داودئۆغڵو : توركیا دەوڵەتێكی دیموكراسیی یاساییە

27/02/2016 - 12:06 بڵاوکراوەتەوە لە هەواڵەكان

سەرۆكوەزیرانی توركیا ئەحمەد داودئۆغڵو وتی: "لە ھیچ شوێنێكی جیھان لە ھیچ وڵاتێكی دیموكراتی پرسە بۆ دڕندەیەك دانانرێت كە كاری تیرۆریستی ئەنجام دابێت. ھاوكات پەرلەمانتارانی ئەو ناوچەیەش بۆ ئەو پرسەیە ناچن. ئەمە نموونەی نییە. كەس ناتوانێت ئەمە بە راست و یاسایی نیشان بدات".

لەبارەی مشتومڕەكان لەسەر هەڵگرتنی حەسانەی سەر پەرلەمانتارانی هەدەپەوە پرسیار ئاراستەی داودئۆغڵو كرا و لەوەڵامدا رایگەیاند، حەسانە بۆ ئەوە دانراوە هیچ فشارێك لەسەر سیاسەت دروست نەبیت.

داودئۆغڵو ئاماژەی بەوەدا كاتێك پەرلەمانتارێك لە پەرلەمان قسە دەكات، پێویستە هەست بە هیچ فشارێك نەكات و بۆچوونی خۆی راگەیەنێت بێ ئەوەی هیچ كەس فشاری لێبكات.

داودئۆغڵو وتی: "ئەگەر تاوانێك ئەنجامدرابێت و تاوانەكە گەیشتبێتە هەماهەنگی كردن لەگەڵ رێكخراوی تیرۆرستی و هاندان بۆ تیرۆر، هیچ كەس ناتوانێك خۆی لەپشت قەڵغانی حەسانەدا بشارێتەوە و تاوانەكەی پەردەپۆش بكات. هەر پەرلەمانتارێك لە هەر پارتێك بێت، رێگەری لێبگیرێت بۆچوونی خۆی رابگەیەنیت، ئێمە پاڵپشتیی دەكەین. هەر بۆچوونێكی هەیە با رایگەیەنێت، پەرلەمان شوێنێكە هەموو بابەتێكی تێدا تاوتوێ بكرێت بەناوی گەلەوە. ئەوەش حەسانەیە. بەڵام لە دەرەوەی پەرلەمان، هەركەسێك هەماهەنگی لەگەڵ تیرۆریستان بكات، بەشداری لە بۆنەیەكی وەك پرسەی تیرۆریستێكی دڕندەدا بكات كە 28 كەسی كوشتووە و تەنانەت تەرمەكانیان بەجۆرێك بوون نەتوانراوە پیشانی كەسوكاریان بدرێت، ئەوە لایەنێكی نییە حەسانە بیگرێتەوە. هیچ كەس ناتوانێت پەنا بۆ قەڵغانی حەسانە ببات و تاوان ئەنجام بدات. هیچ كەس ناتوانێت كارێك ئەنجام بدات بۆ شەرعیەتدان بە كاری تیرۆریستان."

داودئۆغڵو جەختی كردەوە كە توركیا دەوڵەتێكی دیموكراسیی یاساییە و رێكاری یاسایی ئەو بابەتە دەگرێتەبەر.

داودئۆغڵو وتی: "لە ھیچ شوێنێكی جیھان لە ھیچ وڵاتێكی دیموكراتی پرسە بۆ دڕندەیەك دانانرێت كە كاری تیرۆریستی ئەنجام دابێت. ھاوكات پەرلەمانتارانی ئەو ناوچەیەش بۆ ئەو پرسەیە ناچن. ئەمە نموونەی نییە. كەس ناتوانێت ئەمە بە راست و یاسایی نیشان بدات. "