۆڵ، كە رۆژانە (300) ملیگرامی پێویستە.

شارەزایان پشتیان بەلێكۆڵینەوەیەك بەستووە، كە ماوەی (17) ساڵی خایاندووەو تێیدا زیاتر لە (30) هەزار كەس بەشداریان كردووە.

 

 

 

زۆر كەس ڕۆژانە لەگەڵ خواردنە خێراكان یان سوورەوەكراوەكاندا كەچەپ دەخۆن، بەبێ ئەوەی ئاگاداری ئەوە بن كە تا چەند زیانی بۆ تەندروستییان دەبێت.

لێكۆڵینەوەكان كۆمەڵێك لە زیانەكانی كەچەپیان باسكردووە كە واتان لێدەكات چیتر لەگەڵ ژەمەكاندا نەیخۆن، بەم جۆرە:

1. ماددەی پارێزەری زیانبەخشی تێدایە كە زیانی بۆ تەندروستی هەیە.

2. جۆرێك سركەی تێدەكرێت كە كاریگەری نەرێنی لەسەر ئەندامە ناوەكییەكانی جەستە دەبێت.

3. ڕێژەی سۆدیۆم لە جەستەدا بەرزدەكاتەوە كە دەبێتە هۆی دروستبوونی گرفت لە سیستەمی خۆراكیدا.

4. بڕێكی زۆر شەكری تێدایە كە مەترسی تووشبوون بە نەخۆشی شەكرە زیاد دەكات.

5. مەترسی تووشبوون بە كۆلیسترۆل و نەخۆشییەكانی دڵ زیاد دەكات.

 

پەڕەى 1 لەکۆى 4958 پەڕەدا