ئەمڕۆ سێ شەممە لە شاری مانهاتن لە نیویۆرك بەشێك لە ئەندامانی كۆمەڵەی میسر – ئەمریكا، لە مانهاتن گردبوونەوە و درووشمی "محەممەد مورسی، سەرۆكی شەرعیی میسرە" یان بەرزكردەوە.

ئه‌ندامێكی سه‌ركردایه‌تی یه‌كێتی هه‌ڵوێستیان له‌باره‌ی به‌شداریكردن له‌كابینه‌ی نوێی حكومه‌تی هه‌رێم ئاشكراده‌كات و جه‌ختده‌كاته‌وه‌، به‌بێ دانانی پارێزگارێكی كورد به‌شداری له‌حكومه‌تی نوێ ناكه‌ن و ده‌شڵێت: "هیچ ڕێكه‌وتنێك له‌نێوان كۆسره‌ت ڕه‌سوڵ و مه‌سعود بارزانی نه‌كراوه‌".

ئارێز عه‌بدوڵڵا ئه‌ندامی ئه‌نجومه‌نی سه‌ركردایه‌تی یه‌كێتی نیشتمانی كوردستان له‌چاوپێكه‌وتنێكدا له‌گه‌ڵ به‌شی كوردی ده‌نگی ئه‌مریكا ئاشكرایكرد: ئه‌گه‌ر یه‌كێتی به‌شداری له‌حكومه‌تدا نه‌كات حكومه‌تێكی سه‌رتاسه‌ری له‌هه‌رێم دروست نابێت و ده‌بێته‌ حكومه‌تی دوو پارێزگا ده‌سه‌ڵاتی به‌سه‌ر پارێزگای سلێمانیدا نابێت، كه‌بڕواناكه‌م پارتی له‌به‌ر په‌سه‌ندكردنی ناوی كه‌سێك ئه‌مه‌ بكات".

جه‌ختیشیكردۆته‌وه‌، " به‌دڵنیایی یه‌كێتی سوره‌ له‌سه‌ر هه‌ڵوێستی خۆی سه‌باره‌ت به‌وه‌ی به‌شداریكردنی له‌حكومه‌ت په‌یوه‌سته‌ به‌چاره‌سه‌ركردنی پرسی كه‌ركوك و په‌سه‌ندكردنی ناوی یه‌كێك له‌و كاندیدانه‌ی كه‌ ئێمه‌ پێشكه‌شمانكردووه‌ بۆ پۆستی پارێزگار".

به‌وته‌ی ئه‌و ئه‌ندامه‌ی سه‌ركردایه‌تی یه‌كێتی، هیچ ڕێككه‌وتنێك له‌نێوان مه‌سعود بارزانی و كۆسره‌ت ڕه‌سوڵ له‌سه‌ر ناوی كاندیدێك نه‌كراوه‌ و ده‌شڵێت: " به‌هیچ جۆرێك ڕێككه‌وتنی له‌و شێوه‌یه‌ نه‌كراوه‌ له‌نێوان كاك مه‌سعود و كاك كۆسره‌ت له‌سه‌ر كاك فه‌ره‌یدون عه‌بدولقادر، ڕاسته‌ باسی لێكراوه‌ به‌ڵام ڕێككه‌وتنی له‌سه‌ر نه‌كراوه‌".

ئه‌وه‌شی ئاشكراكردوه‌، پارتی له‌موسڵ هیچ پرسی به‌ ئێمه‌ نه‌كرد چوو له‌گه‌ڵ حه‌شدی شه‌عبی و لایه‌نه‌كانی تر ڕێككه‌وت بۆ وه‌رگرتنی پۆستی جێگری پارێزگاری موسڵ و قایمقام، له‌به‌رئه‌وه‌ی له‌وێ ئه‌وان زۆرینه‌ن، به‌ڵام له‌كه‌ركوك كه‌ یه‌كێتی زۆرینه‌یه‌ كۆسپی ده‌خاته‌به‌رده‌م".

