هاك و حۆپاراستن…ئه‌و ١٠ ڕێگایه‌ى كه‌ كورد به‌كارى ئه‌هێنێت بۆ هاككردن

14/04/2016 - 12:10 بڵاوکراوەتەوە لە هەواڵەكان

١) پەڕەی تەزویر
ئەم ڕێگایە ڕێگایەكی باوی هاككردنی ئەكاونتی فەیسبووكە، بە شێوەیەكی تر ئەمە هاككردنی پێ ناوترێ و تەنها خەلەتاندنە، بەم جۆرە هاكەر ئەچێت سایتێكی تر دروست ئەكات و فایلێك لە سایتەكە دائەنێت و پاشان لینكی فایلەكەت بۆ ئەنێرێت .. كە لینكەكەی هاكەرەكەت كردەوە … یەكسەر تۆ ئەچیتەوە سەر پەڕی لۆگینی فەیسبووك، واتا وەكو ئەوە وایە فەیسبووكت كردبێتەوە و بلێ ئیمەیل و پاسۆرد داخل بكە … مەترسییەكە ئالێرەیە، لەراستیدا ئەگەر ئیمەیل و پاسۆرد داخل بكەی راستەوخۆ ئیمەیل و پاسۆردەكەت بۆ هاكەرەكە ئەروا .. خۆ ئەگەر بشزانیت كە ئەمە پەرەی تەزویرە و ئەگەر بە هەڵە ئیمەیل و پاسۆردیش داخل بكەیت هەر زەرەرتە. چونكە ئایپییەكەتی هەر بۆ ئەروا smile بۆیە لەم بارەدا ئاساییە لینكەكە بكەیتەوە بەس هیچ داخل مەكە و تەواو …

cyber-security-05152013

٢) كیلۆگەر
ئەم رێگایە بەڕای من ئاسانترین و سەركەوتووترین ڕێگای هاكی فەیسبووكە، كیلۆگەر پرۆگرامۆكەیەكی بچووكە كە هاكەر بۆ كۆمپیتەری بەرامبەری ئەنێرێت .. بۆ نموونە من لینكیێك بۆ تۆ ئەنێرم تۆ ئەو لینكە ئەكەیتەوە .. یەكسەر داونلۆدی یەتە سەر و ئەبێ داونلۆدی بكەیت كە داونلۆدت كرد تۆ هەر وا ئەزانی بەرنامە و شتە .. ئینجا لە كۆمپیتەرەكەتا ئەیكەیتەوە .. لەو دەقەیەی كە ئەیكەیتەوە تا ئەو دەقەیەی كۆمپیتەرەكەت فۆرمات ئەكەیت .. لەم ماوەیەدا هەر دوگمەیەك لە كیبۆردەكەت دابگیرێت یەكسەر بۆ هاكەرەكە یەت ئەلێ ئەو دوگمەیەی داگرت .. جا تۆش خۆ كە فەیسبووكەكەت ئەكەیتەوە پاسۆردەكەت لێ ئەیەیت بە كیبۆرد smile راستەوخۆ چی بنووسیت بۆ هاكەر ئەروا .. مەرج نییە كیلۆگەرەكەت لەرێگەی لینكی فەیسبووكەوە بۆ بنێرێت، لەوانەیە بە سیدی یان فلاش میمۆری یان هەر شتێكی تر … گرنگ ئەوەیە بێتە كۆمپیتەرەكەتەوە و لەناو كۆمپیتەرەكەتا بكرێتەوە …

٣) ستیلەر

ستیلەر رێگەیەكی باوە ئەمەش بە هەمان شێوەی كیلۆگەر ئەبێت فایلێك دروست بكەیت و بینێری بۆ كۆمپیتەری بەرامبەر .. جا چی لەرێی سیدی یان فلاش میمۆری یان فەیسبووك یان هەر شتێك .. بەس یەك شتی لە كیلۆگەر جیاوازە .. ئەمە هەلناستێ بەوەی كە چی لەسەر كیبۆرد لێ بدەیت بۆتی بنێرێ، ئەگەر تۆ چەند پاسۆردت Save كردبێت لە كۆمپیتەرەكەت ئەوە هەر هەمووی ئەنێرێ بۆ هاكەر … واتا ئەگەر من فایلی ستیلەرەكەم بۆت نارد و تۆش كردتەوە. ئەوە هەرچی پاسۆردی سەیڤكراوی تۆیە بۆ من یەت .. جا پاسۆردی yahoo و Skype و فەیسبووك و هەمووی … بەس ئەگەر هیچت سەیڤ نەكردبێ ئەوە من ناتوانم هاكت بكەم …

٤) سیزن هاكینگ
ئەمە ترسناكترین ڕێگەی هاكە چونكە بەبێ ناردنی هیچ لینكێك و بەبێ ناردنی هیچ فایلێك و بەبێ ئەوەی پاسۆردەكەشت بزانێت یەتە فەیسبووكەتەوە .. ئەمەش لەرێگەی زانینی كووكییەكانە، زۆر لەسەر ئەم بەشە برۆم ئەبێ تا یەك هەفتەی تر بەس شت بنووسم بەس تەنها ڕێگەی خۆ پاراستنەكەتان بۆ دا ئەنێم ئەویش:
برۆ بۆ Account Settings ئینجا لەلای چەپ بەشی Security هەلبژێرە … پاشان یەكەم دانە كلیك بكە كە نووسراوە Secure Browsing پاشان چوارگۆشەیەكی بچووك ئەبێتەوە … تۆ سەحێك لەو چوارگۆشەیە بدە و كلیك لەسەر Save Changes بكە و تەواو .. خۆ ئەگەر خۆی سەحەكەی لێدرابوو ئەوە هیچ كێشەت نییە …

