كەسێك گوێزی هیندی بخوات

22/04/2016 - 01:59 بڵاوکراوەتەوە لە هەواڵەكان

 

بەپێی لێكۆڵینەوەیەكی نوێ‌ ئەوە خراوەتەڕوو كەرۆنی جۆزی هیندی توانای پاراستنی ددانەكانی هەیە لەداڕووشان و ڕێگریش دەكات لەبەردەم گەشەكردنی ئەو جۆرە بەكتریایەی كەهۆكاری ئەو داڕووشانەیە.
ئاژانسی (BBC) لێكۆڵینەوەیەكی ژمارەیەك توێژەری ئێرلەندی بڵاوكردۆتەوە كەهەڵساون بەئەنجامدانی توێژینەوەیەك لەسەر كاریگەرییەكانی رۆنی جۆزی هیندی لەسەر ددان و ئەوەیان بۆ دەركەوتووە كەئەو رۆنە سوودێكی زۆری بۆ ددان هەیەو ڕێگری لێدەكات لەداڕووشان، ئەمەش لەكاتێكدا داڕووشانی ددان لە (60% - 90%) منداڵانی ووڵاتە پیشەسازییەكانی جیهان بەدەستیەوە دەناڵێنن.
توێژەرە ئێرلەندییەكان رایانگەیاندووە، ئەوان تاقیكردنەوەكانیان لەسەر هەریەكە لەجۆرەكانی رۆنی رووەكی و رۆنی زەیتوون و رۆنی جۆزی هیندی ئەنجامداوەو گەیشتوونەتە ئەو ئەنجامەی كەرۆنی جۆزی هیندی ڕێگری دەكات لەگەشەكردنی ئەو جۆرە بەكتریایەی دەبێتە مایەی تووش بوونی دەم و ددان بەداڕووشان و هەوكردن.
لەلایەن خۆیەوە (دامیان برادی) یەكێك لەتوێژەرەكانی ئەو لێكۆڵینەوەیە رایگەیاندووە، ئەوان لەهەوڵی ئەوەدان رۆنی جۆزی هیندی بگۆڕن بۆ مادەیەك لەپێكهاتەیەكی كیمیاوی بۆ ئەوەی ددانەكان پاك بكاتەوە.