هەڵەبجە...مامۆستایانی ئاینی دژی هەڵكوتانە سەر مزگەوتەكان گردبونەوەیەك ئەنجام دەدەن

30/04/2016 - 10:26 بڵاوکراوەتەوە لە هەواڵەكان

كوردیو-هەڵەبجە
ئەمڕۆ شەممە مامۆستایانی ئایانی لە پارێزگای هەڵەبجە  گردبونەوەیەكیان دژی هەڵكوتانە سەر مزگەوت و مامۆستایانی ئاینی  ئەنجامدا و بەیاننامەیەكیشیان خوێندوەو داواشیان لە حكومەتی هەرێم كرد تۆمەتباران  لێپرسینەوەیان لەگەڵدا بكرێت.
ئەمڕۆ شەممە لە كاتژمێری 10ی پێش نیوەرۆ ژمارەیەك مامۆستای ئاینی سنوری پارێزگای هەڵەبجە  گردبونەوەیەكیان ئەنجامداو و وەك خۆشیان ئاماژەیان بەوە دا گردبونەوەكەیان دژی هەڵكوتانە سەر مزگەوتەكان و مامۆستایانی ئاینیە.
مامۆستای ئاینی سنوری پارێزگای هەڵەبجە  لە گردبونەوەكەدا بەیاننامەیەكیان بڵاو كردوە  داوایان كرد بەزوترین دۆخە هیوەربكرێتەوە و ئەو مامۆستایانەی كەلە شاری هەولێر لە ووتاردان دورخراونەتەوە بگەڕێنرێنەوە سەر كارەكانیان و ئەو كەسانەشی كە هەڵیان كوتاوەتە سەر مامۆستایان و مزگەوت و نوێژ خوێنان بدرێنە دادگا.
جێگەی ئاماژەیە لە چەند رۆژی رابردودا وەزارەتی ئەوقاف سێ مامۆستای ئاینی لە وتاردان دورخستەوەو  دوێنێ هەینیش لە كاتی وەتارداندا ژمارەیەك كەس هەڵیان كوتایە سەر هەردوومزگەوتی جودی  اللەو اكبرو ژمارەیەك نوێژخوین برینداربون و چەند كەسێكی تریش دەستگیركران.

أ.س