داعش ئەوكەسانەی یادی نەورۆز دەكەنەوە سزا دەدات

21/03/2016 - 16:28 بڵاوکراوەتەوە لە هەواڵەكان

كوردیو -

رێكخراوی تیرۆریستی داعش لە ناوچەكانی ژێر دەسەڵاتی خۆی، سزای ئەو كەسانە دەدات كە بەبۆنەی جەژنی نەورۆزەوە ئاهەنگ دەگێڕن و ئەم یادە دەكەنەوە .

رێكخراوی تیرۆریستی داعش ئەو كەسانە سزا دەدات كە ئاهەنگ دەگێرن بەبۆنەی نەورۆزەوە بە 20 جەڵدە .

جەبار مەعموری سەركردە لە هێزەكانی حەشدی شەعبی رایگەیاند: "رێكخراوی تیرۆریستی داعش، رێگە لە ئاهەنگی جەژنی بەهار و نەورۆز دەگرێت و بیانوشی بۆ ئەو رێگرییە ئەوەیە كە لەگەڵ بنەما فكرییەكانی رێكخراوەكەدا یەكناگرێتەوە، بۆ ئەو مەبەستەش بە 20 جەڵدە سزای ئەوانە دەدات كە ئاهەنگ بەو بۆنەیەوە دەگێڕن".

ناوبراو ئاماژەی بەوەشدا : "داعش، رێگری لە هەموو شێوازەكانی ئاهەنگگێڕان كردووە لەو ناوچانەی دەكەونە ژێر دەسەڵاتی رێكخراوەكە، بۆ ئەو مەبەستەش پۆلیسی ئیسلامی بۆ چاودێری جێبەجێكردنی بڕیارەكەی داناوە".

هـ ن