لەكاتی رووداوی هاتوچۆدا شوفێرانی تر چی بكەن باشە ؟؟

28/11/2018 - 08:36 بڵاوکراوەتەوە لە هەواڵ/ئۆتۆمبێل

 

 

هەموو سەرنجێكی ئەم ڕووداوە بدەن و بەراوردێكی بكەن بە هەمان حاڵەتی نەخوازراو لە كوردستاندا، هەر چەندە لە كوردستاندا لەرووی كلتوری و داب و نەریت و پەروەردەیی، بگرە زیادەڕەوی نییە گەر بووترێ بەشێكی بۆماوەییەو لە بووندایە، كە كەسی مرۆڤ دۆست و مرۆڤ پەروەر، حەزی بە هاوكاری و دەستی یارمەتیدان هەیە، بەڵام ئەم جۆرە هەڵوێست و كارانە لەكاتی رووداوەكاندا كاردانەوەیەكی پێچەوانەو نەرێنی هەیە لەسەر سروشتی رووداوەكەو دەبێتە هۆی كۆسپ و تەگەرە لەبەردەم كەسان و لایەنەكانی پەیوەندیدارو كارامەی بوارەكە. 

واتە بەناوی دڵسۆزییەوە رەنگە زیاتر زیان بگەێندرێت وەك لە سوود، جاری واهەیە بۆی هەیە ئەنجامەكەی بگاتە ئاستی گیان لەدەستدان بەهۆی دواكەوتنی چارەسەر وەیان هەر هۆكارێكی تر.

جا بۆیە تكایە شوفێرەكان لە كاتی حاڵەتی نەخوازراودا باشترە ئاپۆرە دروست نەكەن و بەپێی پێویست و سروشت و رادەی قەبارەی تراژیدیاكان بریاردەن، ئایا سەلامەتە بوونتان لەوێدا ؟؟ دەتوانن رۆڵی ئەرێنیتان هەبێت، بەكورتی هەڵسەنگاندنێكی خێراو بەرهەمدار بدەن، لانی كەم دەتوانن پابەندی ڕێنمایی هاتووچۆكان بن و خێراییتان كەم بكەنەوە.

 

ترافيكى سليمانى

 

 

ئـ . كـ