 

ئەندامێكی ئەنجومەنی سەركردایەتی یەكێتی ڕایدەگەیەنێت: بەدڵنیاییەوە یەكێتی بەبێ پەسەندكردنی ناوی كاندیدێكی بۆ پۆستی پارێزگاری كەركوك لەلایەن پارتییەوە بەشداری لەحكومەتدا ناكات.


ئارێز عەبدوڵا ئەندامی ئەنجومەنی سەركردایەتی یەكێتی ڕایگەیاند: ئەگەر یەكێتی بەشداری لەحكومەتدا نەكات حكومەتێكی سەرتاسەری لەهەرێم دروست نابێت و دەبێتە حكومەتی دوو پارێزگا دەسەڵاتی بەسەر پارێزگای سلێمانیدا نابێت" كەبڕواناكەم "پارتی لەبەر پەسەندكردنی ناوی كەسێك ئەمە بكات.


ئارێز عەبدوڵا كەبەدەنگی ئەمریكای ڕاگەیاند، ووتیشی: ڕێككەوتنمان بۆ بەشداریكردن لە حكومەت كۆتایی هاتووە، بەڵام بەدڵنیایی یەكیتی سورە لەسەر هەڵوێستی خۆی سەبارەت بەوەی بەشداری كردنی لە حكومەت پەیوەستە بەچارەسەركردنی پرسی كەركوك و پەسەندكردنی ناوی یەكێك لەو كاندیدانەی كە ئێمە پێشكەشمان كردووە بۆ پۆستی پارێزگاری كەركوك.


ئەوەشی خستەڕوو: بەبێ ڕەزامەندی پارتی لەسەر كاندیدێكی یەكێتی بۆ پۆستی پارێزگاری كەركوك و بەشداری كردنی یەكێتی لە حكومەتدا من پێم وابێت جگە لە جێبەجێكردنی بەرنامەی تایبەتی لایەنێك هیچ شتێكی تر نیە بۆیە یەكێتی سورە وە سوریش دەبێت لەسەر ئەو هەڵوێستەی كە بەبێ پەسەندكردنی كاندیدێكی یەكێتی بۆ پۆستی پارێزگاری كەركوك بەشداری لەحكومەتدا ناكات.

 

 

 

 

 

لیژنەی دارایی ئەنجومەنی نوێنەرانی عیراق، راسپاردەكانی لەبارەی ناردنی موچەی فەرمانبەرانی هەرێم ئاشكرادەكات، بڕیاردەری لیژنەكەش رایدەگەیەنێت: دوای دەنگدانی لە پەرلەمانەوە، راسپاردەكان بۆ حكومەت دەنێردرێت بۆ جێبەجێكردنی.

د.ئەحمەد سەفار، بڕیاردەری لیژنەی دارایی لەئەنجومەنی نوێنەرانی عیراق راگەیاند: دوای ئەوەی رۆژی 21ی 5ی 2019 لیژنەی دارایی بانگهێشتی وەزیری دارایی عیراقی كردو گفتوگۆ لەسەر ناردنی موچەی فەرمانبەرانی هەرێم كرا، لیژنەی دارایی لەڕاپۆرتی خۆیدا چەند راسپاردەیەكی دەركرد.

وتیشی: "ئەو راسپاردانە لەئەنجومەنی نوێنەران گفتوگۆی لەسەر دەكرێت و دەنگی لەسەر دەدرێت، پاشان ئاڕاستەی ئەنجومەنی وەزیران و وەزارەتی دارایی دەكرێت بۆئەوەی جێبەجێبكرێت".

