كەشناسی هۆشداری دەدات لەسەر دروست بوونی لافاو

11/04/2016 - 12:18 بڵاوکراوەتەوە لە هەواڵەكان

كوردیو -
بەڕێوبەرایەتی كەشناسی هەرێم ڕایگەیاند، ئەمڕۆ هەرێمی كوردستان دەكەوێتە ژێر هەردوو نزمەپاڵەپەستۆی دەریای سوور و توركیا بەهۆی زۆری بارانبارینەوە پێشبینی دەكرێت لافاو دروستببێت.
لە ڕاگەیەندراوێكی بەڕێوەبەرایەتی كەشناسی و بومەلەرزەزانی هەرێمدا هاتووە "ئەمڕۆ كەشی هەرێم ناسەقامگیرییەك بەخۆوە دەبینێت و بارانبارین لە ناوچەكان بەڕێژەی جیاجیا دەبارێت."
لەراگەیەنراوەكەدا ئەوەش هاتووە "پارێزگاری هەڵەبجە، سلێمانی و ئیدارەی گەرمیان بە پلەی یەك زۆرترین ڕێژەی بارانیان لێ پێشبینی دەكرێت كە دەبێتە هۆی بەرزبوونەوەی ئاستی ئاو و دروستبوونی لافاو، پاشان هەولێر و كەركوك بە هەمانشێوە بارانی بە لێزمەیان لێدەبارێت و ئەگەری دروستبوونی لافاو هەیە."

هـ ن