كۆبوونەوە بۆ نەوت نزیكە، بەڵام نرخەكان جێگیرنین

12/04/2016 - 11:02 بڵاوکراوەتەوە لە هەواڵەكان

 

 

چاوەڕوان دەكرێت هەفتەی ئاییندە ووڵاتانی بەرهەمهێنی نەوت لەقەتەر كۆببنەوە، بەڵام ناڕوونی تەوەری كۆبوونەوەكە جارێ‌ ناتوانێت جوڵە بەنرخەكانی نەوت بكات.
ئاژانس و سەرچاوە هەواڵییەكان باس لەوەدەكەن، تاكو كۆبوونەوەی دەوحە سازدەكرێت بۆ پرسی جێگیركردنی هەناردەی نەوت، ئەوا نرخەكان هەردەم لەبەرز بوونەوەو نزم بوونەوە دەمێننەوە.
ئێستا لەبازاڕی سووتەمەنی جیهانی، خستنەڕووی نەوت زۆرەو كڕیار كەمە، ئەوەش كاریگەری كردۆتە سەر نرخی نەوت و بەشێوەیەكی بەرچاو رووی لەدابەزین كردووە.
ئەمەو ئەمڕۆ نرخی بەرمیلێك نەوتی خام بۆتە (39.50) دۆلارو نرخی بەرمیلێك نەوتی برێنتیش بۆتە (41.80) دۆلار.

 

ئـ . كـ