لەیەكێك لە گرنگترین ڕاسپاردەكاندا هاتووە ، داوا لەهەرێمی كوردستان كراوە ئەو موچەیەی لەبەغداوە رەوانە دەكرێت بگات بەدەستی فەرمانبەران، ئەگەرنا ئەوان (كی كارت) بۆ فەرمانبەرانی هەرێم دروستدەكەن

بڕیاردەری لیژنەی دارایی لەئەنجومەنی نوێنەران، تەواوی راسپاردەكانی ئاشكراكرد، كە ئەمانەن:

یەكەم: داوا لەعادل عەبدولمەهدی سەرۆك وەزیرانی عیراق كراوە، چاودێری وەزارەتی دارایی بكات كە یاسای بودجە بەتایبەت مادەی (10) بەتەواوی جێبەجێ بكات، نەك بەشێوەیەكی جوزئی.

دووەم: داوا لەئەمینداری گشتی ئەنجومەنی وەزیران كراوە كە لەسەر چ بنەمایەكی یاسایی حەیدەر عەبادی سەرۆك وەزیرانی پێشوو موچەی فەرمانبەرانی هەرێمی رەوانە كردووە.

سێیەم: داوا لەوەزارەتی نەوتی عیراق كراوە چاودێری فرۆشتنی نەوتی هەرێم بكات كە لەدەرەوەی كۆمپانیا سۆمۆ دەفرۆشرێت.

چوارەم: داوا لەحكومەتی هەرێم كراوە لیستی میلاكی سەرجەم فەرمانبەرانی مەدەنی و سەربازی رەوانەی بەغدا بكات.

پێنجەم: داوا لەهەرێمی كوردستان كراوە ئەو موچەیەی لەبەغداوە رەوانە دەكرێت بگات بەدەستی فەرمانبەران، ئەگەرنا ئەوان (كی كارت) بۆ فەرمانبەرانی هەرێم دروستدەكەن و لەڕێگەی بانكەوە موچەكەیان بۆ رەوانە دەكەن، چونكە پێیانوایە عیراق پێنج موچەی ناردووە، بەڵام هەرێم سێ موچەی دابەشكردووە، لەكاتێكدا هەرێم لەمانگی (11)ەوە ئەو موچەیەی دابەشكردووە، ئەوانیش دەڵێن دەبێت یاسای بودجە لە1ی 1ی 2019ەوە جێبەجێبكرێت.

شەشەم: داوا لەئەنجومەنی نوێنەرانی عیراق كراوە، پەلە بكات لەدەركردنی یاسای نەوت و غازی عیراق، بۆئەوەی كێشانە چارەسەر بكرێت.


 

 

 

یەكێك لە خواردنە تەندروستە سوودبەخشەكان خواردنی پیازە، سوودەكانی هێندە زۆرە هەرچەندە گرنگی بە خواردنی بدەین كەمە، چونكە دژی نەخۆشیە مەترسیدارەكان دەجەنگێت و كاریگەریەكەی خێرایە.

سوودەكانی خواردنی پیاز بۆ تەندروستی ئەمانەی خوارەوەیە :

1. بوونی ماددەیەكی كیمیایی لە پیازدا هۆكارێكە بۆ ڕێكخستنی ڤیتامین سی لەلەشدا، ئەمەش هۆیەكە بۆ بەهێزكردنی بەرگری لەش دژی هەموو نەخۆشیەكان.

2. خواردنی پیاز هۆكارێكە بۆ ڕاگرتنی شەكری خوێن لەلەشدا، بەتایبەتی بۆ ئەو كەسانەی تووشبووی نەخۆشی شەكرەن.

3. پیاز دەبێتە هۆی پاككردنەوەی لەش لە ژەهراوی بوون و ماددەی زیانبەخش.

4. پیاز پێش كوڵان یارمەتی دروستبوونی كۆلیسترۆڵی (HDL) دەدات كە پێكهاتووە لە كۆلیسترۆڵێكی بەسوود، بەم شێوەیەش دڵت بەشێوەیەكی تەندروست دەمێنێتەوە.

5. بەهۆی بلورێكی ڕەنگی زەردی لە پیازدا، بەرگری لەش دژی نەخۆشی شێرپەنجە زیاد دەكات.

6. گیراوەی پیاز چارەسەرێكی باشە بۆ شوێنی ئازارو سوتانەوەو هەستیاری پێست ناهێڵێت.

