داعش تەقینەوەی تێداكردو بەلجیكاش بەم شێوەیەیە لەگەڵ مسوڵمانان

25/03/2016 - 17:25 بڵاوکراوەتەوە لە هەواڵەكان
ئەگەرچی داعش لەكردەوە تیرۆرستیەكانی بەردەوامەو راپۆرتە هەواڵگریەكانیش باس لەوە دەكەن كە زیاتر لە 400 كەس وەك خۆكوژ لە ئەوروپا ئامادەن و ئەندامی داعش ، بەڵام یەكێك لەو وڵاتانەی كە هەفتەی رابردوو چەند تەقینەوەیەكی لێ روویدا چەندین مافی بە مسوڵمانان داوە . لە بەلجیكا مسوڵمانان چەندین مافیان پێ دراوەو پارە بۆ مزگەوت و بۆنە ئایینیەكان تەرخان كراوەو پەرلەمانتاریشیان هەیە . ژمارەی مسوڵمانان لە بەلجیكا زیاتر لە 900 هەزار كەسن كە دەكاتە 7% دانیشتوانی ئەو وڵاتە بەهۆی ئەوەی رێژەی دانیشتوان لە بەلجیكا 11 ملیۆن كەسە . بەلجیكا لە ساڵی 1974ەوە ئایینی پیرۆزی ئیسلامی وەك ئایینی فەرمی ناساندوەو هەریەكە لە جەژنەكانی رەمەزان و قوربانیش پشووی فەرمین . لە تەواوی وڵاتەكەش 380 مزگەوت بوونی هەیەو مزگەوتەكانیش لەلایەن حكومەتەوە بەفەرمی ناسێندراون . لە قوتابخانەكانیش وانەی ئایینی پیرۆزی ئیسلام لەهەفتەیەكدا دوو كاتژمێر دەخوێندرێت و مسوڵمانانیش مافی درووستكردنی قوتابخانەیان هەیە .