هیۆندای دووەم ئۆتۆمبێلی كارەبایی خۆی دەخاتە بازاڕەكان

10/07/2018 - 10:22 بڵاوکراوەتەوە لە هەواڵ/ئۆتۆمبێل

 

 

كۆمپانیای (هیۆندای) كۆری لەپلانیدایە بەر لەكۆتایی ئەمساڵ دووەم ئۆتۆمبێلی كارەبایی خۆی بخاتە بازاڕەكانی جیهانەوە.

لەو چوارچێوەیەشدا چەند زانیارییەكی نوێی لەبارەی تایبەتمەندییەكانی ئەو ئۆتۆمبێلە خستۆتەڕوو كە بە (هیۆندای كۆنا ئیلیكتریك) ناودەبرێت.

ئۆتۆمبێلە كارەباییە نوێیەكەی (هیۆندای) بە دوو مۆدێلی جیاجیا فەراهەم دەكرێت كە مەودای رۆیشتنیان جیاوازە، بەو پێیەی یەكێكیان توانای بڕینی (290) كیلۆمەتری دەبێت و ئەوەی دووەمیان دەتوانێت مەودای (470) كیلۆمەتر ببڕێت دوای هەر بارگاویكردنەوەیەكدا.

ئۆتۆمبێلی (كۆنا ئیلیكتریك) لەسەر شێوەی (ئێس یوو ڤی) دیزاین كراوەو توانای بزوێنەرەكەی بەهێزترە لە (هیۆندای ئایۆنیك) بەجۆرێك خێراییەكەی بەكەمتر لە (7) چركە لەسفرەوە دەگەیەنێتە (100) كیلۆمەتر لەسەعاتێكدا.

بارگاویكردنەوەی پاتری ئۆتۆمبێلە كارەباییەكە بەتەواوی لەڕێگەی تەزووی (AC) یەوە نزیكەی (6) سەعات دەخایەنێت، بەڵام لەكاتی بەكارهێنانی تەزووی (DC) ئەوا لە (54) خولەكدا رێژەی لە (80%) ی پاترییەكەی بارگاوی دەبێتەوە.

بەوتەی كۆمپانیای (هیۆندای) ئۆتۆمبێلی (كۆنا ئیلیكتریك) بەر لەكۆتایی ئەمساڵ لەكۆریای باشورو ئەوروپا فەراهەم دەكرێت.


كوردستانی نوێ‌

 

 

ئـ . كـ