پارتی بۆ كۆمەڵ : خێرمان پێ‌ كردوون

15/04/2016 - 14:52 بڵاوکراوەتەوە لە هەواڵەكان

 

فراكسیۆنی پارتی لەپەرلەمانی كوردستان هێرش دەكاتە سەر سكرتێری پەرلەمانی كوردستان و پێشی وایە ئەوان خێریان پێی كردووە.

(موحەمەد عەلی یاسین) ووتەبێژی فراكسیۆنی پارتی بۆ ماڵپەری حزبەكەی دەڵێت، خێرێكیان لەگەڵ (فەخرەددین قادر) دا كرد بۆ ئەوەی ببێت بە سكرتێری پەرلەمان، ئەگەر نا بە شەش كورسی حزبەكەی لە خەونیشدا ئەو پۆستەی نەدەبینی.
پێشتر (فەخرەددین قادر) سكرتێری پەرلەمان لە دیمانەیەكیدا رایگەیاندبوو، مامەڵەكردنی فراكسیۆنی پارتی لەگەڵ فراكسیۆنەكانی تردا باس دەكات و پێی وایە قووڵبوونەوەی نەفەسی حزبی لای پەرلەمانتارانی فراكسیۆنی زەرد بە هۆكارێك لە بەو دەردەبردنی پەرلەمان بووە.
ووتەبێژی فراكسیۆنی پارتی باسیش لەوەدەكات، (فەخرەددین قادر) زیاتر لەوەی كە كاری سكرتێری پەرلەمان بكات، وەكو پەیامنێرێكی كەناڵەكانی میدیایی دەردەكەوت، ئێستاش نایەوێت واز بێنێت، ئاماژە بەوەشدەكات لە كاتێكدا كە هێشتا تەواوی مووچەو نەسرییەكەی وەكو سكرتێری پەرلەمان وەردەگرێت، كەچی تەنیا ئەو یەك رۆژەی كە مووچەو نەسریە دابەش دەكرێ دێ بۆ دەوام.

 

ئـ . كـ