كوردیو - سلێمانی
بەڕێوەبەری فڕۆكەخانەی نێودەوڵەتی سلێمانی ڕایدەگەیەنێت: بڕیاری هەرزانكرنی نرخی كرێی‌ تەكسی لەنێو فڕۆكەخانەكاندا، فڕۆكەخانەكانی هەرێم ناگرێتەوە.


تاهیر عەبدوڵڵا بەڕێوەبەری فڕۆكەخانەی نێودەوڵەتی سلێمانی بە كوردیوی ڕاگەیاند: بڕیاری هەرزانكرنی نرخی كرێی‌ تەكسی لەنێو فڕۆكەخانەكاندا لەلایەن وەزارەتی گواستنەوەو گەیاندنی عێراقەوە پێمان نەگەیشتوەو تەنها لە ڕاگەیاندنەكانەوە هەواڵەكەمان بیستووە.


هەروەها ووتیشی: ئەگەر ئەو بڕیارە هەبێت هەرێمی كوردستان ناگرێتەوە، چونكە هەر فڕۆكەخانەیەك ڕێكەوتنی لەگەڵ كۆمپانیایەكی گواستنەوەدا هەیەو دەستكاریكردنی ڕێككەوتنەكە پێویستی بە بڕیاری نوێ هەیە.

 

جێگەی ئاماژەبۆكردنە لەئێستادا لەفڕۆكەخانەی نێودەوڵەتی سلێمانی كەمترین نرخی بۆ كرێی تەكسی لەفڕۆكەخانەوە بۆ سنوری شارەوانی سلێمانی نزیكەی  20 هەزار دینارە.

 

 

 

س ب

پێناسی نوێی گومرگی لەدەروازە سنورییەكانی هەرێم و عێراق كەوتە بواری جێبەجێكردنەوە و بەڕێوەبەری گشتی گومرگی هەرێمیش ڕایدەگەیەنێت: یەكەمجارە پێناسی گومرگی هاوبەش لە هەرێمی كوردستان و عیراقدا پەیڕەو بكرێت و لەبەرژەوەندی چینی كەم دەرامەتە.

ئەمڕۆ یەك شەممە، ساماڵ عەبدولڕەحمان بەڕێوەبەری گشتی گومرگی هەرێم لە كۆنفرانسێكی ڕۆژنامەوانیدا ڕایگەیاند: لەئەمڕۆوە 17-2-2019وە دەستكراوە بە جێبەجێكردنی پێناسی نوێی گومرگی لەسەرتاسەری عێراق و هەرێمی كوردستاندا.


هەروەها ئاماژەی بەوەشكرد: لەدیاریكردنی پێناسی گومرگی عێراقدا ئەوەی هەرێمی كوردستان كراوەتە بنچینە و ئەو هەنگاوەش كاریگەری ئەرێنی لەسەر جوڵەی بازرگانی دروست دەكات.


هەروەها ئەوەشی خستەڕوو: یەكەمجارە پێناسی گومرگی هاوبەش لە هەرێمی كوردستان و عێراقدا پەیڕەو بكرێت و پێناسە نوێیەكەی گومرگ لە بەرژەوەندی چینی كەمدەرامەت و مامناوەند داڕێژراوە.


جێگەی ئاماژەبۆكردنە پێشتر دەستەی گشتی گومرگی عێراق ڕایگەیاندبوو: لە ١٧ی ئەم مانگەوە بڕیاری تایبەت بە یەكخستنی پێناسی گومرگی لە نێوان هەرێم و بەغدا دەچێتە بواری جێبەجێكردنەوە.

 

 

 

س ب

یەک شەممە, 17 شوبات 2019 12:59

17 شوبات بۆ؟

نووسراوە لەلایەن:

