نرخی نەوت بەردەوامە لەبەرز بوونەوە

12/04/2016 - 18:35 بڵاوکراوەتەوە لە هەواڵەكان

 

 

دوای ئەوەی كوەیت بەهۆی خراپی كەش و هەواوە هەناردەی نەوتەكەی راگرت، راستەوخۆ نرخی نەوت بەرز بوونەوەی تۆماركرد.
لەگەڵ ئەوەی بڕیارە هەفتەی ئاییندە ووڵاتانی بەرهەمهێنی نەوت كۆبوونەوەیەك لەشاری دەوحەی قەتەری ئەنجام بدەن و تێیدا هەناردەی نەوتیان سنوورداربكەن، بەڵام ناڕوونی پێشبینییەكان تاكو ئێستا نەبۆتە مایەی كاریگەری بەرز بوونەوەی نرخی نەوت.
دوای ئەوەی ئەمڕۆ حكومەتی كوەیت رایگەیاند، هەناردەی نەوتەكەی بەهۆی خراپی كەش و هەوا راگرتووە، ئەمە راستەوخۆ كاریگەری هەبوو لەسەر بەرز كردنەوەی نرخەكان، ئەوەش بۆ یەكەم جارە لەوەتەی سەرەتای ئەمساڵەوە نرخەكان بەم شێوەیە بەرز ببنەوە.
بەپێی زانیارییەكانی بازاڕی سووتەمەنی جیهانی، ئەمڕۆ بەرمیلێك نەوتی برێنت بۆتە (43.58) دۆلارو نرخی هەر بەرمیلێك نەوتی خامیش بۆتە (40،56) دۆلار.
 

ئـ . كـ