7. پیاز رێگری دەكات لە مەترسییەكانی گەشەكردنی برینی ناوسك.

وه‌زاره‌تی‌ دارایی و ئابوری‌ هه‌رێم له‌كابینه‌ی‌ نوێی حكومه‌تدا پلانێكی‌ نوێ بۆكۆكردنه‌وه‌ی‌ داهات په‌یڕه‌وده‌كات و به‌گوێره‌ی‌ زانیارییه‌كانی‌ ئه‌و وه‌زاره‌ته‌ش ئه‌و هه‌نگاوه‌ ده‌كه‌وێته‌ دوای‌ پێكهێنانی‌ كابینه‌ی‌ نوێی حكومه‌تی‌ هه‌رێمه‌وه‌ و ئه‌وه‌شخراوه‌ته‌ڕوو هه‌نگاوه‌كه‌ش كاریگه‌ری ئه‌رێنی‌ ده‌بێت له‌پێدانی‌ موچه‌ له‌كاتی‌ خۆی و له‌هه‌ر 30 ڕۆژ جارێكدا.

به‌گوێره‌ی‌ ئه‌و زانیاریانه‌ی‌ له‌ وه‌زاره‌تی‌ دارایی و ئابوری‌ حكومه‌تی‌ هه‌رێمی‌ كوردستانه‌وه‌ كە تۆری سلێمانی بڵاویكردۆتەوە ، وه‌كو وه‌زاره‌تی‌ دارایی هه‌رێم چه‌ند رێوشوێن و پلانێكی‌ نوێ ئاماده‌كراوه‌ كه‌ بۆكۆكردنه‌وه‌ی داهاته‌كان، به‌ڵام ئه‌و هه‌نگاوه‌ ده‌كه‌وێته‌ كابینه‌ی‌ نوێی حكومه‌تی‌ هه‌رێمه‌وه‌.

باسله‌وه‌شكراوه‌، ئه‌و هه‌نگاو و پلانانه‌ی‌ كه‌ هه‌یه‌ بۆ شێوازی گۆڕانكاری له‌كۆكردنه‌وه‌ی‌ داهاته‌كان له‌ئێستادا حكومه‌ت كار به‌رێكه‌ره‌ ناتوانێت بكات، به‌ڵام هه‌ركات كابینه‌ی‌ نوێی حكومه‌ت پێكهێنرا ده‌توانرێت كاری جددی له‌سه‌ر بكرێت.

له‌زانیارییه‌كاندا ته‌ئكیدكراوه‌ته‌وه‌ ئه‌و رێوشوێنانه‌ی‌ له‌لایه‌ن وه‌زاره‌تی داراییه‌وه‌ ده‌گیرێته‌به‌ر بۆگه‌ڕانه‌وه‌ی‌ داهاته‌كان بۆ خه‌زێنه‌ی‌ ده‌وڵه‌ت كاریگه‌ری ئه‌رێنی‌ ده‌بێت له‌سه‌ر دابینكردنی‌ موچه‌ی‌ مانگانه‌ی‌ فه‌رمانبه‌ران كه‌ بتوانرێت به‌جۆرێك هه‌نگاوبنرێت و هه‌ر30ڕۆژ جارێك و مانگانه‌ له‌كاتی‌ خۆیدا دابه‌ش بكرێت.


 

 

سەرچاوەیەك لە وەزارەتی دارایی و ئابووری بە كوردیوی راگەیاند رۆژی پێنج شەممە مووچەی (6) وەزارەت و دەستە دابەش دەكرێ.

 

ڕۆژی پێنج شەممە 20/ 6/ 2019
وەزارەتی پیشەسازی و بازرگانی
وەزارەتی رۆشنبیری
وەزارەتی ئاوەدانكردنەوە
سەرۆكایەتی هەرێم
سەرۆكایەتی پەرلەمان 
ئەنجوومەنی وەزیران

 

ئەمڕۆ سێ شەممە لەژێر ڕێوشوێنێكی‌ ئەمنی‌ تونددا تەرمی‌ محەمەد مورسی‌ سەرۆكی شەرعی بەناحەق زیندانیكراوی میسر بەخاك سپێردرا.


