گوندێ ئەڤریکێ ... ژبەر کێمیا خزمەت گوزاریان رەوشا وەلاتیان تێکچویە

13/04/2016 - 21:14 بڵاوکراوەتەوە لە هەواڵەكان


کوردیو ـ دھوک ـ ئارام حسێن

ماوێ چەند روژەکانە پێلەکا باران بارینێ ب سەر پارێزگەھا دھوکێ دا ھاتیە و ژبەر کێمی و خرابیا خزمەت گورازیان ل گوندێ ئەڤریکێ یێ کو دکەڤیتە دەر دورێن سەنتەرێ پارێزگەھا دھوکێ زیان ڤێ کەفتینە و بوینە ئەگەرێ ژ کار کەفتنا جادەیان و گرتنا رێکا ھاتن و چونێ و رێڤەبەریا گشتی یا رێک  و پران ژی ئەگەرێن نە تەمام کرنا جادەیا سەرەکی یا گوندی بو قەیرانا دارایی دزڤرینن.

دگەل بارینا ھەر پێلەکا بارانێ زەر و زیان بەر ب وەلاتیێن گوندێ ئەڤریکێ دکەڤن ژبەر خرابیا رەوشا خزمەتگوزاریان و نە تەمام کرنا پروژێ قێرکرنا جادا سەرەکی یا گوندی و وەلاتی رادگەھینن کو زور جاران پروسەیا ھاتن و چونێ ژ کار دکەڤیت و زاروکێن وان نەشێن بچنە قوتابخانەیان عەگید ئەڤریکی ئێک ژ وەلاتیانە بو کوردیو گوت: ماوێ چەند سالانە  مالا وی ل گوندێ ئەڤریکێ یە و چەندین جاران وان سەرەدانا لایەنێن پەیوەندیدار کریە بو ھندێ کو رێکا وان دروست بکەن و چەند جاران سوز پێ ھاتیە دان لێ تا نوکە ھێشتا وەکی خومایە ژبەر ڤێ چەندێ داخاز دکەت کو چارەیەک بو وان بھێتە دیتن و ئەو ژ ڤێ رەوشا خراب بدوماھیک بێن چونکی ئەڤریکێ گوندەکێ مەزنە د نوکە دا نێزێکی ١٠٠٠ خێزانان لێ د ئاکنجی نە.

ژلایێ خوڤە ماموستا فەرھاد ئامێدی  رێڤەبەرێ قوتابخانا ئەڤریکی ژی بو کوردیو راگەھاند: زور جاران ژ بەر خرابیا رەوشا جادەیان پروسەیا خاندنێ ژی د راوەستیت و وانە ناھێنە گوتن و چەندین جاران ب نڤیسارێن فەرمی و سەرەدان داخاز ژ پەروەدێ و جھێن پەیوەندیدار کریە کو ئەگەر چ نەبیت رێکا قوتابخانێ بھێتە چارەکرن داکو زیان  ب پروسا خاندنێ نەکەڤیت لێ ھێشتا ئەو جادەیە وەکی خو ماینە.

ل ھەمبەر گلەیێن وەلاتیان کوردیو سەرەدانا رێڤەبەرێ رێک و پرا کر ل دھوکێ و گازندەیێن وەلاتیان گەھاندنە ئەندازیار مەعسوم ئیبراھیم  وەکی وی دایە دیارکرن کو ئەگەرێ گیروکرنا پروژەیان قەیرانا دارایی یە ژبەرکو چ سولفە ب بەلێندەران ناھێنە دان و ئەڤ پروژە ژی ئێک ژ وانە سەرەرای وێ چەندێ کو گوندێ ئەڤریکی سەرب  باژێرڤانیا دھوکێ ڤەیە لێ ل وی دەمی ئەڤ پروژە کو یێ گەشەپێدانا ھەرێما نە رێڤەبەریا سەخبیریا رێک و پران پێ ھاتبو راسپاردن کو ڤی پروژەیی جێبەجێ بکەت. و گوت ژی کو ئەم دلنیایێ ددەینە وەلاتیێن خویێن ھێژا کو ل دەمەکێ نێزیک دێ دیڤچونا وی پروژەیی کەن و بەلێندەری ژی ئاگەھدار کەن کو پشتی کەش و ھەوا جێگیر دبیت چارەیەکێ بو وی پروژەیی ببینن و دەست ب کاری بکەن.

_______________________________________________________________________________________

دێرگژنيكى