نیشانەكانی بونی ئاو لەناو تەنكی بەنزینی ئۆتۆمبێل لەكوردیو بزانە

28/07/2018 - 10:07 بڵاوکراوەتەوە لە هەواڵ/ئۆتۆمبێل

 

كاتێك تەنكی بەنزین بەهەر هۆیەك بێت ئاوی تێبچێت، پاش ماوەیەك تەنكیەكە ژەنگ دەكات‌و دەبێتە هۆی داخوران ‌و ڕزین و پسپۆڕانی بواری سەلامەتی هاتوچۆش چەند نیشانەیەك دیاری دەكەن كە شۆفێر دەتوانێت لەڕێگایەوە بونی ئاو لەناو تەنكی بەنزینی ئۆتۆمبێلەكەی بزانێت.

 

دیارترین نیشانەكانی بونی ئاو لەناو تانكیدا ئەمانەن:

1- لەكاتی لێخوڕینی ئۆتۆمبێلدا چەند جارێك توشی وەستانی كتوپڕ‌و بڕین دەبێت.
2- هەست بەناڕێكی كاركردنی بزوێنەر دەكرێت.
3- وەستانی كتوپڕی بزوێنەر.

 

كاتێك شۆفێر دڵنیابوو لەبونی ئاو لەناو تانكی بەنزیندا، پێویستە ڕاستەوخۆ بزوێنەر بكوژێنێتەوە، دواتر بەڕاكێشان یان لەڕێی كرێنەوە، ببرێتە یەكێك لەوەرشەكانی چاككردنەوەی ئۆتۆمبێل، بۆ چارەسەری ئەو كێشەیەش، پێویستە تانكی بەنزینەكە دابگیرێت‌و بكرێتەوە، دواتر هەموو بەنزینەكەی دەربهێرێت‌و چەند جارێك تانكیەكە بەبەنزینی خاوێن پاك بكرێتەوە، دوای پاككردنەوە‌و بەستنەوەی تانكیەكە، بەنزینی خاوێنی تێبكرێتەوە.

 

 

 


سەرچاوە/ بەڕێوبەرایەتی هاتوچۆی سلێمانی
س ب