گەندەڵییەكی گەورە ئاشكرا دەكرێت

01/04/2016 - 06:42 بڵاوکراوەتەوە لە هەواڵەكان

 

 

بەپێی راپۆرتێكی دوو ناوەندی جیهانی، دەركەوتووە كەرتی نەوت و ووزەی عێراقی گەندەڵییەكی زۆری تێدا ئەنجامدراوە.
هەریەكە لەپێگەكانی (ڤێرڤاكس میدیاو هاڤینگتۆن پۆست) بڵاویان كردۆتەوە، چەند كەسێك لەنێو دەسەڵاتدارانی عێراق دەستیان هەیە لەگەندەڵی نێو كەرتی ووزە، بەتایبەتی ناوی (حوسێن شەهرستانی) یەكێك لەنزیكەكانی (نوری مالیكی) سەرۆك وەزیرانی پێشوو لەكەرتی ووزە هاتووە.
بەپێی راپۆرتی ئەو سەرچاوانە ناوی هەریەكە لە (عەبدولكەریم لعێبی و زیائـ جەعفەر موسەوی و كیفاح نەعمان و تامر غەزبان و عودەی قرشی) هاتووە.
هاوكات ناوی (باسل جەراح) ێك هاتووە كە گوایە ئەڵقەی هەماهەنگی كردنی نێوان بەرپرسانی عێراقی و كۆمپانیای (ئۆنا ئۆویل) بووە كە خاوەنەكەی كەسێكی ئێرانی بووە بەناوی (ئیحسانی عەتا) و بارەگاكەی لە مۆناكۆ بووە.
لەگرێبەستەكانی نێوان جەراح و كۆمپانیاكان ملیۆنەها دۆلار گەندەڵی كراوەو دزراوە بەتایبەتی لەنێوان ساڵانی (2005 – 2014).
هەروەها باس لەوەكراوە، كاتێك حكومەتی بەغدا گرێبەستێكی لەگەڵ كۆمپانیای (هیوندای) كردووە، كۆمپانیاییەكی ئێرانی بڕی حەوت ملیۆن دۆلاری داوە بەو كۆمپانیایە ئەوەش بەهۆی ئەوەی بەهای گرێبەستەكە (100) ملیۆن دۆلار بووەو بەشێك لەو پارەیەش چۆتە سەر ئەژماری (حوسێن شەهرستانی) كە ئەوكات وەزیری نەوت و جێگری سەرۆك وەزیران بووە بۆ كاروباری ووزە.
 

 

ئـ . كـ