ئەندامێكی سەركردایەتی یەكێتی: شەرمەزارییە لەیادی ئەنفالدا، سەرۆكی حكومەت و جێگرەكەی لە سەفەری وڵاتانن

14/04/2016 - 15:16 بڵاوکراوەتەوە لە هەواڵەكان

كوردیوـ سلێمانی

ئەندامێكی سەركرایەتی یەكیتی نیشتمانی كوردستان رایدەگەیەنیت ئەمڕۆ یادی مێژویەكی پر ئازاری گەلەكەمانە وڕزگاربوانی شاڵاوی ڕەشی ئەنفالیش ئێستاش بەئازارەوە دەناڵێن و شەرمەزارییە لەیادی ئەنفالدا، سەرۆكی حكومەت و جێگرەكەی لە سەفەری وڵاتانن و دوورن لە خەمەكانیان و بێ ئاگان.
بڵێسە جەبار فەرمان لە پەیجی تایبەتی خۆی بڵاویكردوەتەوە"ڕوو ڕەشی بەردەم ڕزگاربوانی شاڵاوی ئە نفالین وئەمڕۆ یادی مێژویەكی پر ئازاری گەلەكەمانە و ڕزگاربوانی شاڵاوی ڕەشی ئەنفال ئێستاش بەئازارەوە دەنەڵێن ووەكو خۆشیان دەڵین ڕۆژانە بەبینینی موستەشارە دەست سورەكان بە خوێنی خۆشەویستانیان كە بە ئازادی ژیان بەسەر دەبەن،دوبارە ئەنفال دەكرێنەوە."
لەبەشێكی تری نوسینەكەیدا هاتووە"لە جیهاندا ئە و كەسانەی كە تەزحیەیان داوە و بونەتە هۆی ڕزگاركردنی گەلەكەیان، یان بەهۆی ئەو نەهامەتیانەی كەبە سەریاندا هاتووە، كەیسی نەتەوەكەیان بە جیهان ناسێندراوە، حكومەتەكانیان لە هەوڵی فەراهەم كردنی ئەوپەری خۆشگوزەرانین بۆیان، نەك تە نها وەك پاداشتێك بۆیان، بەڵكو بۆ ئەوەی لە خەم و مەینەتیەكانیان كەم كەنەوە."
راشیگەیاندوە"لە وڵاتی قایرانستانی ئێمە هەموو شتێك عەكس بۆتەوە ساڵ بە ساڵ توشی نەهامەتی زیاتریان ئە كەین وگوێمان كەڕە بەرانبەر داخوازییەكانیان كە داخوازی ڕەوان. داخوازی سەرەكییان دادگایی كردنی مستەشارەكانە. خۆ ئەم داوایەپارەی تێ ناچێت، ئەی بۆ ئەنجام نادرێت. بۆ وا دڵ ڕەقین بەرانبەر ئەو مرۆڤانەی زیاترین نەهامەتییان چێشتووە و ئەچێژن وچاومان كوێرەه بەرانبەر بە حاڵ و گوزەرانیان و نابینین چەند نائومێد و بێ دەرامەتن"
لە كۆتایی نوسینەكەشیدا ئەو ئەندامەی سەركردایەتی یەكێتی ئاماژەی بەوەشداوە"ئەم حكومەتە چ حكومەتێكە، كە لە ڕەواترین و سەرەتاییترین ماف كە موچەیە بێ بەشیان دەكات و ئە وپەری لائوبالی و بێ خەمە.سەرۆكی حكومەت و جێگرەكەی لە سەفەری وڵاتانن و دوورن لە خەمەكانیان و بێ ئاگ.بەڕاستی شەرمەزارییە ونازانم چۆن یادی ئەم بەسەرهاتە كارەساتاوییە بكەینەوە و چۆن بتوانین بچینەبەردەم شەهیدەكانمان و كەسوكارە سەربەرزەكانیان بێ ئەوەی هەست بە ڕوورەشی بكەین"

أ.س