یەكێتی و كۆمەڵ لە دانیشتنی 19ی ئابی پەرلەمان پەشیمانن و بە هەڵەی دەزانن

21/03/2016 - 16:39 بڵاوکراوەتەوە لە هەواڵەكان

كوردیو -
سپی میدیا ئاشكرای دەكات كە هەردوو سەرۆكی فراكسیۆنی كۆمەڵی ئیسلامی و یەكێتی نیشتیمانی پەشیمانی خۆیان لە بەشداری كردن لە دانیشتنی 19ی ئابی پەرلەمان دەربڕیوە و بە هەڵەیەكی گەورەیان زانیوە.

بە گوێرەی زانیاریەكانی ئەو سەرچاوەیە " ڕۆژی ٣/٨ سەرۆكی فراكسیۆنەكانی پەرلەمانی كوردستان لە بینای پەرلەمان بە مەبەستی ئەنجامدانی مانگرتن كۆبوونەوە، لەو كۆبوونەوەیەدا سەرۆكی فراكسیۆنی یەكێتی، بێگەرد تاڵەبانی و سەرۆكی فراكسیۆنی كۆمەڵ مەلا مەروان بەشداریكردنی فراكسیۆنەكانیان لە كۆبوونەوەكەی ١٩ی ئابدا بە كارێكی هەڵە ناوزەند كردووە".

هەروەك هاتووە "لەو كۆبوونەوەیەدا بێگەرد تاڵەبانی و مەلا مەروان ئاماژەیان بەوە كردووە دەبوایە ئەو كۆبوونەوەیە ئەنجام نەدرایە بەتایبەتی كە لایەنە سیاسییەكان بە ئامادەبوونی نوێنەرانی ئەمەریكا و بەڕیتانیا و چەند وڵاتێكی تر ڕێككەوتبوون كە ئەو كۆبوونەوەیە دوابخرێت"

هـ ن