میدیاكانی میسر بڵاویانكردەوە: سەرلەبەیانی ئەمڕۆ سێ شەممە لەژێر ڕێوشوێنێكی ئەمنی تونداو بە ئامادەبونی ئەندامانی خێزانەكەی و پارێزرەكەی، تەرمی‌ محەمەد مورسی‌ سەرۆكی شەرعی بەناحەق زیندانیكراوی میسر لە گۆڕستانێك لە شاری‌ نەسر لە رۆژهەڵاتی‌ قاهیرە تەرمەكەی‌ بەخاك سپێردرا.


جێگەی ئاماژەبۆكردنە دوێنێ دووشەممە محەمەد مورسی‌ سەرۆكی شەرعی بەناحەق زیندانیكراوی میسر لە تەمەنی 69 ساڵیداو لە كاتی دادگایكردنیدا گیانی لەدەستدا.

بەرپرسێکی وەزارەتی دارایی بە رۆژنامەی (باس)ی راگەیاندوە،دەستپێكردنەوەی پلەبەرزکردنەوەی فەرمانبەران لە دەسەڵاتی ئەنجومەنی وەزیرانە،وتی:" نوسراومان بۆ ئەنجومەنی وەزیران كردووە بۆ ئەوەی پلەبەرزكردنەوە دەست پێ بكرێتەوە، بەڵام تاوەكو ئێستا فەرمانیان دەرنەكردووە".
روونی كردەوە پلەبەرزكردنەوە بۆ هێزەكانی پێشمەرگە و هێزەكانی ناوخۆ بەردەوامە تەنها پلە بەرزكردنەوەی فەرمانبەرانی شارستانی راگیراوە.


بەپێی زانیاریەكان لە سەرەتای مانگی 5ی 2019 ئەنجومەنی وەزیران نوسراوێكی بۆ وەزارەتی دارایی كردووە و داوای رێكخستنەوی پلەی وەزیفی كردووە.


لە نوسراوەكە هاتووە" لە داموو دەزگاكانی حكوومەت پلەی وەزیفی بەجۆرێك بەرزكراوەتەوە رەچاوی پلەی وەزیفی و مەرجەكان نەكراوە، بۆیە دەبێت بە پێی رێكارە یاساییەكان پلەی ئەو جۆرە فەرمانبەرانە رێكبخرێتەوە".


هەر لەو نوسراوەدا ئەنجومەنی وەزیران داوای لە وەزارەتی دارایی كردووە بەپێی رێنمایی پلە بەرزكردنەوە رێكبخاتەوە.

 


سەرچاوەیەکی باڵای ئەنجومەنی وەزیران  رایگەیاندوە تاوەکو ئێستا ڕێکارەکانی دەستپێکردنەوەی پلەبەرزکردنەوەی فەرمانبەران تەواو نەبووە،چاوەڕوان دەکرێ لە کابینەی تازە یەکلا بکرێتەوە.


سەرچاوەكە جەختی كردەوە سەرۆكایەتی دیوانی ئەنجومەنی وەزیران كۆمەڵێك رەشنوسیان ئامادەكردووە بۆ ئەوەی دواتر فەرمانێكی یەكگرتووی بۆ دەربكرێت.


لە ساڵی 2016 وە پلەبەرزکرنەوە ڕاگیراوە لە حاڵی دەستپێکردنەوەیدا نزیکی 680هەزار فەرمانبەر پلەکانیان بەرزدەکرێتەوە و مووچەیان زیاد و ناونیشانیان دەگۆڕدرێت.


