گرنگترین ڕێنماییەكان بۆ بەهاناوەچونی بریندار لەكاتی ڕوداوەكانی هاتوچۆ لەكوردیو بزانە

28/07/2018 - 11:01 بڵاوکراوەتەوە لە هەواڵ/ئۆتۆمبێل

 

سەرۆكی ڕێكخراوی ڕۆشنبیریی بۆ سەلامەتی ڕێگەوبانی كوردستان ڕایدەگەیەنێت: ئامارەكان ئەوە دەردەخەن كەڕۆژ بە رۆژ ڕووداوەكانی هاتوچۆ لە زیادبووندایە بۆیە پێویستە هاوڵاتیان زانیاری پێشوەختەیان لەسەر فریاكەوتنی بریندارەكان هەبێت.

 

یوسف محەمەد بازیانی سەرۆكی ڕێكخراوی ڕۆشنبیریی بۆ سەلامەتی ڕێگەوبانی كوردستان ڕایگەیاند: ئامارەكان ئەوە دەردەخەن كەرۆژ بە رۆژ ڕوداوەكانی هاتوچۆ لە زیادبوندایە لە جیهان بەگشتیو لە هەرێمی كوردستان بە تایبەتی و لە نێوەندی ئەم رووداوانەدا ژیانی زۆر كەس دەوەستێت لە سەر چۆنیەتی و دروستی فریاكەوتنیان لە شوێنی رووداوی هاتوچۆ.

 

هەروەها ئاماژەی بەوەشكرد: ساڵانەچەندین كەس گیان لە دەست دەدەن یاخود ئەندامێكی لەشیان لە دەست دەدەن كاتێك زوو چارەسەر و فریایی بەپەلەیان بۆ ناكرێت لە شوێنی رووداوەكە لەم كاتەدا تەنها دەزگا بەرپرسەكان بەرپرسیارنابن، بەڵكو خەڵكی و پزیشكەكانیش پێكەوە بەشداری ئەم بەپرسیاریەتیە دەكەن بۆیە پێویستە لەسەرمان بزانین چی پێویستە بكرێت .

 

چۆن فریایی برینداران بكەوین لە كاتی ڕوداوی هاتوچۆدا:

 


1/ هەوڵبدە هەموو بریندارەكان دەربهێنی لەناو ئۆتۆمبێلەكە بەتایبەتی ئەگەر ئۆتۆمبێلەكە وەرگەرابێت، چونكە بۆی هەیە پاش چەند خولەكێك ئاگر بگرێت كە زۆر جار روویداوە.


2/ هەوڵمەدە بریندارەكان بەتەنیا رابكێشی لەبەر ئەوەی لەوانەیە زۆر ئەزیەتی پێبگات، بەڵكو هەوڵدە لەگەڵ چەند كەسانێك بەهێمن و لەسەرخۆ هەڵیان بگرن و فریایان بكەون.


3/ ئەگەر بریندارەكە لەسەر شەقام كەوتبوو هەوڵبدە ئۆتۆمبێلەكە دوور بخەیتەوە لە بریندارەكە .


4/ ئەگەر ئۆتۆمبێلەكان شەقامیان داخستبوو یاخود بریندارەكە هەوڵدە بیانگوازیەوە بۆ كردنەوەی رێگاكە، بەڵام شوێنی ئۆتۆمبیلەكە لە بیرمەكە تاكو پۆلیس هێلكاری رووداوی هاتوچۆ كارەكانیان بەرێكی پێبكرێت.


5/ بریندارەكان دوور لە ئۆتۆمبێلەكان لەسەر پشت درێژ بكە تەنها ئەگەر پشتی بریندار نەبێ‌ هەر دوو قۆڵی و قاچەكانی درێژبكەوە سەری بەرزبكەوە ئەگەر برینی هەبوو دای پۆشە بە شتێكی خاوێن ئەگەربریندارەكە گیریبوولەناو ئۆتۆمبێل لەخۆ چوون لەناو ئۆتۆمبێل پێویستە ئاگاداری بین، چونكە لەكاتی لە خۆچوون بۆی هەیە زمانیان بچێتەوە ناو قورگیان ورێگای هەناسەدان بگرێت بۆیە دەبێت وادەبندرێن كە بریندارەكە بە ئاسانی هەناسە وەربگرێت تاكو ئۆتۆمبێلی فریاكەوتن دەگات یاخود دەگەیەنرێتە نزكترین نەخۆشخانە.


6/ بەزووترین كات ئاگاداری پۆلیس یاخود نەخۆشخانە یان مانگی سور یان ئۆتۆمبێلی فریاكەوتن بكەوە بە مەبەستی خزمەتگوزاری پێویست وبەپەلە.

 

 

 

 

 

 

س ب