سالڤەگەرا ئەنفالان ل دھوکێ ب چەندین چالاکیان ھاتە ساخکرن

15/04/2016 - 21:17 بڵاوکراوەتەوە لە هەواڵەكان


ل بیرەوەریا بیست وھەشت سالان لسەر ئەنفالێن رەش ، دوھی (٢٠١٦/٤/١٤) ب ئامادەبونا (جەھوەر عەلی )قائیمقامێ قەزا دھوکێ وسەروکێ زانکویا دھوکێ ورێڤەبەرێ گشتی یێ شەھید وئەنفالکریان ل پارێزگەھا دھوکێ وھژمارەکا رێڤەبەرێن دام ودەزگەھێن میری وکەس وکارێن ئەنفالکریان، پێشانگەھەکا وێنێن ئەنفالان وتاوانێن رژێما بەعس بدژی گەلێ کورد ھاتینە ئەنجامدان ل ناڤەندا قوتابیێن زانکویا دھوکێ ژلایێ رێڤەبەریا گشتی یا شەھید وئەنفالکریا ب ھەفکاری دگەل رێکخراوا ھەشتێ وھەشت یا ناساندنا تاوانێن ئەنفالێ وزانکویا دھوکێ ھاتە ڤەکرن.

ل دویفدا چەندین پەیڤ ھاتنە خواندن وئاماژە دا تاوانێن رژێما بەعس د دەرھەق مللەتێ کوردا ئەنجامدان وبەیاننامەک ھاتە بەلافکرن وخواست حکومەتا عیراقێ قەرەبویا ئەنفالکریان بکەت و لێگەریانا روفاتێن ئەنفالکریان بھێتە کرن زێدەباری چەندین داخازیێن دیتر.

 

إ.د