مۆڵەتە نوێیەكەی تەكسی سلێمانی شێوازو ڕەنگەكەشی جیاوازە

16/12/2019 - 11:51 بڵاوکراوەتەوە لە هەواڵ/ئۆتۆمبێل

 

لێپرسراوی بەشی مۆڵەت لەهاتوچۆی بەڕێوبەرایەتی سلێمانی ڕایدەگەیەنێت: شۆفێرانی تەكسی لە بەڕێوبەرایەتی گواستنەوەو گەیاندنی سلێمانی لۆگۆی تاكسی ‌و فۆرمێكیان پێدەدەن و مۆڵەتە نوێیەكەی تاكسی سلێمانی شێوازو رەنگەكەشی جیاوازە.

 

شیلان عوسمان لێپرسراوی بەشی مۆڵەت لەهاتوچۆی بەڕێوبەرایەتی سلێمانی ڕایگەیاند: دوای ئەوەی شۆفێرانی تاكسی رێوشوێنەكانی لۆگۆكان تەواو دەكەن‌ و كۆتایی پێدەهێنن، دەچن لەبەرێوەبەرایەتی گواستنەوەو گەیاندنی سلێمانی لۆگۆی تاكسی ‌و فۆرمێكیان دەدەنێ، دوای ئەوەش مۆڵەتەكەیان گۆڕانكاری بەسەردادێت‌.

 

بەوتەی موقەدەم شیلان مۆڵەتە نوێیەكەی تاكسی سلێمانی شێوازو رەنگەكەشی جیاوازە.

 

ئاماژەی بەوەشكرد، لۆگۆكان بەرێوەبەرایەتی گواستنەوەو گەیاندن دابەشیان دەكات، ئێستا كاری تێدا دەكەن‌و هێشتا كۆتایی نەهاتووە، لەئێستاشدا سێ شوێن دانراون لەبەرێوەبەرایەتی هاتوچۆی ناوشار لەناو قەزای مەركەز، لەبەرێوەبەرایەتی هاتوچۆی سلێمانی‌و لەسەرجەم بەرێوەبەرایەتیەكانی شارەكانیش ئەم كارە ڕایدەكرێت، بەڵام مەرجە هەر شۆفێرێكی تاكسی فۆرمی لەچ بەرێوەبەرایەتیەكی هاتوچۆ وەرگرت بیگەرێنێتەوە بۆ ئەو بەرێوەبەرایەتیەو سەردان بكاتەوە.