لە 28 سالەشاڵاوی ئەنفالی دۆڵی جافایەتیدا كەس و كاری ئەنفالكراوان بایكۆتی یادەكە دەكەن

21/04/2016 - 09:04 بڵاوکراوەتەوە لە هەواڵەكان

كوردیو ـ سلێمانی ـ یانی یادگار
لە 28هەمین ساڵیادی یەكەم قۆناغی شاڵاوی ئەنفال لە شارباژێڕو دۆڵی جافایەتی ، كەس و كاری ئەنفالكراوان بایكۆتی یادەكە دەكەن و بەهۆی پشتگوێ‌ خستنیان لەلایەن  حكومەتەوە گردبونەوەیەكی ناڕەزایەتی ئەنجام دەدەن .
ئاوات قادر یەكێك لە كەس و كاری ئەنفالكراوان بە كوردیوی ڕاگەیاند" ئێمە داوای دادگایی جاش و مستەشارەكان دەكەین و هێشتا زامەكانمان سارێژ نەكراوە ".
وتیشی" بەداخەوە تائیستا كەس و كاری شەهید هەیە زەوی وەرنەگرتوە یان موچەی دوا دەكەوێت ، بۆیە بەراستی یاد بەم جۆرە ناكرێتەوە"
لای خۆشیەوە مەلا بهادین بەرێوبەری شەهیدان و ئەنفالكراوانی سلێمانی بە كوردیوی ڕاگەیاند" هەرچەندە ئێمە سەرقاڵی ئامادەكاری بوین بۆ ئەنجامدانی یادەكە بەڵام كەسو كاری شەهیدان ڕەتی دەكەنەوە یادەكە بكرێتەوە".
بهادین بەرێوبەری شەهیدان و ئەنفالكراوانی سلێمانی وتیشی" داوای كەس و كاری شەهیدان ڕەوایەو دەبێت حكومەت ئاوری زیاتر لە ناوچەكە بداتەوە".

أ.س