ژمارەی چەكدارەكانی داعش كەمدەبێتەوە

13/04/2016 - 11:10 بڵاوکراوەتەوە لە هەواڵەكان

 

 

جێگری وەزیری دەرەوەی ئەمریكا رایگەیاند، ژمارەی چەكدارەكانی داعش بەشێوەیەكی بەرچاو كەمبۆتەوە.
(ئەنتۆنی بلینكین) جێگری وەزیری دەرەوەی ئەمریكا لەپنتاگۆن رایگەیاند، ژمارەی چەكدارەكانی نێو ڕێكخراوی داعش بەشێوەیەكی بەرچاو ڕووی لەكەمبوونەوە كردووە، ئەوەش بەبەراورد بەژمارەی ئەو چەكدارانە لەماوەی دوو ساڵی رابردوودا لەعێراق و سوریا.
لێدوانەكەی یاریدەدەری وەزیری بەرگری ئەمریكا لەدەمێكدایە كە تاكو ئێستا داعش پانتاییەكی زۆری لەنێو خاكی عێراق و سوریا لەژێر دەست ماوەو لەچەند رۆژی رابردووشدا پەلامارێكی داعشیان لەگوندی بەشیر شكاندو كوژراوو بریندارێكی زۆری لێكەوتەوەو دوو رۆژیش لەمەوبەر شارۆچكەی راعی لەنێو خاكی سوریا خستەوە ژێر دەسەڵاتی خۆیەوە.

 

ئـ . كـ