بەشێك لە پارە بلۆككراوەكانی ئێران گەڕێندرایەوە

24/04/2016 - 09:43 بڵاوکراوەتەوە لە هەواڵەكان

 وەزیری دەرەوەی ئەمریكا رایدەگەیەنێت: لە دوای ڕێككەوتنی ئەتۆمی نێوان ئێران و وڵاتانی پێنج كۆ یەك، نزیكەی سێ ملیار دۆلار لە پارە بلۆككراكاوەكانی ئێران بۆ ئەو وڵاتە گەڕێندراوەتەوە.


جۆن كیری وەزیری دەرەوەی ئەمریكا بۆ ڕۆژنامەونوسان رایگەیاند: لە دوای رێككەوتنی ئەتۆمی نێوان ئێران و وڵاتانی پێنج كۆ یەك لە كۆی  55ملیار دۆلار، نزیكەی سێ ملیار دۆلار لە پارە بلۆككراوەكانی ئێران گەڕێندراوەتەوە.


جۆن كیری ئاماژەی بەوەش كرد: رێككەوتنی ئەتۆمی دەتوانێت رێگا لە پەرەدان بە چەكی ئەتۆمی ئێران بگرێت و ئاماژەی بۆ ئەوەشكرد بە پابەندبوونی بە رێككەوتننامەكە ئێران دەتوانێت لە هەموو بوارە جیاجیاكاندا بگەڕێتەوە بۆ كۆمەڵی نێودەوڵەتی.

 

 


سەلام بێستانسوری