لەبەر ئەم 6 هۆكارە گڵۆپی رۆن لەناو داشبۆرد ناكوژێتەوە !!

24/11/2018 - 08:21 بڵاوکراوەتەوە لە هەواڵ/ئۆتۆمبێل

 

 

زۆرێك لەشوفێران كاتێك گڵۆپی ئاماژەی ڕۆن لەنێو داشبۆردی ئۆتۆمبێلەكانیان هەڵدەبێت، ڕۆنی بزوێنەر دەگۆڕن ‌و بەوەش كێشەكە چارەسەر دەبێت، گڵۆپەكە دەكوژێتەوە، بەڵام هەندێك كات گڵۆپەكە بەهەڵبوویی دەمێنێتەوە، هۆكار چییە ؟؟

ئاشكرایە هەر سیستەمێك یان پارچە سیستەمێك لە نێو ئۆتۆمبێل لەكۆمەڵێك پارچەی بچووكترو پێكهاتوو پێكەوە كارەكە تەواو دەكەن، لەكاتی بوونی كێشە لە یەكێكیاندا تەواوی سیستەمەكە زیانی بەردەكەوێت ‌و ناتوانێت بەباشی كاری خۆی بكات تا چارەسەر نەكرێت.
دیارە سیستەمی چەوركردنی ناو بزوێنەریش هەمان شتە، كاتێك كێشە لەیەكێك لەپارچەكان دروستببێت، گڵۆپی سیستەمەكە هەڵدەبێت، یان گێچی فشاری ڕۆن كەم دەخوێنێتەوە، بۆ ئەوەش چەند هۆكارێك هەیە كە ئەمانەن:

1. بچڕانی وایەری سەر جۆزەی ڕۆن ‌و فیوزكردنی
2. گیرانی بۆرییەكانی ڕۆن
3. گیرانی پاڵپێوەری سەرەتایی ناو كێسی ڕۆن
4. پیسبوونی پاڵپێوەری سەرەكی ڕۆن
5. تێكچوونی جۆزەی ڕۆن
6. وەستانی ئۆیڵ پەمپ

هەریەك لەم خاڵانە زیان بەبزوێنەر دەگەیەنێت، بەڵام ئەگەر هەست بەوەكرا ئۆیڵ پەمپ سوتاوە یان لەكاركەوتووە، دەبێت دەستبەجێ بزوێنەر لەكاربخرێت، چونكە لەو كاتەدا بەهیچ جۆرێك ڕۆن ناگات بەبزوێنەرەكەو ئەوەش دەبێتە هۆی داخورانی پستۆنەكان‌ و لەكاركەوتنی تەواوەتی.

 

هاتوچۆی سلێمانی

 

 

ئـ . كـ