17 شوبات مێژوویه‌كی لێوان لێو له‌ خه‌باتی مه‌ده‌نی بوو بۆ هاونیشتمانیان و مایه‌ی شكست بوو بۆ ئه‌وانه‌ی به‌ فیشه‌ك وه‌ڵامی خه‌باتێكی مه‌ده‌نییان دایه‌وه‌.
ئه‌و جه‌ماوه‌ره‌ پڕ له‌ جۆش وخرۆشه‌ی كه‌له‌17 شوباتدا هاتنه‌ سه‌رشه‌قام و نوێنه‌رایه‌تی خه‌ڵكی ناڕازی كوردستانیان ده‌كرد له‌به‌رئه‌نجامی ئه‌و هه‌موو نادادپه‌روه‌رییه‌ وده‌وڵه‌مه‌ندبوونی ناڕه‌وا و نه‌بوونی خزمه‌تگوزاریه‌ سه‌ره‌تاییه‌كان و ناڕوونی داهات وپه‌یوه‌ندی ئیقلیمی و نێو ده‌وڵه‌تیه‌كان و دروست نه‌كردنی فرسه‌تی یه‌كسان بۆهه‌لی كار بێ‌ جیاوازی و به‌حیزبی كردنی سه‌رجه‌م كایه‌كان و بێ‌ رۆڵكردنی ده‌زگانیشتمانیه‌كان و بێ‌ پلانی بۆئاینده‌و به‌ڕێوه‌بردنی ووڵات له‌سه‌ر بنه‌مایی پارێزگاركردن له‌به‌رژه‌وه‌ندی تایبه‌تی و حیزبی و بنه‌ماڵه‌ ییه‌كان روویدا ، ئه‌م ده‌سه‌ڵاته‌ سیاسیه‌ گه‌لێك رۆشنبیرو سیاسی و هاونیشتمانی ئاسایی و هه‌ندێك له‌ دۆستانی ده‌ره‌وه‌ش هاواریان لێ‌ كردن كه‌حكومڕانی ئاواناكرێت و ووڵات ئاوا ناچێت به‌ڕێوه‌ به‌ڵام بێ‌ باكانه‌ مامه‌ڵه‌یان كرد 60 ڕۆژ هاوڵاتیانی ناڕازی پڕگه‌روویان دروشمی جۆراو جۆریان به‌رزكرده‌وه‌وچه‌ندین پرۆژه‌یان پێشكه‌ش به‌م ده‌سه‌ڵاتدارانه‌ی هه‌رێم كرد به‌ڵام ئه‌م ده‌سه‌ڵاتدارانه‌ بێ‌ باك بوون تاسه‌رئه‌نجام خۆپیشاندانه‌كان 10 شه‌هیدو 670 برینداری لێكه‌وته‌وه‌، 17ی شوبات توانی شه‌قامێكی زیندوو دوور له‌ئایدۆلۆژی له‌جوڵانه‌وه‌یه‌كی مه‌ده‌نیدا پێشكه‌ش بكات رۆشنبیرێكی رادیكاڵ و مامۆستایه‌كی ئاینی وگه‌نجێكی تازه‌ پێگه‌یشتووچوونه‌ یه‌ك سه‌نگه‌ری خه‌باته‌وه‌ به‌رامبه‌ر ئه‌و سته‌م و نادادپه‌روه‌رییه‌ی ده‌سه‌ڵاتی سیاسی له‌هه‌رێمی كوردستاندا ده‌یكرد.
ئه‌وكات سێ‌ لایه‌نه‌ ئۆپۆسیۆنه‌كه‌هاوكارو داینه‌مۆی سه‌ره‌كی ئه‌م
جو ڵانه‌وه‌یه‌ بوون به‌ڵام له‌ئێستا ته‌نها یه‌كگرتوو وه‌كو هێزێكی
ئۆپۆسیۆنی كاریگه‌ر وه‌فادارانه‌و راستگۆیانه‌ له‌گه‌ڵ ئازاره‌كانی كه‌س و كاری حه‌ڤده‌ی شوبات وداواكارییه‌كانی شه‌قامدا به‌ڕوونی دیاره‌.
ئێمه‌باش ده‌زانین له‌ناخی خه‌ڵكی كوردستاندا چه‌ندین گردبوونه‌وه‌ ی له‌شێوه‌ی 17ی شوباتدا په‌نگی خواردۆته‌وه‌، بۆیه‌ جێی خۆیه‌تی ده‌سه‌ڵاتی سیاسی واز له‌سه‌ركه‌شی و بێ‌ باكی به‌رامبه‌ر به‌داخوازییه‌كانی شه‌قام بهێنێ‌ وببێ به‌خزمه‌تكارێكی راسته‌قینه‌ی هاوڵاتیان چونكه‌ئێستابارودۆخه‌كه‌ بۆكورد به‌گشتی كه‌لێك هه‌ستیاره‌و پێویستی به‌ئاشت بوونه‌وه‌ی گشتی هه‌یه‌ تابه‌هۆی سه‌ركه‌شی ده‌سه‌ڵاتی سیاسیه‌وه‌ كه‌له‌ڕابردوودا له‌پێناو به‌رژه‌وه‌ندی ته‌سكی خیزبایه‌تی و بنه‌ماڵه‌یی و كه‌سی ده‌یان ده‌سكه‌وتیان له‌ده‌ستداوه‌ ئه‌م فرسه‌ته‌ش كه‌ئێستا هاتۆته‌پێشه‌وه‌ گه‌ربه‌عه‌قڵی رابردوو مامه‌ڵه‌ی له‌گه‌ڵدا بكرێت هه‌رهه‌مان به‌رئه‌نجامی لێ‌ ده‌كه‌وێته‌وه‌ ئه‌م گه‌له‌ قوربانی گه‌وره‌ی داوه‌ خاوه‌نی ئه‌نفال وكیماباران و كۆڕه‌وه‌، شایه‌نی ئه‌م ژیانه‌نییه‌ كه‌له‌لایه‌ن ده‌سه‌ڵاتی سیاسیه‌وه‌ به‌سه‌ریدا سه‌پێنراوه‌.
جارێكی تر سڵاو ڕێزو وه‌فامان هه‌یه‌ به‌رامبه‌ر بنه‌ماڵه‌ی سه‌ربه‌رزی شه‌هیدانی 17ی شوبات و به‌شداربوانی ئه‌و بزووتنه‌وه‌ عه‌داله‌خوازه‌كۆمه‌ڵایه‌تیه‌ گرنگه‌ی مێژووی گه‌له‌كه‌مان

