بۆچی پلەی گەرمی ئۆتۆمبێل بەرز دەبێتەوە؟ چارەسەرەكەی لەكوردیو بزانە

16/07/2018 - 11:55 بڵاوکراوەتەوە لە هەواڵ/ئۆتۆمبێل

 

زۆركات دەبینین لەوەرزی هاویندا ئۆتۆمبێلەكان پلەی گەرمی بزوینەرەكانیان بەرزدەبێتەوە، ئەمەش وا لەشۆفێران دەكات نەتوانن بەردەوام بن لەلێخووڕینی ئۆتۆمبێلەكانیان‌و بەپێچەوانەشەوە زیان بەئۆتۆمبێلەكانیان دەگات.

 

گرنگترین هۆكارەكانی بەرزبوونەوەی پلەی گەرمی ئۆتۆمبێلەكان ئەمانەن كە بەچارەسەركردنیان چارەسەری بەرزبوونەوەی پلەی گەرمی ئۆتۆمبێلەكەت دەكەیت:

 

1/ كەمبوونی ئاوی ناو ڕادێتەر یاخود خەزانی لاوەكی.
2/ بوونی لیك لەدەبەی خەزانی لاوەكی، یاخود لەجۆینتەكانی بۆریەكان كە ڕادێتەر بەمەكینەوە دەبەستنەوە.
3/ وەستانی واتەرپەمپ كە ڕاستەوخۆ پلەی گەرمی ئۆتۆمبێل بەرزدەكاتەوە.
4/ بوونی كون لەڕادێتەردا یاخوود گیرانی ڕادێتەر.
5/ تێكچوونی وەلفی حەماوە كە لەپلەی گەرمی دیاریكراوی خۆیدا ئاڵوگۆڕی ئاو ناكات.

 


چەند تێبینییەك پێویستە شۆفێر ئاگاداری بێت:


1/ پێویستە هەموو ساڵێك ڕادێتەرپاك بكرێتەوە، بۆ ئەوەی توشی گیران نەبێت.
2/ پێویستە هەموو هەشت ساڵ جارێك ڕادێتەر بەتەواوەتی بگۆڕێت.
3/ سەری قەباغی ڕادێتەر پێویستە هەموو دوو ساڵ جارێك بگۆڕێت.

 

 

 

 

 


سەرچاوە/ بەڕێوبەرایەتی هاتوچۆی سلێمانی
س ب