ئاماری تەقینەوەكەی بەغدا بەرز دەبێتەوە

22/04/2016 - 21:16 بڵاوکراوەتەوە لە هەواڵەكان

 

 

تەقینەوەیەكی خۆكوژی لە حوسێنیەیەكی بەغدا ژمارەیەك كوژراوو برینداری لێدەكەوێتەوە.
سەرچاوەیەك لە وەزارەتی ناوخۆی عێراق ڕایگەیاند، كەسێكی خۆكوژ لەكاتی دەرچوونی نوێژخوێنان لە حوسێنیەیەك لە باشووری خۆرئاوای شاری بەغدا خۆی تەقاندۆتەوەو لایەنی كەم هەشت كەس كوژراون و زیاتر لە (30) كەسی تریش برینداربوونە.
سەرچاوەكە ئاماژەی بەوەكردووە، كە دوای تەقینەوەكە هێزە ئەمنیەكان گەیشتوونەتە شوێنی ڕووداوەكەو قوربانییەكانیان بۆ پزیشكی دادوەری گواستۆتەوەو دەستیان كردووە بەلێكۆڵینەوە.
دۆخی ئەمنی بەغدا ئاڵۆزی تێكەوتوەو بەپێی ئامارێكی نەتەوە یەكگرتووەكان لە مانگی ئازاردا (2680) كەس لە سەرجەم ناوچەكانی عێراقدا كوژراون و برینداربوونە.

 

ئـ . كـ