 

سەرۆكی یەكەم دانیشتنی خولی پێنجەمی پەرلەمانی كوردستان ڕایدەگەیەنێت: سبەی دووشەممە پەرلەمانی كوردستان بۆ تەواوكردنی بڕگەكانی بەرنامەی كاری دانیشتنی دەسپێكیساڵی یەكەم كۆ دەبێتەوە.

 

سەرۆكی یەكەم دانیشتنی خولی پێنجەمی پەرلەمانی كوردستان لە ڕاگەیەندراوێكدا كەوێنەیەكی دەست كوردیو كەوتوە، ڕایگەیاند:" سەرۆكی یەكەم دانیشتنی پەرلەمانی كوردستان، بانگهێشتی گشت ئەندامانی پەرلەمان دەكات بۆ ئامادەبوون بۆ تەواوكردنی بڕگەكانی بەرنامەی كاری دانیشتنی (دەسپێك)ی، ساڵی یەكەم لە خولی هەڵبژاردنی پێنجەمی پەرلەمانی كوردستان-عێراق".


هەروەها ئاماژەی بەوەشكرد: دانیشتنەكە لە كاتژمێر 11ی پێشنیوەڕۆی ڕۆژی دووشەممە ڕێكەوتی 18/2/2019، دەبێت.

 

 

 

س ب

یەک شەممە, 17 شوبات 2019 12:32

لەحكومەت بوون،لە عەیبەوە بۆ دەستكەوت!

نووسراوە لەلایەن:

