لەسەر مسوڵمانان ژنە پێشكەشكارێكی BBC سیاسەتمەدارێكی بۆرما شەرمەزار دەكات

25/03/2016 - 17:55 بڵاوکراوەتەوە لە هەواڵەكان

لەناو بەرنامەیەكی راستەوخۆی بی بی سی پێكەشكارێك رەخنەی توند لە سیاسەتمەدارێكی بۆرما دەگرێت بەرامبەر بە كۆمەڵكوژیەكانی ئەو وڵاتە بەرامبەر بە مسوڵمانان و بەو هۆی قبوڵنەكردنی سیاسەتمەدارەكەی بۆرماوەش بەرنامەكە ئاڵۆزی تێدەكەوێت و دەوەستێت .

ماڵپەری دەیلی مەیڵی بەریتانی بڵاوی كردۆتەوە كە ئەمرۆ هەینی 25/3/2016 ئانگ سان سو كی، سیاتمەداری بۆرما (میانمار) كە سەرۆكی ڕایەڵەی نیشتمانی میانمارە بۆ دیموكراسی بەشداری لە بەرنامەیەكی كەناڵی بی بی سی كردو لەگەڵ مێشال حوسێنی، پێشكەشكاری بەرنامەكە بوو بەشەڕیان .

مێشال حوسێن، پێشكەشكاری بەرنامەكەی ‌بی بی سی رەخنەی ئاراستەی ئانگ سان سو كی كرد لەوەی وڵاتەكەی كە بۆرمایە كۆمەڵكوژی بەرامبەر بە موسوڵمانان ئەنجامداوەو ئەو سیاسەتمەدارەش هەڵوێستی نەبوەو پرسیاری ئەوەی لێكرد كە ئایە ئیدانەی كۆمەڵكوژیەكەی دەسەڵاتدارانی بۆرما بەرامبەر بە ‌‌جینۆسایدی موسوڵمانەكانی بۆرما دەكات یان نا بەڵام سیاسەتمەدارەكە ‌ڕەتیكردەوە ئیدانەی بكات .
لەدرێژەی پرسیارەكانی پێشكەشكارەكە لەسەر كۆمەڵكوژیەكانی بۆرما بەرامبەر بە مسوڵمانان دواجار ‌‌سیاسەتمەدارەكەی بۆرما كۆنترۆڵی خۆی لەدەستداو داوای كرد ‌‌‌پەخشی بەرنامەكە بوەستێندرێت و ووتی: پێش بەرنامەكە پێم نەوتراوە كە مسوڵمانێك چاوپێكەوتنم لەگەڵدا ئەنجام دەدات .

سەرۆكی ڕایەڵەی نیشتمانی میانمار بۆ دیموكراسی پێشتر خەڵاتی ئاشتی نۆبڵی بەدەست هێناوە لەسەر ئەوەی ‌‌‌‌‌‌ماوەی 15 ساڵ لە میانمار (بۆرما) لە ماڵی خۆی دەست بەسەر كراوە .

میدیا جیهانیەكانیش لەسەر ئەم هەڵوێستەی ئەمرۆی هاتونەتە دەنگ و پێچەوانەو دژیەكی دەبینن بەرامبەر بە هەڵوێستی لەسەر كۆمەڵكوژی مسوڵمانەكانی بۆرماو پێدانی خەڵاتەكە بەناوبراو .


جێی باسە مسوڵمانان لە بۆرما بە هیچ شێوەیەك مافی سیاسی و ئایینی و كلتوورییان پێ نادرێت و لەلایەن بوزیەكانەوە كۆمەڵكوژی دەكرێن .