ئەم دەرمانە دەزانی ؟؟

11/04/2016 - 11:13 بڵاوکراوەتەوە لە هەواڵەكان

 

 

ژیانی مرۆڤ بەشێوەیەكی گشتی یەك لەسەر سێی بۆ خەوتنەو لەو ماوەیەشدا شەش دانە ساڵ تەنها خەون دەبینێت، بۆیە مرۆڤ دەبێت لەهەوڵی ئەوەدابێت خەوێكی ئارام بۆ خۆی دابین بكات.
بەپێی رای (د. مەجدی بەدران) ئەندامی كۆمەڵەی میسری بۆ هەوكردن و بەرگری لەزانكۆی (عەین شەمس) رایگەیاندووە، ئەگەر مرۆڤ بۆ ماوەی (24) كاتژمێر لەخەوتن دابڕاو بێبەش كرا، ئەوا ئەگەری زۆری هەیە تووشی كەمبوونەوەی ئاستی بەرگری جەستەو هەوكردن ببێت.
ئەو دكتۆرە پێی وایە خواردنی هەریەكە لە (شیرەمەنی و ماسی و مۆزو خورماو نیسك و برنج و گێزەرو سیرو پیاز) دەبنە مایەی دەردانی هۆرمۆنی (میلاتۆنین)، بەڵام ئەگەر مرۆڤ خۆی بەشێوەیەكی ئاسایی لەماوەی (24) كاتژمێردا حەوت بۆ هەشت كاتژمێر نووست، ئەوا خۆی بەشێوەیەكی ئاسایی ئەو جۆرە هۆڕمۆنە دەردەدات و ئاستی فشاری خوێنیش ئاسایی دەكاتەوەو ڕێژەی كۆلیسترۆڵیش لەناو خوێن جێگیر دەكات و دەبێتە مایەی دوورخستنەوەی مرۆڤ لەنەخۆشییەكانی زەهایمەر و نیشانەكانی زوو پیربوونیش دوادەخات و سەر ئێشەش كەمتر دەكاتەوەو جەستەش چاڵاك دەكات.
هەروەها (د. مەجدی بەدران) هۆشداریشی داوە لە كەم نووستنی شەوانەو پێی وایە هۆكارێكە بۆ ئێشی گەدە، چونكە هاوسەنگی ناو گەدە تێكدەچێت، بەهۆی ئەوەی گەدە لەكاتی شەواندا چەند كارێك هەیە دەبێت ئەنجامی بدات هێزەكەشیان لەكاتی نووستنی مرۆڤدا (340) جار زیاد دەكات.

 

ئـ . كـ