سۆران هەستیار
هەرێمی كوردستان لە ماوەی 3 دەیەی رابردوودا،بارتەقای سەد ساڵی وڵاتێكی ئاسایی و یاسایی قۆناغی جیاجیای بە خۆیەوە بینیوە و، شتی سەیر و سەمەرەی تیا رووداوە.
وەك ئەوەی لەیەك رۆژدا سێ‌ قایمقام لەیەك شاردا گۆڕاوە،وەك ئەوەی سەردەمێك هاتووچۆ لە نێوان دوو شاردا زۆر زەحمەت تر بوو لە هاتوچۆی نێوان دوو وڵاتی ئەوروپا! وەك ئەوەی زەمەنێك بۆ چونە بازاڕیش كڵاشینكۆف و دەمانچە بەشێك بوون لە خۆ رازاندوە و چوونە ناو خەڵك! وەك ئەوەی رۆژگارێك باو باوی دامەزراندبوو، تا وای لێهات لە فەرمانگە حكومیەكان وەك قوتابخانەكان، 3 كارمەند لەدەوری یەك مێز دادەنیشتن! ئیتر كوردستانە و سەیر و سەمەكانی تەواو نابن.
بە هامەن شێوە لە زستانی 2018 كوڕ ئەو كوڕە بوو زوو واز لە حكومەت بێنێ‌، خۆی بێ‌ بەری كات لە دەسەڵات،ئازا ئەو كەسە بوو كەس پێشی نەكەوێت و یەكەم بێت لە واز هێنان لە حكومەت.
بەڵام ئەمڕۆ دوای سەد ساڵ نا، تەنها دوای یەك ساڵ چونە حكومەت و پێكهاتنی سیاسی و رێككەوتنامەی دوو قۆڵی و، یەك دەنگی و یەك ریزی ئەمری خوایە و لە بەرژەوەندی عیباد و بیلادە!
دوێنی فیكە و هوتاف كێشان بوون، لە دژی ئەو كەسەی مەرحەبای دەسەڵاتی كردبوو،ئەمڕۆ چەپڵەلێدانە بۆ ئەو دەسكەتە مەزنە!!!،دوێنی حەرام بوو سڵاو لە دەسەڵات بكەی،ئەمڕۆ واجبێكی شەرعیە،دوێنێ‌ دانیشتن لەگەڵ حكومەت عەیبەیەكی گەورەبوو،ئەمڕۆ شاكارێكی مەزنە!
دوێنی گفتوگۆی سیاسی خۆفرۆشی بوو،ئەمڕ گەورەیی و مەردایەتییە!دوێنی دەسەڵات تەنانەتە ناوبردنیشی فەزاحەت بوو،ئەمڕ ناوبردنی جێگای شانازییە،!
دوێنێ‌ مەعارەز بوون واتای لەبەرەی خەڵك بوون بوو،ئەمڕۆ مەعارەزە بوون هیچ پێویست نیە و هەڵبژاردن بۆ چونە دەسەڵاتە!، دوێنی ئیصلاح بە دەم و چاوە تەقلیدی و نەخوێندەوارەكان نەدەكرا،ئەمڕۆ هەمان ئەو دەم و چاوانە حیكمەتیان لێ‌ ئەباری.
بەڵام قەینا دنیا هەر وایە، ئەوە نییە ئەم ساڵ بەقەد 50 ساڵی رابردوو باران باریوە! ئەوەنییە ئێستا لە كەركوك جلی كوردیش لەبەرئەكەی و كەسیش ناتگرێ‌!، ئەوە نییە ئێستا یەك تەعریفەی گورمرگیمان هەیە،ئەوەنییە ئێستا شیمالی عێراق، بۆتەوە بە ئیقلیمی كوردستان،كەواتە زۆر بیری لێ‌ مەكەنەوە، هەر چی وتیان بڵێن ئێرە كوردستانە...


بەڕێوەبەرایەتی هاتوچۆی پارێزگای سلێمانی ڕایدەگەیەنێت: لە ئەمڕۆ یەكشەمەوە بڕیاری قەدەغەكردنی وەستانی ئۆتۆمبێل لەبەشی چەپی شەقامی بازنەیی مەلیك مەحمود جێبەجێدەكرێت.


بەڕێوەبەرایەتی هاتوچۆی پارێزگای سلێمانی لە ئاگاداری نامەیەكدا كە ئاڕاستەی شۆفێرانی كردووە،رایگەیاند:" هاتوچۆی پارێزگای سلێمانی شۆفێران ئاگاداردەكاتەوە، لەئەمڕۆ یەكشەمە 17-2-2019ەوە، بڕیاری قەدەغەكردنی وەستانی ئۆتۆمبێل لەبەشی چەپی شەقامی بازنەیی مەلیك مەحمود (60 مەتری) جێبەجێدەكرێت".


هەروەها ئاماژەی بەوەشكرد: بەبەردەوامی تیمەكانی هاتوچۆ بوونیان هەیەو هەر شۆفێرێك سەرپێچی بكات، راستەوخۆ سزای لەسەر تۆماردەكرێت.

