لە ڕوداوێكی هاتوچۆدا قەڵەمێك دەچێت بەچاوی ژنێكدا

14/06/2018 - 15:04 بڵاوکراوەتەوە لە هەواڵ/ئۆتۆمبێل

 

 


ژنێكی تەمەن ٢٠ ساڵ لەتایلەند لەكاتی نوێكردنەوەی ماكیاژەكەی لەناو تەكسییەكدا توشی ڕووداوی هاتووچۆ دەبێت و بەوهۆیەوە قەڵەم چاوەكەی دەستی دەچێت بەچاویدا.

 

بەگوێرەی هەواڵێكی ماڵپەڕی "expressdigest"، ئەو ژنە لەدواوەی شۆفێری تەكسییەكە دانیشتووە و لەكاتی قەرەباڵغی ترافیكدا ماكیاژەكەی چاكدەكات، بەڵام لەناكاو تەكسییەكە بەرسەیارەی پێش خۆی دەكەوێت و ئەوڕووداوی لێدەكەوێتەوە و لەئەنجامی ئەو زەبرەدا قەڵەمەكە دەچێت بەچاوی چەپی ژنەكەدا.

 

پاش ڕووداوەكە دەستبەجێ كارمەندانی فریاگوزاری دەگەنە شوێنی ڕووداوەكە و دەستدەكەن بەچارەسەرە سەرەتاییەكان، ئەو ژنە ئازارێكی زۆر و خوێنبەربوونی لووتی هەبووە، بەگوێرەی زانیاری پزیشكەكان زیان بەبینایی نەگەیشتووە و پاش چارەسەركردن كێشەی بینینی نابێت.

 

 

 


سەرچاوە/ بەڕێوبەرایەتی هاتوچۆی سلێمانی

س ب