كابینەی نوێی عەبادی لە 22 وەزارەت پێك دێت

24/04/2016 - 10:09 بڵاوکراوەتەوە لە هەواڵەكان


چاوەڕوان دەكرێت ڕۆژی سێ شەممە حەیدەر عەبادی سەرۆك وەزیرانی عێراق پێكهاتەی كابینەی نوێی وزاری پێشكەش بە ئەنجومەنی نوێنەران بكات بەمەبەستی دەنگدان لەسەری.


بە گوێرەی میدیا عێراقیەكان كابینەی نوێی عەبادی كەمكردنەوە و تێكەڵكردنی وەزارەتەكان بەخۆیەوە نابنێت، وەك كابینەی پێشوو لە 22 وەزارەت پێكدێت.
كابینە نوێیەكەی عەبادی تێكەڵەیەك دەبێت لەنێوان دوو لیستەكەی پێشووی و بەوتەی سەرچاوە هەواڵیەكان كابینەیەكی تەكنۆكرات دەبێت كە یەكەمیان لیژنەیەكی تایبەتمەند دیاری كردوون و لیستی دووەمیش بە ڕاوێژبووە لەگەڵ لایەنە سیاسیەكان.


ئەگەری دەنگدان لەسەر كابینەی نوێ لەكاتێكدایە كە ژمارەیەك پەرلەمانتار ماوەی چەند هەفتەیەكە مانیان گرتووە و پێ دەچێت گرفتی تەواونەكردنی نیسابی یاسایی دروست ببێت.

 

a.m