 

 

س ب

 


ئەمڕۆ یەك شەممە لە گردی سەیوانی شاری سلێمانی مەراسیمی یادی شەهیدانی ١٧ی شوبات بەڕێوەچوو تیایدا باوكی یەكێك لە شەهیدەكان ڕایگەیاند: دەسەڵاتی ئێستا هەمان ئەو دەسەڵاتەیە كە شەقامی 17ی شوباتی سوور كرد.


وەك بڕیار بوو ئەمڕۆ یەك شەممە لە گردی سەیوانی شاری سلێمانی مەراسیمی یادی شەهیدانی ١٧ی شوبات بەڕێوچوو كە تیایدا كەس و كاری شەهیدان و ژمارەیەك لە هاوڵاتیان ئامادەی بوون، لەو مەراسیمەدا باوكی شەهید ڕێژوان ڕایگەیاند: ئەو هێزانەی دوێنێ پاڵپشتی شەقام بوون ئێستا پێشبڕكێی چوونە دەسەڵاتیانەو سەرقاڵی لەتكردنی كێیك دەسەڵاتن و ئەو دەسەڵاتەی ئێستا هەرێم بەڕێوەدەبات هەمان دەسەڵاتە كە شەقامی 17ی شوبات و ڕۆژانی دوایی سوور كرد.

 

هەروەها ووتیشی: دەسەڵات سورە لەسەر زەوتكردنی مافەكان و ئازادی ڕادەربڕین و دەسەڵات جگە لە خۆدزینەوە هیچی دیكەی نیەو كەیسی شەهید رێژوانیش ڕەوانەی دادگای هەولێر كراوە و لەوێ كەیسەكەی داخراوە.



جێگەی ئاماژەبۆكردنە لە 17ی شوباتی ساڵی 2011‌و ڕۆژانی دوایی زنجیرەیەك خۆپیشاندان ‌و ناڕەزایی دژ بەنەبونی خزمەتگوزاریی لە سلێمانی ‌و قەزاكانی دەوروبەری بەڕێوەچوو كە نزیكەی سێ مانگ بەردەوام بوو، بەهۆیەوە 10 كەس شەهیدبوون و دەیانی دیكەش برینداركران.

 

 


س ب

 

دوێنێ لە بەغدای پایتەختی عێراق ، هەڵبژاردنەكانی مەكتەبی تەنفیزی لێژنەی ئۆڵۆمپی عێراقی بەرێوەچوو".

لە ئەنجامی هەڵبژاردنەكان رەعەد حەمودی سەرۆكی پێشووی لێژنەكە بۆ هەمان پۆست خۆی كاندید كرد و بۆ خولێكی دیكە بەسەرۆكی لیژنەی ئۆڵۆمپی عێراقی هەڵبژێردرایەوە".

هەریەكە لە فەلاح حەسەن بەجێگری یەكەم و عەبدولوەهاب ئەلتائی بەجێگری دووەم هەڵبژێردران ، حەیدەر حوسێنیش بووە ئەمینداری گشتی لیژنەكە ، سەرمەند عەبدولئیلاه بووە ئەمینداری دارایی".


رێكان عزیز

 

جیرارد پیكێ ئیسپانی و بەرگریكاری یانەی بەرشلۆنە دڵتەنگی و بێزاری خۆی بەرامبەر ئاستی یاریزانانی تیپەكەی دووپات كردەوە كە دوێنێ بەرامبەر بەلەد وەلید پێشكەشیان كرد".

پیكێ لە لێدوانێكیدا بۆ رۆژنامەی ماركا وتی : " ئێمە زۆر خراپ بەدیار كەوتین ، ئەو بەرشلۆنەیە نەبووین كە دەمانویست ، بەڵام باشترین شت لەیارییەكە بردنەوەبوو".

ئەو دەڵێت : " لەسەرمان پێویستە بەشێوەیەكی باش بەدیار بكەوین بەرامبەر لیۆن ، خۆمان بەدووربگرین لەهەر ئەنجامێكی چاوەرواننەكراو ، نامانەوێت ئەركی خۆمان قورس بكەین".


رێكان عزیز

پەڕەى 1 لەکۆى 4827 پەڕەدا