ئۆبامیانگ : ئەوەی لەبارەی منەوە دەوترێت راست نییە

شەممە, 12 ئازار 2016 09:12

 

بێر ئۆبامیانگی گابۆنی و هێرشبەری یانەی بوروسیا دۆرتمۆندی ئەڵمانی رەتیدەكاتەوە لەئێستادا بیر لە رۆیشتن لە یانەی زەردپۆشەكان بكاتەوە ، وەك ئەوەی راگەیاندنەكان باسی دەكەن".

ئۆبامیانگ لەمیانی لێدوانێكیدا بۆ رۆژنامەنوسان ووتی : " ئەوەی راگەیاندنەكان باسی دەكەن گوایە من نیازم هەیە ریزی یانەی بوروسیا دۆرتمۆند جێدەهێڵم راست نییە".

یاریزانە گابۆنییەكە ووتیشی : " هیچ بۆندێك لەلایەن یانەكانی تۆتنهام و و ریال مەدریدەوە پێشكەشی من نەكراوە ، ئەوەی راگەیاندنەكان باسی دەكەن راست نییە".

ئۆبامیانگ ووتی : " من لەئێستادا تەنها بیر لە نازناوەكانی ئەم وەرزە دەكەمەوە ، دەمەوێت یارمەتی هاورێیەكانم بدەم ، كاتی ئەوەم نییە بیر لە پروپاگەندەی راگەیاندنەكان بكەمەوە".