سلێمانی... لە شەش مانگی ڕابردودا 11 كۆگای گەورەی دەرمان داخراون

30/04/2016 - 09:44 بڵاوکراوەتەوە لە هەواڵەكان

بەرێوبەری گشتی تەندروستی سلێمانی  ڕایدەگەیەنێت: لەماوەی شەش مانگی ڕابردوودا توانیویانە  11 كۆگای گەورەی دەرمان لە كۆی 17 كۆگا لەگەڵ 9 دەرمانخانە لە شاری سلێمانی دابخەن.

د.میران محەمەد، بەرێوبەری گشتی تەندروستی سلێمانی بە سایتی تەندروسوتی سلێمانی ڕاگەیاند: سەبارەت بە چاكسازییەكانی كەرتی دەرمان لە شاری سلێمانی و هەوڵەكانیان لەوبارەوە بۆ چاودێریكردنی زیاتری كەرتەكە لەلایەن لیژنەی پشكنین و بەدواداچوونی دەرمانەوە دەخاتەڕوو،  لە ماوەی شەش مانگی ڕابردوودا توانیویانە چاودێرییەكی باشی كەرتی دەرمان بكەن و بەو هۆیەشەوە 11 كۆگای گەورەی دەرمان لە كۆی 17 كۆگا لەگەڵ 9 دەرمانخانە دابخەن.

هەروەها وتیشی: هۆكاری داخستنی ئەو كۆگاو دەرمانخانانە مەبەست لێی زیان گەیاندن نیە بە هیچ كەس و لایەنێك، و سەرچاوەی دەرمانی ئەو شوێنانە كۆمپانیاكەیان نادیار بووە و بۆیە نەخۆش دەرمانی دەست نەكەوێت باشترە لەوەی دەرمانی كوالێتی خراپی دەست بكەوێت.

 

 


سەلام بێستانسوری