چۆن ئۆتۆمبێلەكەت لەزیانی بارانبارین دەپارێزیت؟ ڕێنمایی نوێ بزانە

06/12/2018 - 12:21 بڵاوکراوەتەوە لە هەواڵ/ئۆتۆمبێل

 



لەئێستا لەوەرزی بارانبارین‌و سەرماداین‌و پێویستە شۆفێران بەدرێژایی وەرزی بارانبارین وریا بن‌و ئاگاداری چەند ڕێنماییەك بن، بۆ ئەوەی باران زیان بەئۆتۆمبیلەكانیان نەگەیەنێت.
ڕێنماییەكان"


1/ مەكینەی ئۆتۆمبیل: لەكاتی باران بارین و كۆبوونەوەی باران لەسەر شەقامەكان، وریا بن‌و خۆتان لەو باراناوانە مەدەن، چونكە ئەو ئاوە ساردە كاتێ بەر مەكینەی گەرمی ئۆتۆمبیل دەكەوێت و زیانی لێدەدات و رەنگە بیكوژێنێتەوە، یان ئاسنە گەرمەكە تووشی داخوران و كشان بكات.

 

2/ ئەكجۆزو جاینەكان: لەكاتی باران باریندا بڕێكی زۆر ئاو لەژێرەوە دزە دەكاتە ناو مەكینەی ئۆتۆمبیلەوە، بۆیە دەبێ شۆفێران وریا بن و جار جار چێكی جاینەكان بكەن، نەكا تووشی كون بوون و رزین هاتن بن، یان بۆری هەوای گەڕاوەی مەكینە..


3/ پلاك‌و وایەرەكان: رەنگە ئاوی باران دزە بكاتە نزیك پلاكی مەكینەو تاقم وایەر و وایەرەكان، بۆیە دەبێ جار جار چێك بكرێن و وریای هەر خراپ بوون و داخورانێك بین، بەتایبەتی پلاكەكان كە وا دەكات ئۆتۆمبیل دەنگێكی نامۆ دەربكا یان جار جار بیبڕێ.

 

 


سەرچاوە/ هاتوچۆی سلێمانی
س ب