بەكتریای ناو ئۆتۆمبێل زۆر مەترسیدارە، زانیاری نوێ بزانە

25/11/2019 - 09:17 بڵاوکراوەتەوە لە هەواڵ/ئۆتۆمبێل

 


پێگەی مۆتۆری بەریتانی ئاشكرایكرد، پاك ڕانەگرتنی تایەی ئۆتۆمبیلەكانمان وادەكات ببێتە سەنتەری كۆبونەوەی بەكتریاو گەشەی میكرۆب بەگشتی، واتە شەش هێندەی مۆبایلەكانمان پیس دەبێت.

 

ئەو پێگەیە جەختدەكاتەوە لەوەی، ئەو میكرۆبانە كە بەسوكان‌و داشبۆردی ئۆتۆمبیلەكانمانەوەن ‌و رۆژانە دەستیان بەردەكەوێت چوار هێندەی سەری سیفۆنەكان پیسن، هاوكات دوو هێندەی دوگمەی مەسعەدەكانیش پیسە، كە واتە پێویستە هەمیشە تایەی ئۆتۆمبیلەكانمان بەخاوێنی رابگرین، كە سەرچاوەی یەكەمی گەیشتنی میكرۆبەكانە بە نێو ئۆتۆمبێلەكانمان.

 

سەرەكیترین هۆیەكانی پیسبونی تایەكانیش كە دەبێتە سەرچاوەی كۆبونەوەی بەكتریاو ڤایرۆس پاكرانەگرتن‌و نەشۆردنیەتی لەلایەن شۆفێرانەوە، هاوكات نابێت هەرگیز لەنێو ئۆتۆمبێلدا خواردن بخورێت چونكە دوچاری ژەهراوی بون دەبن‌و بەدەستی خواردناویەوە دەستبەرین بۆتایەكان یان پەنجەریكردنی، چونكە ئەو خواردنەی كە پێوەی دەلكێ دەبێتە هۆی زۆربون‌و گەشەی بەكتریا.

 

پێگەكە ئەو ئامرازانەشمان بۆدەستنیشاندەكات كە دەبێتە هۆی قەڵاچۆكردن‌و كوشتنی ئەو بەكتریایانەی كە لەنێو ئۆتۆمبێلدا گەشەدەكەن، یەكەم بەپاكردنەوەی رۆژانەی ئۆتۆمبیلەكانتان، دووەم كلێنسی تەڕ كە بەمادەی پاكژكەرەوەو موعەقەم كرابێت داشبۆرد و سوكان پاكبكەنەوە، تایەكانیش هەتا دەتوانن پاك‌و خاوێن راگرن‌و بەمادەی موعەتەرات پاك بكەنەوە، هاوكات تا دەشتوانن خواردن لەنێو ئۆتۆمبێلدا مەخۆن.