وادەی تۆماركردنی ئۆتۆمبێلی ژمارە ئەوروپی درێژكرایەوە

سێ شەممە, 23 کانونی دووەم 2018 08:52

 

بەڕێوەبەرایەتی هاتوچۆی گشتی هەرێمی كوردستان بڕیاریدا ماوەی تۆماركردنی ئۆتۆمبێلی تابلۆ ئەوروپی تاوەكو كۆتایی ئەم مانگە درێژبكاتەوەو پاش تەواوبوونی ئەم ماوەیە ئەگەر ئۆتۆمبێلەكە تۆمارنەكرێت ئەوا بەهەڵوەشاوە دادەنرێت.

 

بەگوێرەی هەواڵێكی ترافیك ئێف ئێم، بەڕێوەبەرایەتی هاتوچۆی گشتی هەرێمی كوردستان بڕیاریدا ماوەی تۆماركردنی ئۆتۆمبێلی تابلۆ ئەوروپی مۆدێل 2000 و بەرەوسەر كە لەڕابردوودا بەشێوەیەكی یاسایی لەڕێگەی دەروازە سنورییەكانەوە هاوردەی هەرێمی كوردستان كراون، تاوەكو ڕێكەوتی 31/1/2018 درێژ بكاتەوەو پاش تەواوبوونی ئەم ماوەیە ئەگەر ئۆتۆمبێلەكە تۆمارنەكرێت، ئەوا بەهەڵوەشاوە دادەنرێت.

 

جێگای ئاماژەبۆكردنە ساڵی ڕابردوو ڕێنمایی ژمارە یەكی ساڵی 2017 ی تایبەت بەتۆماركردنی ئۆتۆمبێلی تۆمارنەكراو دەرچوو، بەگوێرەی ڕێنماییەكە ئۆتۆمبێلی هەڵگری تابلۆی بیانی (ژمارە ئەوروپی) بەهەموو جۆرەكانیەوە كە تاوەكو (1/6/2017) هێنراوەتە ناو هەرێمی كوردستان بەشێوەیەكی یاسایی لەدەروازە سنوریەكان لەمۆدێل (2000) بەرەوسەر، خاوەنەكەیانیان مافی ئەوەیان پێدرا ئۆتۆمبێلەكانیان تۆماربكەن، وادەكەش 31 ی مانگی ڕابردوو كۆتاییهات، بەڵام هاتوچۆی گشتی هەرێم بڕیاریدا ڕێنماییەكە هەمواركردەوە.

 

 

 

 

س ب