چەند ڕێنماییەك تایبەت بە شۆفێران

27/03/2016 - 09:42 بڵاوکراوەتەوە لە هەواڵەكان

كوردیو - گەرمیان
وتەبێژی هاتوچۆی گەرمیان چەند ڕێنماییەكی تایبەت بەكەش و هەوای باراناویدا بڵاو كردەوە كە داوا لە شۆفێران دەكات بۆ سەلامەتی خۆیان ڕێنماییەكان جێبەجێ بەكەن.
كارزان مەجید وتەبێژی هاتوچۆی گەرمیان لەلاپەڕەی خۆی لە تۆڕی كۆمەڵایەتی فەیسبوك نوسیویەتی: پێویستە هەر یەك لەم پارچانە لە ئوتومبیلەكەتدا هەبن   ئاگركوژێنەوە، سێگۆشەی فسفۆر،پێویستییەكانی فریاگوزاری سەرەتایی، جەگ، لایتی دەستی، تایەی سپێر كە پێویستە ئامادەبێت بۆ بەكارهێنان.
هەروەها نوسیویەتی: پێویستە بە خێراییەكی كەم لێبخوڕیت و پابەند بە بەسەرجەم ڕێنماییەكانی هاتوچۆ، هەروەها مافی پیادەكان بدە و هاوكارییان بكە لە پەڕینەوەی شەقامەكان و پێش دەستكردن بە ڕۆشتن دڵنیا بكەرەوە لە ( فڵچەكان، ئاو و ڕۆن، برێك، لایت، ،تایەكان .
س.ب