ئەرشەد لۆلانی، ئەندامی لیژنەی دارایی پەرلەمانی كوردستان  رایگەیاند بەداواچونیان لەسەر پلەبەرزكردنەوەی فەرمانبەران كردووە، گوتی: "لە كابینەی تازەی حكوومەت پلەبەرزكردنەوەی فەرمانبەران دەست پێدەكرێتەوە،بۆ ئەوەش لە دارایی و ئەنجومەنی وەزیران راپۆرتی باش ئامادەكراوە".


ساڵانە بەشێك لە فەرمانبەران پلەكانیان بۆ بەرزدەكرێتەوە، كە بەشێكیان 4 ساڵ جارێكە و بەشێكی تریشیان 5 ساڵ جارێكە كە بەهۆیەوە ناونیشانی وەزیفیان دەگۆردرێت و مووچەكانیشیان بۆ زیاد دەكرێت.


ئەرشەد لۆلانی ،روونی كردەوە پلەبەرزكردنەوە مافێكی یاسایی و دارایی فەرمانبەرانە، گوتیشی: "هەر فەرمانبەرێك لەو كاتەی پلەكەی راگیرابێت لەو كاتەوە بۆی ئەژمار دەكرێت، پلە و ناونیشانیان بەرزدەكرێتەوە مووچەشیان زیاد دەكرێت".


بەپێی زانیاریەكان، قەبڵاندنی پارەی بەرزەمووچەی فەرمانبەران لە ساڵێكدا نزیكی ملیارێك دینارە.


پێشووتر رێباز حەملان، وەزیری دارایی و ئابووریی حكوومەتی هەرێمی كوردستان رای گەیاند بوو: "پلە بەرزكردنەوەی فەرمانبەران بابەتێكی تەواو یاساییە و لە ئەمساڵدا حكوومەتی هەرێمی كوردستان ئەو بابەتە چارەسەر دەكات،لەمساڵدا پلە بەرزكردنەوە دەردەچێت، ئەوەی مافی هەبێت بۆی دەگێڕدرێتەوە".

 

 

لێكۆڵینەوە پزیشكییەكان ئاماژە بەوەدەدەن كە مەلەكردن هۆكارێكە بۆ دواخستنی‌ پیری‌‌ و ڕێگریكردن لەمردنی‌ پێشوەختە، زۆرینەی پزیشكان جەخت دەكەنەوە كە مەلەكردن یەكێكە لە وەرزشە بەسوودەكان بۆ جەستەی مرۆڤ، هەروەها ڕاشیدەگەیەنن پێویستە لە ئاوی خاوێن و تەندروست مەلە بكەن.

مەلەكردن باشترین وەرزشە بۆ نەهێشتن ‌و تواندنەوەی‌ كالۆری‌، بەڵام بۆ ئەوەی‌ كالۆرییەكان بەباشی‌ بتوێنەوە، باشتر وایە ناوە ناوە لەكاتی‌ مەلەكردندا پشو وەربگرن لێرەدا بە حەوت خاڵ سوودەكانی مەلەكردن بۆ جەستە دەخەینە ڕوو. 

یەكەم: ماسولكەكانی دڵ بەهێز دەكات، ئەگەر هەفتەی (3 – 4) جار هەر جارەی كاتژمێرێك مەلە بكەن، دەبێتە هۆی ئەوەی ماسولكەكانی دڵ خوێنی زیاترو بەخێرایی زیاتر بۆ ئەندامەكانی جەستە بنێرن، ئەم خێرایی دەرپەڕاندنی خوێنە دەبێتە هۆی نەهێشتنی چەوری نیشتوو لە نێو لوولەكانی خوێن و ئەمە جگە لەوەی وەرزشێكی باشیش دەبێ بۆ ماسولكەكانی دڵ و دەبێتە هۆی بەهێزبوونیان، كە ئەمانەش بەرێژەیەكی زۆر مەترسی تووشبوون جەڵتەو وەستانی دڵ دوور بكەونەوە.

