ئەو كۆشكەی هیتلەر تێیدا لەدایك بوو

11/04/2016 - 10:29 بڵاوکراوەتەوە لە هەواڵەكان

 

 

حكومەتی نەمسا نیازی وایە دەستبگرێت بەسەر ئەو كۆشكەی كە كاتی خۆی سەرۆكی نازیەكانی ئەڵمانی تێدا لەدایك بووە.
(ئادۆڵف هێتلەر) سەرۆكی نازییەكانی ئەڵمانیا لەنیسانی ساڵی (1889) لەكۆشكێكی شاری (براوناو ئێم ئین) لەنەمسا لەدایك بووە.
حكومەتی ڤیەننا لەساڵی (1972) ئەو كۆشكەی بەكرێ‌ گرت بۆ خاوەن پێداویستییە تایبەتەكان و ماوەی چەندین ساڵ بوو بەكاری دەهێنا.
حكومەتی نەمسا ئارەزوو دەكات كۆشكەكە بڕوخێنێت و جارێكی تر نۆژەنی بكاتەوە، بەڵام خاوەنەكەی كە ناوی (جێرلیندیە پۆمەر) ە ڕێگەی نەداوە حكومەت ئەو كارە بكات.
ئەمەو ئەو كۆشكە هیچ دروشمێكی لەسەر نەنووسراوە، تەنها لەسەر بەردێك دروشمێك بەناوی (نا بۆ فاشیەت هەتا هەتایە) ، بەبێ‌ ئەوەی ئاماژە بەناوی هیتلەر بكرێت. 

 

ئـ . كـ