٥) سایدجاكینگ و فایەرشیپ
ئەم رێگەیە لەپێش ساڵی 2010 ــەوە بەكار ئەهێنرا كە بروا ناكەم ئێستا باوی مابێت … رێگەیەكی زۆر زۆر ئاسانە بەس ئەوانەی خەتی ڕێبەر و تیشك و ماكس ــیان هەیە بێ خەم بن لەمە چونكە ناتوانن لەرێگەی ئەم رێگەیەوە هاكبكرێن .. بەلكو بەس بۆ ئەو خەتانەیە كە شەبەكەی وای-فای ــیان هەیە … بەهۆی ئەم رێگایەوە ئەتوانی هەموو ئەو كەسانە بدۆزیتەوە كە لەسەر شەبەكەی وای-فای ــەیەكی تۆن و پاشان بچیتە ناو فەیسبووكی هەر كامێكیان كە بتەوێ … بەس بە مەجێ ئەبێ لەسەر هەمان شەبەكەكەی خۆت بێت …

٦) هاككردن لەرێگەی مۆبایلەوە

زیاتر لە 1 ملیۆن بەكارهێنەری فەیسبووك مۆبایلی كۆنێكت كردووە بە فەیسبووكەكەیەوە .. هەنێك پرۆگرامی مۆبایل هەن كە دەستكەوتنیان زۆر ئاسانە، لەرێگەی ئەم پرۆگرامانەوە بە بلوتوپ ئەتوانی بچیتە مۆبایلی كابراوە ئینجا لە موبایلەكەیا فەیسبووكەكەی لۆگین بووە .. لەوێ ئەتوانی پاسۆردەكەی بگۆریت و بیكەیتە ئەو پاسۆردەی كە ئەتەوێت ..

٧) دی ئێن ئێس سپووف
ئەم رێگایەی هاككردنم زۆر بە دڵە و 100% كار ئەكات … وەكو پەرەی تەزویرە بەلام لینكەكەی ڕێك فەیسبووك دۆت كۆمە و هیچ فەرقی پێناكرێ و هەست ناكرێ كە پەرەی تەزویرە .. واتا هیچ جیاوازی نەبێ لینكەكەشی هەمان لینكی فەیسبووك بێت .. هەركاتێك نێچیر فەیسبووكەكەی كردەوە یەكسەر ئیمەیل و پاسۆردەكەی بۆ تۆ یەت …. بەس ئەمە زۆر قورسە و كەم كەس ئەیزانن .. چونكە ئەگەر من بمەوێ تۆ هاك بكەم بەهۆی ئەم رێگەیەوە .. ئەوا ئەبێ بزانم خەتەكەت چییە .. بۆ نموونە Reber ــە .. ئەبێ من بچم كۆمپانیای ڕێبەر هاك بكەم و ….. پاشان ئاوایە شتەكان كە هەمووی باس بكەم زۆری ئەوێت … بەس گرنگ ئەوەیە لێرە تۆ خەتێك ئیش پێ بكەیت كە بەقووەت بێت .. ڕێبەر و ماكس مشكیلەیان نییە …

٨) فلاش مێمۆری هاكینگ
ئەم رێگایە زۆر خۆش و ئاسانە .. پرۆگرامۆكەیەكی بچووك ئەخەمە ناو فلاش مێمۆرییەكەم .. یەم فلاشەكە ئەكەم بە كۆمپیتەرەكەی تۆیا و یەكسەر دەری ئەهێنمەوە .. بە 2 چركە هەرچی پاسۆردی سەیڤكراوی تۆیە ئەیدزم .. ئەم رێگایە زۆر ئاسان و سەركەوتووە بۆیە كە سیقە بە كەسێك ناكەن مەهێلن فلاش مێمۆری بخاتە كۆمپیتەرەكەتانەوە …

computer-virus

٩) نێتۆرك ئەتاك
ئەمە لە كاتێكایە كە خەتەكەت بە تەواوی هاككرابێت .. بۆ نموونە ڕێبەر هەمووی هاككرابێت ئەوا هاكەر ئەتوانێ پاسۆردی فەیسبووكی هەر كەسێ بزانێت كە رێبەر بەكار ئەهێنێت … ئەم رێگایە بروا ناكەم بە هەر هەمووی 50 كورد بیزانن …

 

١٠) بۆتنێت
ئەم رێگەیەش بروا ناكەم هیچ كەسێ بیزانێ تەنها نووسینگەی ئێف بی ئای و چەند نووسینگەیەكی ئەمریكی و ڕووسی و سی ئای ئەی نەبێت چونكە لەرێگەی ئەمەوە ئەتوانی هەر شتێ بتەوێ هاكی بكەی بەبێ هیچ بەربەستێك … وەكو ئاو خواردنەوە وایە .. بەس كەس نایزانێ تەنها نووسینگە حكومیەكان نەبێ …

لە كۆتاییدا ماوەتەوە بلێم سەركەوتوو بن ئیشالله بەدوور ئەبن لە هەر هێرشێكی هاك .. هەر هەڵەیەكم كردبێت لە خۆمەوەیەو داوای لێبوردن دەكەم

 

ئامادەكردنی : بڕوا جەزا