دووەم: سووتانی یەكەی گەرمی لەش، مەلەكردن باوترین و بەهێزترین جۆرەكانی وەرزشە بۆ سووتاندنی یەكەی گەرمی‌، چونكە لەكاتی چوونە نێو ئاوو مەلەكردن هەموو ئەندامەكانی جەستە دەكەونە جووڵەو بەمەش یەكەكانی گەرمی بە رێژەیەكی زۆر بەكار دەبرێ و كێشی لەشتان رێك دەخات و رێگر دەبێ لە زیادبوونی كێش.

سێیەم: زیادبوونی نەرمی ماسولكەكان، وەرزشكردن لە یانەكانی وەرزشی بەتایبەت یاری ئاسنین دەبێتە هۆی رەقبوون و پتەوبوونی جەستە، بەڵام مەلەكردن دەبێتە هۆی بەهێزی ماسولكە بەبێ ئەوەی رەقبوونی هەمیشەیی بەخۆیەوە ببینێت، بەپێچەوانەوە نەرمی و گونجانی تەندروستانە لە نێو خانەكانی ماسولكە بەدی دێنێت.

چوارەم: بەهێزكردنی ماسوولكەكانی جەستە، جووڵەكردنی جەستە لە نێو هەوادا ئاساییە، بەڵام لەنێو ئاودا (12) جار لە جووڵەكردن لە نێو هەوادا قورسترە، بۆیە راهێنانی جەستەو جووڵە پێكردنی لە نێو ئاودا زۆرترین سوود بە ماسولكەكان دەگەیەنێت و كێشەكانی لاوازی ماسولكەو خێرا شەكەتبوون ناهێڵێت، بەجۆرێ هەفتەی (3) جار كەمتر نەبێ.

پێنجەم: جووڵەی ماسولكەو جومگەكان بەبێ كەوتنەوەی زیان، جووڵەكردن لە رۆیشتن و جۆرەكانی تری وەرزش زۆرجار دەبێتە هۆی زیانگەیاندن بە جومگەو ماسولكەكان، بەڵام لە رێی مەلەكردنەوە هیچ فشارێك و ئازارێك لەسەر جومگەو ماسولكەكان دروست نابێ و توانای كشانی ماسولكەكان و بەرگەگرتنی دۆخە قورسەكان زیاتر دەبێت.

شەشەم: مەترسی تووشبوون بە شەكرە ناهێڵێ، یەك خولی مەلەكردن لە مەلەوانگەیەكی (100) مەتری (500) یەكەمی گەرمی دەسووتێنێت، بەمەش جگە لەوەی چەوری دەتوێنێتەوە دەبێتە هۆی دەردانی زیاتری هۆڕمۆنی ئەنسۆلین كە رێژەی شەكر لە خوێندا رێك دەخات، بۆیە بە مەلەكردن دەتوانن رێگری لە تووشبوون بە نەخۆشی شەكرە بكەن و ئەوانیش كە تووشی شەكرە بوون دەتوانن لە رێی مەلەكردنەوە مەترسییەكانی نەخۆشی شەكرە لە سەر تەندروستیان نەهێڵن.

حەوتەم: رێژەی كۆلیسترۆڵ كەم دەكاتەوە، زۆرێك لە خەڵكی بەدەست كێشەی زۆربوونی رێژەی كۆڵیسترۆل لە نێو خوێن و لەژێر پێستیان دەناڵێنن، ئەمە هۆكارە بۆ تووشبوون بە نەخۆشییە مەترسیدارەكان، بەڵام ئەوانەی بەبەردەوامی مەلە دەكەن، رێژەی كۆلیستڕۆڵ لە جەستەیاندا كەم دەبێتەوە بەشێوەیەكی تەندروستانەو دوور دەبن لە تووشبوون بە هەر نەخۆشییەك كە لە رێگەی زۆربوونی چەوری لە جەستەدا دروست دەبێ، پزیشكان رێنماییمان دەكەن كە كەمكردنەوەی چەوری لەش لە رێی مەلەوە زۆر تەندروستترو باشترە لە رێگەی خۆپارێزی لە نەخواردنی خواردنە چەورەكان.

پەڕەى 1 لەکۆى 5279 پەڕەدا