ئۆتۆمبێلی موشەك دروست دەكرێت

دوو شەممە, 29 کانونی دووەم 2018 05:43

 

 

بنەماڵەیەكی زەنگین و سەرمایەدار رایانگەیاند، ئۆتۆمبێلێك لە پێشانگای جیهانی جنێڤ نمایش دەكەن كە لانی زۆری خێراییەكەی (500) كیلۆمەتر لە یەك كاتژمێرە.

بەپێی هەواڵێكی ماڵپەری نیوئەتڵەس، كۆربێلاتی وەك فیراری یان بۆگاتی بیرهێنەرەوەی ئۆتۆمبێلێكی بەهێزی جیهانی نییە، ئەو ناوە لە ڕاستیدا لە نازناوی بنەماڵەیەكی خشڵ و گەوهەرسازو هونەرمەند وەرگیراوە كە رایدەگەیەنن ئەوە دەكەن خێراترین ئۆتۆمبێلی جیهانیان بەرهەم هێناوە.

ئەو بنەماڵە ئەوپەری ئۆتۆمبێلێكی كلاسیكیان داڕشتووە كە خاوەن مۆتۆرێكی (8) سیلندەر بە فراوانی (9) لیترە، ئەو ئۆتۆمبێلە ناوی مووشەك (Missile) ەو بڕیارە لە پێشانگای (Geneva Motor Show) نمایش بكرێت، هەر لەو پێناوە شارەزایان پێشبینیان كردووە كە ئەو ئۆتۆمبێلە ریكۆردی جیهانی خێرایی لە (Koenigsegg Agera RS) بباتەوە.

كۆمپانیای بەرهەم هێنەری ئەو ئۆتۆمبێلە ڕایگەیاندووە، هێزی ئەوپەری ئۆتۆمبێلی مووشەك (1800) ئەسپی هەڵمییەو تگرەكانی دواوەیشی دیفرانسێلی لەسەرەو (6) دەندەی هەیە، هەروەها بەرزترین ئاستی خێرایی ئەو ئۆتۆمبێلە (500) كیلۆمەتر لە یەك كاتژمێرە، ڕواڵەتی مووشەك چۆتەوە سەر ئۆتۆمبێلەكانی كێبەركێی دەیەی (1960) و بەرزایی میچی ئۆتۆمبێلەكە لەسەر زەوی (170) سەنتیمەترە.

 

ئـ . كـ