سه‌نغافوره‌ ئه‌مساڵیش یه‌كه‌م بوو

27/03/2016 - 09:56 بڵاوکراوەتەوە لە هەواڵەكان

بۆ ساڵی سێهەم  لەسەر یەك سەنغافورە گرانبەهاترین شارە لەسەر ئاستی جیهانی و بەپێش هەرێمی هۆنگ كۆنگی چینی و زیوریخ و جەنێیڤ و پاریس دەكەوێت.

بەپێی توێژینەوەیەكی گۆڤاری ئیكۆنۆمیست ئەنتڵیجنس یونیت، ” شاری لەندەن لەو ریزبەندییەی ئامادەیان كردووە بەپلەی شەشەم هاتووەو بەپێش نیویۆرك و لۆس ئەنجلیس دەكەوێت، كەهەردوو شارە ئەمەریكییەكە لەلیستی گرانبەهاترین شاری جیهانن”، هۆكارەكەشی بۆ بەرزبوونەوەی بەهای دۆلارە بەرامبەر دراوە بیانیەكانی دیكەی جیهان.

ئەوەی نیویۆركی ئەمەریكا بەدەستی هێناوە بەبەراورد لەگەڵ 2002 بەرزترین ئاستەو لەدوای ساڵی 2011 شەوە  42 پلە پێشكەوتووەو پاریسی پایتەختی فەرەنساش بەپلەی پێنجەم دیت و تاكە شارێكی ناوچەی یۆرۆیە لەنێو گرانبەهاترین 10 شاری جیهانی.

هاوكات كۆپنهاگنی پایتەختی دانیمارك و سیئول پایتەختی كۆریای باشوور و ویلایەتی لۆس ئەنجلیسی ئەمەریكا بەیەكسانی پلەی هەشتەمیان كۆنترۆڵكرد.

گۆڤارە ئابوورییەكە جەخت لەوەش دەكاتەوە ” شارە ئەوروپیەكان بەهۆی دابەزینی نرخی ئاڵوگۆری دراوی یۆرۆ، لەنێو ریزبەندەكە پاشەكشێیان كردووەو لەنێو ئەو لیستەشدا شارە ئاسیاییەكانن وەك تۆكیۆی پایتەختی ژاپۆن كەپلەی 11 مینی تۆماركردو ئەوساكای ئەو وڵاتە پلەی 14 مین بووە.

یەكێك لەهۆكارەكانی دابەزینی ئەو شارە ژاپۆنیە بۆ بەرزبوونەوەی هەڵاساون و دابەزینی بەهای دراوی یەنە.

لەبەرامبەریشدا سێ شاری ئاسیایی گرانبەهاترین 10 شاری جیهانیان تۆماركردووە كەئەوانیش بریتی بوون لە “سەنغافورە، هۆنگ كۆنگ و سیئۆل”.

دەشڵێت ” ئەو شارە ئاسیاییانە لەرووی كاڵای بەكاربردنەوە گرانبەهاترین نرخیان هەیەو خزمەتگوزارییەكانی دیكەش بەبەراورد لەگەڵ شارە ئەوروپیەكان گرانبەیەكی بەرچاوی تۆماركردووە”.

س/ داركۆ