وەزیرێكی فەرەنسا بەتووندی هێرش دەكاتە سەر حیجاب

01/04/2016 - 06:35 بڵاوکراوەتەوە لە هەواڵەكان

 

وەزیری مافی مرۆڤی فەرەنسا بەتووندی هێرش دەكاتە سەر جلی باڵاپۆشتی ئافرەتە موسڵمانەكان و بەكۆیلە ناویان دەبات.
(لۆرانس رۆزینیۆ) وەزیری مافی مرۆڤی فەرەنسا بۆ كەناڵی تەلەفزیۆنی (بی ئێف ئێم) بەتووندی هێرشی كردۆتە سەر ئافرەتانی باڵاپۆش و بەكۆیلە ناوی بردوون، ئەوەش نیگەرانی لێكەوتۆتەوە.
لەتۆڕەكانی ئینتەرنێت لێدوانەكەی وەزیرەكەی حكومەتی فەرەنسا نیگەرانییەكی زۆری بەدوای خۆیدا هێناوە.
هەروەها رۆزینیۆ ئافرەتانی باڵاپۆشی بەكۆیلەو تووندڕەو ناوبردووەو ئاماژەی بەوەشكردووە، ئەو جۆرە ئافرەتانە بەرگری لە ئیسلامی سیاسی دەكەن.
لەلایەن خۆشیەوە (عەبدولڵا زیكری) سەرۆكی ناوەندی نیشتمانی بۆ بنەبڕكردنی ترس لەئیسلام بۆ رۆژنامەی لۆمۆند رایگەیاندووە، ئەوان نیگەرانن لەم جۆرە لێدوانانە كە خزمەت بەپێكەوە ژیان ناكات.
 

 

ئـ . كـ