بۆ دایكانی دوو گیان، چەرەزات بخۆن

30/03/2016 - 10:41 بڵاوکراوەتەوە لە هەواڵەكان

 

بەپێی لێكۆڵینەوەیەكی نوێ‌ دەركەوتووە، ئافرەتی سك پڕ پێویستە پارێزگاری لەكۆرپەلەكەی بكات لەهەستەوەری بەخواردنی چەرەزات.
دوای لەدایك بوونی، منداڵ ناتوانێت هەموو جۆرە خواردنێك بخوات و رەنگە هەستەوەری پێی هەبێت، بەڵام ئەگەر دایكەكە لەكاتی سك پڕیدا چەرەزات بخوات ئەوا بەرگری جەستەی منداڵەكە بەرز دەبێتەوە.
پسپۆرانی ئەمریكی لێكۆڵینەوەیەكیان لەسەر هەشت هەزار منداڵ و دایكەكەیان ئەنجامداوەو گەیشتوونەتە ئەو ئەنجامەی كەئەگەر دایكەكەیان لەكاتی سك پڕیدا چەرەزاتی خواردبێت ئەوا یەك لەسەر سێی منداڵەكان كەمتر تووشی هەستەوەری هاتوون بەبەراورد لەگەڵ ئەو منداڵانەی كەدایكیان چەرەزاتی نەخواردووە.
لەلایەن خۆیەوە (ئادەم فۆكس) پسپۆری پزیشكی منداڵان لەدەستەی خزمەتگوزاری تەندروستی بەریتانی رایگەیاندووە، توێژینەوەكە ئەنجامێكی یەكلایی كەرەوەی بەدەستەوە نەداوە، چونكە مەسەلەی هەستەوەری لەدوای لەدایك بوون دەردەكەوێت.
 

 

ئـ . كـ